ОБЩЕСТВО

Дзæуджыхъæуæн стыр кад чи кæны

Адæймаг кæм райгуыры æмæ кæм схъомыл вæййы, уый у райгуырæн зæхх. Æмæ,  кæй зæгъын хъæуы, Райгуырæн бæстæ ныййарæг мадау уымæн у адджын. Махæн дæр нæ чысыл Ирыстон у тынг зынаргъ æмæ адджын. йæ сæйраг сахар та у Дзæуджыхъæу.

 

Уымæ гæсгæ нæ алкæмæ дæр хъуамæ уа иузæрдиондзинад æмæ патриотизмы æнкъарæнтæ. Уæд нæ алчидæр уыдзæн тыхджындæр æмæ ныфсджындæр.

 

Куыд зонæм, афтæмæй раздæр Дзæуджыхъæу горæт нæ уыд, фæлæ – фидар.

 

Революцийы размæ Владикавказ нымад уыд Кавказы культурондæр горæттæй иуыл. Нæ горæтимæ баст сты Пушкины, Къостайы, Булгаковы, Вахтанговы нæмттæ. Ирыстоны бынæттон цæрджытæ сты ирæттæ – рагон скифты, сæрмæтты æмæ аланты байзæддæгтæ. Фæлæ ма нæм цæрынц алыхуызон адæмыхæттыты минæвæрттæ, уыцы адæмтимæ цæрæм хæларæй.

 

Азтæ кæрæдзийы куыд ивынц, афтæ нæ горæт йæ хуыз аивта. Бирæуæладзыгон хæдзæрттæ, театртæ, парктæ азæй-азмæ фылдæр кæнынц.

 

Проспекты æнусон бæлæсты бын куы фæцæйцæуай, уæд дæм афтæ фæкæсдзæн, цыма зæронд Владикавказы уынгты тезгъо кæныс. Канд бынæттон цæрджытæ нæ, фæлæ ма уазджытæ дæр уарзынц ам сæ фæллад уадзын.

 

Дзæуджыхъæуæн стыр кад чи кæны, чи йæ уарзы, ахæм адæймæгтæ нæм ис тынг бирæ. Уыдонæй иу бынæттон администрацийы минæвар Джиоты Хъазы­бег. Нæ газеткæсджытæ йæ зонынц йе сфæлдыстадмæ гæсгæ дæр.

 

Абон та уын, уæ бирæ куырдиæттæм гæсгæ,  мыхуыр кæнæм, йæ уарзон сахарыл цы зæрдæбын рæнхъытæ снывæзта, уыдон.

 

НÆ УАРЗОН, РУХС ДЗÆУДЖЫХЪÆУ!

 

Дзæуджыхъæу – нæ Иры зæрдæ,

Сахар дæ ныр, хъæуæн æгæр дæ.

Нæ цъитиджын хæхты нын рагæй,

Ды хъахъхъæныс фыдбон, знагæй.

 

Сфæлдисæг Хуыцау, нæ дарæг,

Къоста, Васо, Иссæ, ныййарæг.

Æхсарджын, намысджын фæсивæд,

Фæллой кæнынц, нæ зонынц зивæг.

 

Фæуæнт нæ рухс фыдæлтæ рухсаг,

Фæкæнæнт Иры дзыллæ рухс цард!

Валери Гергиты йæхæдæг

Дунейы аивады фæтæг.

 

Дзæуджыхъæу, дæ цин, дæ радæй,

Зæрдæрухсæй, æхсидгæ кадæй,

Дæ цæрджытæ æнгомæй рухсмæ

Хæссæнт дæ кадджын ном æнусмæ.

Фыдыбæстæн – хæсты йæ гæрах,

Нæ сахар – Хуссары йæ гæнах.

Цæстыгагуыйау дарæм дæу,

Нæ уарзон, рухс Дзæуджыхъæу!

 

У Терк дæ зæрдæйæн йæ дадзин,

Æвдадзы хос, æдзух дзы нуазин.

Дæ минæвар – цæуæд, кæлæд,

Йæ цины зарджытæ кæнæд.

 

Дæ номдзыд, кадджын уынгты нæмттæ,

Дæ диссаджы галуан – хæдзæрттæ.

Фыдæй-фыртмæ дæуæн дæ туджы –

Æсгуыхтдзинæдтæ ’вдисын дуджы.

 

ДЖИОТЫ Хъазыбег


Похожие записи:

ОБЩЕСТВО 25.04.2022 в 18:25

Росгвардейцы пополнили полки городской уличной библиотеки

Во Всемирный день книги сотрудники вневедомственной охраны Росгвардии в рамках социального проекта «Уличная библиотека» пополнили полки библиотеки под открытым небом в Центральном парке культуры и отдыха им. К.Л. Хетагурова.  

ОБЩЕСТВО 21.06.2022 в 10:11

Служба в армии – почетная обязанность

Весенняя призывная кампания продолжает набирать обороты. Не снижая темпа, в военном комиссариате г. Владикавказа РСО-А проходят мероприятия, связанные с призывом. После проведения первых отправок наши призывники уже успели заменить ушедших в запас воинов.

ОБЩЕСТВО 21.06.2022 в 00:00

Вячеслав Мильдзихов поздравил медицинских работников с профессиональным праздником

УВАЖАЕМЫЕ МЕДИЦИНСКИЕ РАБОТНИКИ И ВЕТЕРАНЫ ЗДРАВООХРАНЕНИЯ!   От всей души поздравляю вас с профессиональным праздником! Вы избрали благородное дело – сохранение здоровья людей, спасение человеческих жизней. Ваша профессия требует глубоких знаний, целеустремленности, особых душевных качеств.

ОБЩЕСТВО 27.05.2022 в 21:52

Морская душа

В речном городе он с детства мечтал о море, и мечта его почти сбылась… Сергей Семененко родился во Владикавказе 55 лет назад в семье терских казаков. Отец работал слесарем на заводе. 

ОБЩЕСТВО 3.07.2018 в 12:48

Футбол футболом, а субботник по расписанию

Владикавказ очередной раз принял участие в общереспубликанском субботнике.

ОБЩЕСТВО 31.03.2018 в 10:17

Быть добру!

Наши сердца всегда переполняются гордостью, когда мы слышим о выдающихся заслугах наших земляков в области культуры, науки, спорта, свершенных во славу осетинского народа.

Все новости из категории: ОБЩЕСТВО