ГЛАВНЫЕ НОВОСТИ

Ныууагъта рухс фæд йæ фæстæ…

Йæ цардæй ахицæн Цæгат Ирыстоны адæмон артист, диктор, зарæггæнæг Мамсыраты Тасолтан

Курдиат… Æвæдза, цæй диссаг дæ! Ды равзæрыс адæймаджы уды арфы, ныррухс кæныс зæрдæйы æмæ зонды рæбинагдæр æвæрæнтæ. Бамбæхсæн дын нæй, нæй дын фесæфæн. Хæххон цæугæдон куыд абухы, афтæ сабухыс. Рæсугъд уарди иннæ дидинджыты ‘хсæн бæрæг куыд фæдары, афтæ дæуæн дæр фæивддзаг кæнæн нæй. Цард адæймаджы размæ цыфæнды стыр цæлхдуртæ куы æвæра, уæддæр, рæхснæг тала къæдзæхы фахсы йæ уидæгтæ куыд ауадзы æмæ уым куыд æрзайы, афтæ стыр курдиаты хицау адæймаг дæр царды тымыгътæн сæттын нæ бакомы. Уый йæхицæн равзары зын, фæлæ арфæйаг фæндаг.  Йæ рухсæй  дзыллæйы чи тавта, йæ курдиатæй  бирæ азты стыр цин чи хаста, уыцы арфæйаг хистæртæй иу уыд Цæгат Ирыстоны адæмон артист, диктор, зарæггæнæг Мамсыраты Тасолтан.

 Кæд афтæ бирæ зарджытæ нæй Тасолтаны репертуары, уæддæр се ‘ппæт ирон адæмӕн сты зындгонд. «Агурын дæу», «Дидинæг», «Мæ фæллад цæстытӕ» – ацы зарджытæ 

Тасолтанæн ныффыста композитор Гæздæнты Булат.

Йæ бирæ хæлæрттæ æмæ ма йемæ царды æрмæст иу хатт чи фембæлд, уыдоны зæрдæты Тасолтан ныууагъта рухс фæд. Уыдис фæлмæн, цæстуарзон хистæр, кæстæр фæлтæры куырыхон ахуыргæнæг.

Мамсыраты Тасолтаны фæзынд куыд Цæгат Ирыстоны радиойы, афтæ царды дæр, уыдис стъалыйы ферттывдау. Кæцы дарддæр дæр ирдæй рухс кæндзæн йæ хæлæртты, бинонты æмæ кæстæрты фæндаг. Йæ ном та æнустæм цæрдзæн канд йæхиуæтты зæрдæты нæ, фæлæ радиойы йæ фæлмæн хъæлæсæй цы бирæ рольтæ сарæзта, уыдоны сурæтты.

Уыимæ йын æрдз балæвар кодта, дикторы тынг чи хъæуы, ахæм нæртон миниуджытæ. Йæ удыхъæды уыдысты, адæймаджы рæсугъд æмæ кадджын чи кæны, æппæт уыцы миниуджытæ. Æмæ абон, фыццаг къахдзæфтæ чи кæны дикторы дæсныйады сусæгдзинæдтæ базоныны фæндагыл, уыцы кæстæртæн йæ аивад  æнæхъæнæй дæр хъуамæ суа сфæлдыстадон скъола. Дунейы цыфæнды радио дæр, æвæццæгæн, бабæлдзæн Тасолтаны хуызæн дæсны диктормæ.

О, зын у  ахæм адæймаджы тыххæй ивгъуыд афоны дзурын, фæлæ Хуыцауы тæрхонæн мах, зæххон адæм, уынаффæтæ нæ кæнæм. Нæй нын ахæм бар.  Ис нын æрмæстдæр – мысæнуат. Уым адæймаг ныффидар кæны йæ хъысмæты ахсджиагдæр цаутæ, фæзминаг адæймæгты сурæттæ, сæ хъуыддæгтæ. Уырны нæ фидарæй, Ирыстоны бирæ адæймæгты мысæнуаты кæй æрцæрдзæн Тасолтаны фæлгонц, йæ ном. Йæ диссаджы, зæлдæгау, зæрдæмæдзæугæ хъæлæс  нын нæ зæрдæты  лæууын кæндзысты йæ лæггæдтæ ирон аивадæн, ирон радиойы къæбицæн.

Тасолтан, рухсаг у… Цæуыс де ‘нусон фæндагыл æмæ дзæнæты дæ бынат. 

Газет «Владикавказ»-ы редакцийы кусджытæ хъыгзæрдæйæ тæфæрфæс кæнынц Мамсыраты мыггагæн сæ уарзон хистæр Тасолтаны зианы фæдыл.

КЪУДУХТЫ Маринæ


Похожие записи:

ОБЩЕСТВО 27.07.2019 в 09:54

Маршруточная перезагрузка

Проблема пассажирских перевозок назрела уже давно. С годами ситуация лишь видоизменяется.

ГЛАВНЫЕ НОВОСТИ 29.04.2022 в 19:10

Миллион цветов высадят во Владикавказе

Каждый год увеличивается объем работ по благоустройству и озеленению столицы республики. Руководство Администрации местного самоуправления города Владикавказа делает на это особый упор. Уже сегодня улицы и площади города украшают несколько сотен тысяч тюльпанов, которые, согласно технологии, высадили еще зимой.

ОБЩЕСТВО 1.07.2022 в 21:56

Фыдыбæстæ уарзын æмæ хъахъхъæнын

Ацы дыууæ хъуыддагæн ис стыр ахадындзинад, уæлдай дæр та ныры царды. Патриотизм ирон адæммæ бæрзонд æвæрд кæй у, ууыл дзурæг сты бирæ историон цаутæ. Уымæ гæсгæ зонынц нæ зæххыл цы сабырдзинад ис, уымæн йæ аргъ.

ОБЩЕСТВО 13.10.2022 в 07:03

Ацамаз Дзотов: «Подвиг Лазаря Дзотова – прекрасный пример единства народов в тяжелое для родины время!»

На Чижовском плацдарме прошла торжественная церемония открытия бюста уроженца Северной Осетии Лазаря Дзотова. В августе 1942 года Дзотов совершил выдающийся подвиг на воронежской земле – закрыл собой амбразуру вражеского дота, тем самым спас жизни своих товарищей. Его именем названа улица в Ленинском районе Воронежа, в честь Героя установлена памятная доска.

ОБЩЕСТВО 9.12.2021 в 08:01

Æнæхъæн дунейыл айхъуыст йæ ном

Советон Цæдисы адæмон, Уæрæсейы адæмон, Удмуртийы адæмон, Республикæ Цæгат Ирыстон-Аланийы адæмон артисткæ,

ОБЩЕСТВО 4.09.2018 в 09:45

Научный прорыв

Карликовые, китайские декоративные, бородачи, барбезье, брама… Доктор биологических наук, профессор Сослан Козырев

Все новости из категории: ГЛАВНЫЕ НОВОСТИОБЩЕСТВО