ОБЩЕСТВО

Адæмæн – ныфсы мæсыг, æууæнчы гæнах

Уататы Зелимыл сæххæст 70 азы.

 

Амонд!.. Цал фарсы йын ис, цал цæстæй худы адæймагмæ, цымæ? Амонды зæд йæ сæрты æртæ зылды кæмæн æркодта, амонды рухсдæр, табуйагдæр бынæтты дуæрттæ Арвы дуарау гом кæмæн сты, уый у Уататы Махарбеджы фырт Зелим.

 

Ирыстон сæрыстыр кæмæй сты, мыггаджы фарн æмæ кад бæрзонд чи хæссы. Уый цардмæ мулчы цæстæй никуы акаст. Алыран дæр, кæм кусы, кæм архайы, уым кæны æнæхин фæллой, ис дзы кад. Зелимы мидисджын цард абон бирæтæн у дæнцæг. æххæст кæны фыдæлты фæдзæхст  – мыггаджы, хъæубæсты, Ирыстоны кадыл кад æфтауын. Фыдыбæстæ уарзын, хъахъхъæнын, адæмæн цæстуарзон лæггад бакæнын, фæзминаг сты йæ удыхъæды миниуджытæ. 1992 æмæ 2008 азты историон цауты Зелим, йæ хæстон фыдæлтау, раззагдæртимæ æрлæууыд тыхгæнæгæн ныхкъуырд радтыныл.

 

Адæймаг йæ зæрдæ бæллиццаг хорздзинадыл куы дара, уæд æмæ ныфс дæр ис æмæ цардбæллиц дæр. 

 

Ацы фæрнджын зæххыл хорздзинадæй цы ис, цард рæсугъд æмæ амондджын цæмæйдæриддæр у, уыдон сты адæймагæн йæ зæрдæйы рухс æмæ йæ хъазуатон фæллойæ арæзт. Рагæй-æрæгмæ  ирон цард рæсугъд у хистæр æмæ кæстæры æгъдауæй. Хистæртæ кадджын кæм сты, кæстæртæ амондджын, ахæм царды – адæймаг йæ цæстыдзагæй кæсы, риуыдзагæй æнцонæй улæфы. Хорз байзæддагæн сæ царды мидис амад у рæстдзинады бæрцбарæнтыл, фидар фæтк æмæ уагæвæрды хорзæхтыл. 

 

Бирæ ис Ирыстоны хорз кæстæртæ, рагфыдæлты намыс æрмынæг чи нæ уадзы.  Циндзинады куы ракувынц, зианы куы раныхас кæнынц, уæд сæм адæймаг хъусынæй нæ фефсæды. Цавæрфæнды  дзырдаивады  дæсны дæр сæм сцымыдис вæййы. Хъæлæс дæр уды кондмæ  гæсгæ у, фæлмæн ныхас удæн æхсызгондзинад хæссы, зæрдæмæ тынгдæр хъары, цардбæллон æй кæны. Уататы Зелим куывды кæнæ чындзæхсæвы куы скувы, зианы куы радзуры, уæд йæ дзырд, йæ алы хъуыдыйад дæр зонд у, зæрдæйыл æмбæлынц, дзуры цыбыр, мидисджын æлвæст хъуыдытæй. Æвзаджы сыгъдæгдзинадтæ уды  куырыхондзинадыл дзурæг у. Секъайы загъдау, хорз лæджы фæстæ мæргътæ дæр тæхынц, хорз лæджы фæд зæйы бын дæр нæ сæфы, хорз хистæр фидæны, сомбоны фæлтæры, фылдæр æмæ хуызæдæрæй тынгдæр ницæмæ тæхуды кæны.

 

О, ис ахæм адæймæгтæ, æмæ æрмæст сæ фарсмæ куы лæууай, йемæ куы ныхас кæнай, уæддæр дæ тавдзæн йæ уды хъармæй. Уататы Зелим уыцы фарнæй хайджын у, æмæ адæмы тавы йæ уды хъармæй. Йæ къух кæмæн амоны, ахæмтæ гыццыл нæй нæ алыварс, фæлæ дзы стæмтæ сты удæй рæдау. Зелим кæмæн баххуыс кодта, бузныг дзы чи у, уыцы адæймæгтæ та тынг бирæ сты. Сгуыхт у æцæг лæджы фæзминаг миниуджытæй – йе ‘гъдауæй, йæ ирондзинадæй.

 

Уæдæ, лæджы цытджын хæс Зелим æххæст кæны фæрнæй, адæмæн та у ныфсы мæсыг, æууæнчы гæнах. Цы ма уа уымæй арфæйагдæр хъуыддаг!

 

Абон йæ юбилейы къæсæрыл газет «Владикавказ»-ы редакцийы коллектив зæрдиаг арфæтæ кæнынц  Уататы Зелимæн. Куыд фæзæгъынц, адæм сæ хуыздæрты фæрцы адæм сты. Ирон адæмы лæгдæртæй иу у Уатайы-фырт, æмæ ма бирæ фæзминаг хъуыддæгтæ саразын бафтæд йæ къухы!

 

 


Похожие записи:

ОБЩЕСТВО 12.01.2024 в 19:31

Мечты сбываются!

11 января главе муниципального образования г. Владикавказ – председателю Собрания представителей г. Владикавказа Александру Пациорину благодаря Всероссийской акции «Елка желаний» удалось осуществить мечту четвероклассника владикавказской школы №6 Тимура Дзагкоева о цифровом пианино.

ОБЩЕСТВО 22.12.2022 в 09:28

Йæ литературæйы хъайтартæ бирæтæн систы уарзон

Ирыстоны хуыздæр сылгоймаг-фысджытæй иу – Будайты Милуся бæрæг кæны йæ юбилей

ОБЩЕСТВО 8.12.2021 в 13:16

Марат Басиев: «Улучшение жизни каждого жителя нашей страны – лучший показатель эффективности»

Марат Басиев, доцент кафедры государственного права Северо-Осетинского государственного университета

ОБЩЕСТВО 16.11.2022 в 20:38

Совместные усилия в борьбе с экстремизмом и терроризмом

Министерство РСО-А по национальной политике и внешним связям и Управление Федеральной службы исполнения наказаний по РСО-А подписали соглашение о сотрудничестве. Ведомства договорились о совместной работе в вопросах противодействия идеологии терроризма и экстремизма.

ОБЩЕСТВО 19.09.2023 в 09:58

УЛИЦА ЛАРИОНОВА

Улица располагается в Затеречном внутригородском районе Владикавказа. Начинается от улицы Коцоева и заканчивается проспектом Коста. Улицу Ларионова пересекают улицы Карла Маркса и Ватаева. На нечетной стороне улицы Ларионова заканчивается улица Триандафиллова, на четной начинается улица Тенгинская.

ОБЩЕСТВО 25.01.2024 в 08:00

Победители

Во время Великой Отечественной войны представители всех народов Советского Союза сражались на передовой в рядах Красной армии. Однако не менее значимой была деятельность соотечественников и в партизанских отрядах.

Все новости из категории: ОБЩЕСТВО