ОБЩЕСТВО

Ленинград нæ бакуымдта сæттын

Лæгæвзарæн хæст. Ахæм хъæу, ахæм мыггаг æмæ хæдзар нæ уыд, йæ сау базырæй кæй нæ асыгъта.

 

Фæлтæр фæлтæры ивы, дарддæрæй дарддæр кæнынц Фыдыбæстæйы хæсты цаутæ. Фæлæ мах хъуамæ ма бауадзæм рох кæнын, нæ фыдæлтæ Германы фашистты ныхмæ хæсты цы сгуыхтдзинæд равдыстой, уый. Хъуамæ нæ зæрдыл дарæм, Фыдыбæстæйы цыты ном чи айхъуысын кодта, уыдоны. Нæ фыдæлты цыт æмæ хъæбатырдзинад мах хъуамæ ныууадзæм нæ кæстæр фæлтæртæн фæзминагæн.

 

Æндæр æмæ æндæр æнусты хъæбатырæй  тох кодтой Райгуырæн бæстæйы сæраппонд. Абон мах, уыдоны фæдонтæ, хъуамæ кæддæриддæр уæм нæ Райгуырæн бæстæйы патриоттæ, кад кæнæм нæ хъайтартæн æмæ сын ма рох кæнæм сæ нæмттæ.

 

Куыд раджы, афтæ ныр дæр Фыдыбæстæйы  æнæмæнг хъæуы патриоттæ, уыдоны иузæрдиондзинад, уымæн æмæ махмæ нырма дæр цæуы тох нæ бæстæйы рæсугъд фидæн аразыны  фæдыл.  Цавæр фидæн уыдзæн нæ бæстæйæн, уый та у æрыгон патриотты арæхстдзинадæй аразгæ.

 

Фыдыбæстæйы Стыр хæсты цаутæй иу дæр рохгæнинаг нæу, иумæ дæр дзы хуымæтæг цæстæй кæсæн нæй. Фæлæ дзы уæддæр Ленинградыл тох нымад у иууыл карздæр æмæ дæргъвæтиндæр тохтæй иу. Ацы бонты уыцы тугуарæн цауыл æххæст кæны 80 азы. Невайы цæугæдоны цур горæт 900 боны æмæ æхсæвы уыдис фашистон блокадæйы. Мингай ленинградæгтæ баисты немыцаг лæгмарты амæттаг. Нал уыд бæстæйы фæсчъылдымимæ бастдзинад. Адæм сæфтысты уазалæй, æххормагæй, æгъатырæй сыл æппæрстой бомбæтæ, æхстой сæ сармадзантæй.

 

Фæлæ фашисттæн сæ фæндтæ сæ хъуыры фæбадтысты, Ленинград нæ бакуымдта басæттын. Ленинград бахъахъхъæныныл тохы архайдтой нæ бæстæйы æппæт адæмты минæвæрттæ. Уыдоны ‘хсæн ирæттæ æмæ ирыстойнæгтæ уыдис 3,5 мин адæймаджы бæрц.

 

Азæй-аз къаддæр кæны сæрæгас ветеранты нымæц. Рацæудзæн ма ноджыдæр цалдæр азы æмæ хæсты ветерантæй ничиуал баззайдзæн сæрæгас. Афтæмæй махæн, сæрмагондæй, ничиуал радзурдзæн хæсты æбуалгъ цауты тыххæй. Куыдфæстагмæ, хæсты тыххæй факттæ æрмæст рох нæ кæнынц, фæлæ сæ барæй зыгъуыммæ дæр кæнынц.

 

Стыр Фыдыбæстæйон хæсты уæззау азтæ кæд дардæй дарддæр кæнынц, уæддæр нæ мысынады хъуамæ баззайой уыцы тугкалæн æмæ дæргъвæтин хæсты Советон адæм цы хъайтардзинæдтæ равдыстой, уыдон.

 

КЪУДУХТЫ  Маринæ


Похожие записи:

ОБЩЕСТВО 3.08.2022 в 22:09

Участие войск НКВД СССР в Северо-Кавказской оборонительной операции

С середины августа 1942 года гитлеровское командование приступило к операции «Эдельвейс» по захвату Северного Кавказа и Закавказья.

ОБЩЕСТВО 23.08.2018 в 15:27

Работа не волк, в лес не убежит

Правительство республики и администрация г. Владикавказа познакомились с работой заключенных в производственных цехах исправительной колонии №1.

ОБЩЕСТВО 10.12.2022 в 13:45

Модель многодетной семьи как ценностная ориентация молодежи Северной Осетии

Публикуем с некоторыми сокращениями научную статью Гуриевой Л.К., доктора экономических наук, профессора кафедры менеджмента, маркетинга и туризма СОГУ им. К.Л. Хетагурова. Данное исследование выполнено за счет гранта Российского научного фонда №22-28-20534, https://rscf.ru/project/22-28-20534/

ОБЩЕСТВО 2.09.2021 в 10:38

Нæй уыцы æртæ тугуарæн бонæн ферохгæнæн

Ирыстон йæ зæрдыл дары йæ саби-зæдты. Мах хъуамæ цæрæм, цæмæй макуал æрцæуа ахæм бæллæх.

ОБЩЕСТВО 21.05.2020 в 14:49

Грузия претендует на лидерство «от Никопсии до Дербентского моря и от Осетии до Арагаца»

21 мая считается датой окончания Кавказской войны.  В этот день мы поинтересовались мнением экспертов

ОБЩЕСТВО 13.05.2022 в 21:00

Памяти коллеги

Ушел из жизни Эдик Цоциев. «Тот самый Эдик» – скажите эту фразу любому коммунальщику Владикавказа и вам обязательно улыбнутся в ответ.

Все новости из категории: ОБЩЕСТВО