ОБЩЕСТВО

ДЖЕОРГУЫБАЙЫ ХОРЗÆХ УÆ УÆД, ИРЫСТОНЫ АДÆМ!

Зынаргъ ирон адæм! Æрбалæууыд та Уастырджимæ кувæн бонты къуыри – стыр æппæтадæмон бæрæгбон, æмæ нæ алкæйы дæр йæ хорзæх уæд!

 

Бӕрӕгбоны Ирыстоны куырыхон хистӕртӕ Уастырджимӕ кувдзысты æмæ курдзысты Хуыцауы бархъомысӕй, цӕмӕй нӕ адӕмы цард хуыздӕр кӕна, дуне сабыр уа, цæмæй нæ тохдзау хъæбатыртӕ сӕ хӕдзӕрттыл дзӕбӕхӕй сӕмбӕлой, бӕлццӕттӕ рӕствӕндаг кӕной кӕддӕриддӕр, нӕ кӕстӕртӕ та лӕгдзинад ӕмӕ ныфсджынӕй куыд рӕзой.

 

Нæ тæхгæ-нæргæ Уастырджи фыдбылызсафæг, хæрзбон хæссæг у, æмæ ирон адæм, æнæхъæн Ирыстон æнæфыдбылыз куыд уой, ахæм амонд нæ уæд!

 

Ирыстоны цӕрджытӕ рагӕй дӕр тынг нымайынц ацы бӕрӕгбон, уымӕн ӕмӕ сӕ фӕззыгон куыстыты фӕстӕ, сӕ бирӕ фӕллӕйттӕ бафснайыны фӕстӕ ралӕууы куывдтӕ ӕмӕ чындзӕхсӕвты рӕстӕг.

 

«Джеоргуыба мын зӕгъ, ӕмӕ дын зымӕг зӕгъон», – афтӕ-иу дзырдтой нӕ фыдӕлтӕ, уымӕн ӕмӕ йӕ хӕдфӕстӕ ралӕууы зымӕг. Ацы мӕй ма  чындзӕхсӕвты мӕй дӕр хонынц. Уымӕн ӕмӕ-иу алчидӕр тырныдта йӕ фӕззӕджы бӕркӕдтӕй хъӕздыг чындзӕхсӕв саразын.

 

Джеоргуыбайыл иу цин кӕнын райдыдтой ноябры мӕйы ӕртыккаг хуыцаубоны. Уыцы бон хонынц Галӕргӕвдӕн хуыцаубон, уымæн æмæ акæнынц галæй кусарт. Къуырисӕры та акӕнынц фысӕй кусæрттӕ. Йӕ фадат кӕмӕн фӕамоны, уый йӕ кувинӕгтӕ ахӕссы Уастырджийы кувӕндоны бынмӕ. Уым сӕ скувынц, стӕй фӕдзӕхсӕнимӕ сӕхимӕ ӕрыздӕхынц ӕмӕ, бӕрӕгбоны фарн ӕфтыд цы хойрагыл ӕрцыд, уый дӕр хӕдзары фынгӕвӕрды фарсмӕ ӕрӕвӕрынц. Уыцы ‘хсӕв дӕ фынгмӕ искӕй ӕрбахонын ӕнӕмӕнг хъуыддаг нӕу, Уастырджимӕ алчидӕр кувы йӕхи хӕдзары. Афтæ райдайы Уастырджимӕ кувӕн къуыри. Дыккаг хуыцаубон вӕййы Уастырджийыл хи фӕдзӕхсӕн бон ӕмӕ уый хӕдфӕстӕ – къуырисӕры изӕрӕй йӕ ӕрвитӕн ӕхсӕв.

 

Къуырийы дӕргъы ирон адӕм фӕбадынц бӕрӕгбоны фынгтыл сӕ кадджын уазджытимӕ ӕмӕ фӕкувынц Стыр Хуыцаумӕ ӕмӕ Сызгъӕрин Уастырджимæ.

 

Нæ хъуыддæгты нæ раст фæндагыл куыд æфтауа, кæддæриддæр æмæ кæмдæриддæр йæ рахиз базыры бын куыд дара, ахæм ахъаз нын бакæнæд! Фыдæй-фыртмæ йæм кувæм, нæхи йыл фæдзæхсæм, æмæ алы хатт дæр йе уазæг уæм! Алкæй хæдзар дæр нæ фарн æмæ амондӕй хайджын уæд! Царды рæсугъд фæндæгтыл цæугæйæ, фыдбылызæй хызт уæнт на хæстæджытæ æмæ къабæзтæ!


Похожие записи:

ОБЩЕСТВО 15.12.2021 в 19:49

Объединяющая память

На мемориальном комплексе «Барбашово поле» появилось новое мозаичное панно в гранитной плите

ОБЩЕСТВО 14.10.2021 в 08:05

В СОГМА состоялась встреча со студентами−гражданами иностранных государств

В Северо-Осетинской медицинской академии состоялась встреча

ОБЩЕСТВО 25.01.2024 в 09:06

Вечно молодой праздник

Ежегодно 25 января мы отмечаем День российского студенчества, или Татьянин день. Студенты широко отмечают эту дату веселыми гуляньями, но праздник не является выходным днем. Сегодня хочется вспомнить об истории и традициях вечно молодого праздника и поговорить о том, как молодежь отмечает его в этом году.

ОБЩЕСТВО 18.10.2023 в 20:18

Тридцатилетие избирательной системы

Сегодня избирательная система Северной Осетии отмечает тридцатилетие. Указом Главы РСО-А Сергея Меняйло был установлен новый региональный праздник – День работника избирательной системы. Датой празднования определено 19 октября. В этот день в 1993 году была образована Центральная избирательная комиссия Северо- Осетинской Автономной Советской Социалистической Республики.

ОБЩЕСТВО 20.07.2022 в 21:12

В ЦИК прошел обучающий семинар для журналистов

В семинаре приняли участие представители всех медиа региона. С приветственным словом к присутствующим обратилась председатель ЦИК РСО-А Жанна Моргоева и пожелала плодотворной работы.

ОБЩЕСТВО 31.07.2023 в 19:02

Порядок вручения повесток

В связи с принятием Федерального закона от 14.04.2023 №127-ФЗ «О внесении изменений в отдельные законодательные акты Российской Федерации» часто возникают вопросы, требующие разъяснения. Одним из таких вопросов является порядок получения повесток гражданами, подлежащими призыву на военную службу.

Все новости из категории: ОБЩЕСТВО