ОБЩЕСТВО

РАВДЫСТОЙ СГУЫХТДЗИНАД

Хъайтартæ æрмæст историйы ахуыргæнæн чингуыты нæ вæййынц – уыдон уыдысты æмæ уыдзысты, абон та цæрынц не ʼхсæн. Бæстæйæн уæззау рæстæджыты, сæ цардæн тæссаг уавæрты, хъайтартæ сæ буарæй бамбæрзынц сæ хæстон æмбæлтты нæмгуытæй, хъахъхъæнынц сабыр цæрджыты, уымæй, патриотизм æрмæст ныхæстæй нæ, фæлæ хъуыддагæй æвдисгæйæ. Украинæйы сæрмагонд æфсæддон операцийы рæстæджы æфсæддон службæгæнджытæй бирæтæ хорзæхджын æрцыдысты паддзахадон хорзæхтæй. Уыдоны нымæцы сты не ʼмзæххонтæ дæр. Абон уæ дзы иу цалдæримæ, нæ зынаргъ газеткæсджытæ, зонгæ кæнæм.

 

 

2022 азы мартъийæ фæстæмæ Украинæйы сæрмагонд æфсæддон операцийы хайадисæг, снайперты взводы командир Саулохты Чермен Барисы фырт хорзæхджын æрцыд Суворовы майданæй. Хæстон у 2015 азы Цæгат Кавказы Суворовы æфсæддон ахуыргæнæндоны æмæ 2019 азы Мæскуыйы иумæйаг æфсады командон ахуыргæнæндоны рауагъдон.

 

Взводы командир, лейтенант Саулохы-фырт хъахъхъæдта уæрæсейаг æфсæдты дæлхæйтты размæ цæугæйæ. Хæстон хæс æххæст кæныны рæстæджы хæстонтæ сбæрæг кодтой ныхмæлæууæджы диверсион къорды. Чермен саргъ кодта уавæрæн æмæ райста уынаффæ сусæгæй украинæйаг хæстонты позицитæм бацæуын æмæ сæм æнæнхъæлæджы ныббырст. Лейтенанты взвод бацахста æдас позицитæ æмæ сæ уый фæстæ æхсын райдыдтой. Знæгтæй фæмард бирæ, иннæ украинаг æфсæддон службæгæнджытæ та сæхи радтой уацары. Бафарсты рæстæджы уыдон загътой сæ артиллерийы позицийы бынат. Уæрæсейаг æфсæддон службæгæнджытæ сарæзтой развæдсгæрст бацамынд бынаты æнæпилотоны æххуысæй, сбæрæг кодтой знæгты техникæ æмæ йæ авиацæф ныккодтой. Уый фæстиуæгæн къухты бафтыд цыппар хæддзæугæ артиллерион ифтонгады, аст автомобилы æмæ дыууын ныхмæлæууæгæй фылдæр скуынæг кæнын. Саулохы-фырты сæргълæудæй взводы раст архайдтытæ баххуыс кодтой уæрæсейаг æфсæддон службæгæнджыты ныхмæ знæгтæ цы провокацитæ цæттæ кодтой, уыдон аиуварс кæнынæн.

 

Саулохты Чермен хорзæхджын æрцыд Суворовы майданæй уыцы хъайтардзинады тыххæй.

 

 

 

 

Йе ʼфсæддон хæс æххæст кæныны рæстæджы хъæбатырдзинад æмæ лæгдзинад кæй æвдыста, уый фæдыл УФ-йы Президенты барамындæй Битарты Сослан хорзæхджын æрцыд хъайтардзинады орденæй. Уый райгуырд 1989 азы. Каст фæцис Мичурины астæуккаг скъола, уый фæстæ йæ ахуыр адарддæр кодта Цæгат Кавказы Хæххон-металлургон институты юридикон факультеты. Æрсидтысты йæм æфсады рæнхъытæм. Службæ кодта Самарæйы горæты. Æфсæддон цард йæ зæрдæмæ кæй фæцыд, уымæ гæсгæ аскъуыддзаг кодта контрактмæ гæсгæ службæ кæнын. Службæ кодта Хъырымы, Севастополы. Йæ контракт фæуыны фæстæ йæ райгуырæн уæзæгмæ куы ʼрцыд, уæд Украинæйы райдыдта сæрмагонд æфсæддон операци æмæ æвзонг лæппу йæхицæн бынат нал ардта.

 

«Йæ ацыдæй иу бон раздæр нын загъта, зæгъгæ, ныффыста рапорт горæт Ивановойы Уæлдæфон-десантон æфсæдты службæ кæныны тыххæй. Мæ бон, дам, нæу иуварс лæууын, бæстæйы ахæм цаутæ куы цæуынц, уæд. Кæй зæгъын æй хъæуы, ацы хабар нын уыд тынг æнæнхъæлæджы. Йæ фыд æй нæ уагъта, фæлæ йæ фæнд нал аивта», – зæгъынц йæ бинонтæ.

 

Херсоны цур тохы фæдыл йæ хорзæхы тыххæй дæр никæмæн дзырдта. Фæлæ йæ куы базыдтой, уæд йæ ныййарджыты зæрдæтæ байдзаг сты сæрыстырдзинады æнкъарæнтæй сæ хъæбатыр лæппуйы сгуыхтдзинæдты тыххæй. Сослан йæхи хъайтарыл нæ нымайы. Фæзæгъы, зæгъгæ, хъайтардзинадæй ницы сарæзтон, хуымæтæджы æххæст кодтон мæ хæс.

 

 

 

Уæрæсейы Федерацийы Президент Владимир Путины барамындæй ирыстойнаг Чилæхсаты Заза Зауыры фырт дæр хорзæхджын æрцыд Суворовы майданæй. Сæрмагонд æфсæддон операцийы фыццаг сахӕттӕй фæстæмæ РЦИ-Аланийы горæт Алагиры цæрæг, кæстæр сержант Чилæхсаты Заза хæцы Херсоны здæхты Уæрæсейы Гарзджын тыхты къорды сконды, иууыл ныгуылæндæр арæнты паддзахады территориалон æнæхъæндзинад æмæ суверенитет хъахъхъæнгæйæ.

 

Хицæнæй ской кæнын хъæуы Зазайы фыд, милицӕйы старшина, Хъæбатырдзинады ордены (йæ амæлæты фæстæ) кавалер Чилæхсаты Зауыры тыххæй. Алагиры районы мидхъуыддæгты управленийы патрулон-постон службæйы хайады командир Чилæхсаты Зауыр хъæбатырæй фæмард 2002 азы 21 июны, донивылды рæстæджы, цæрджыты эвакуаци ифтонг кæнгæйæ.

 

Зазайæн нæ зæрдæ зæгъы æфсæддон æнтыстытæ æмæ сабыр арвы бын цæрын. Мæнгæй нæ фæзæгъынц, фыды фарн мæрдтæм нæ цæуы, зæгъгæ.

 

 

 

 

Ирыстойнаг хæстон Темыраты Тамерлан Алыксандры фыртæн саккаг кодтой Суворовы майдан. Сержант хорзæх райста Уæрæсейы Президенты барамындæй Украинæйы сæрмагонд æфсæддон операцийы равдисгæ хъайтардзинады тыххæй. Æфсæддон службæгæнæг сæрмагонд æфсæддон операцийы ис фыццаг бонтæй фæстæмæ.

 

 

 

 

 

 

 

Ефрейтор Бутаты Æхсæртæг Сосланы фырт хорзæхджын æрцыд риуылдаргӕ нысан «За отличие в службе в особых условиях»-æй Украинæйы уагъдцæуæг сæрмагонд æфсæддон операцийы равдисгæ хъайтардзинады тыххæй. Æхсæртæгыл цæуы 20 азы. Уый у горæт Беслæны цæрæг. Ацы риуылдаргӕ нысан лæвæрд цæуы æфсæддон уавæрты службæйы æмæ хæслæвæрдтæ æххæст кæныны рæстæджы бæрзонд бæрæггæнæнтæ равдисыны тыххæй.

 

 

 

 

 

 

 

УФ-йы Хъахъхъæнынады министры барамындæй Бестауты Игорь Мураты фыртæн саккаг кодтой 2-аг къæпхæны «За воинскую доблесть»-ы майдан Украинæйы сæрмагонд æфсæддон операцийы равдисгæ сгуыхтдзинæдты тыххæй. Ацы майданæй хорзæхджын цæуынц æфсæддон хæстæ æххæст кæныны рæстæджы равдисгæ хъæбатырдзинад æмæ удуæлдайдзинады, афтæ ма æндæр лæггæдты æмæ æфсæддон цæттæдзинады тынг хорз бæрæггæнæнты тыххæй.

 

 

 

 

 

 

Комсомольскæйы хъæуы цæрæг Дриаты Тимур хорзæхджын æрцыд «За боевые отличия»-йы майданæй сæрмагонд æфсæддон операцийы равдисгæ удуæлдайдзинады тыххæй. Æфсæддон службæгæнджытæн УФ-йы хъахъхъæнынады министрады майдан «За боевые отличия» лæвæрд цæуы хæстон архайдтыты æмæ цардæн тæссаг уавæрты сæрмагонд æфсæддон операциты уæндон æмæ фæндвидар архӕйдтыты тыххæй.

 

 

 

 

 

 

 

Уæрæсейы Федерацийы Хъахъхъæнынады министры бардзырдмæ гæсгæ Цæгат Ирыстон-Аланийы цæрæг Мамыкъаты Сослан хорзæхджын æрцыд УФ-йы Хъахъхъæнынады министрады 2-аг къæпхæны «Æфсæддон кады» майданæй Украинæйы сæрмагонд æфсæддон операцийы рæстæджы равдисгæ хъайтардзинады тыххæй.


Похожие записи:

ОБЩЕСТВО 22.01.2022 в 08:02

Сæрибары æмæ ахуырады фидиуæг

Поэт, прозаик, драматург, тæлмацгæнæг, æхсæнадон архайæг. Гæдиаты Цомахъы райгуырдыл сæххæст 140 азы

ОБЩЕСТВО 23.03.2022 в 17:24

Хъуыды кæныныл æфтауы мах дæр

Ирон литературæйы зындгонд фыссæг, публицист, цæгат ирыстоны культурæйы сгуыхт кусæг, Хетæгкаты Къостайы номыл паддзахадон премийы лауреат, Уæрæсейы Федерацийы фысджыты цæдисы уæнг  Цомартаты Изæтбеджы райгуырдыл сæххæст 80 азы.

ОБЩЕСТВО 11.11.2021 в 08:00

«Адæм, дæ фырт дæн, дæ хъæбул дæн æз»

Поэт, прозаик, драматург, литературæиртасæг, публицист æмæ тæлмацгæнæг Дзанайты Иваны райгуырдыл сæххæст 125 азы

ОБЩЕСТВО 3.03.2020 в 10:23

Потомственный воин

С ветераном Великой Отечественной войны, полковником в отставке, Владимиром Пруссаковым мы знакомы без малого 45 лет.

ОБЩЕСТВО 15.07.2021 в 08:07

Ирон адæмы æнгомдзинадыл архайгæйæ

Алчидæр æй зоны, æстдæсæм æнусы Туалгомы минæвæрттæ кæй райдыдтой Ирыстон Уæрæсеимæ баиу кæныны хъуыддаг, сæ баиу кæнынæй æрбангом сты æппæт ирон адæм дæр.

ОБЩЕСТВО 23.09.2021 в 08:02

Вячеслав Гобозов: «Ангелы политикой не занимаются» (часть 1)

Вячеслав Гобозов – известный политолог, опытный переговорщик, политик, депутат Парламента Южной Осетии первых трех созывов, востребованный журналист как на Юге, так и на Севере Алании, один из составителей Коституции РЮО и многих важных законов страны, государственный и общественный деятель… О нем можно сказать, что он с легкостью ориентируется в самых сложных ситуациях в стране, высказывает […]

Все новости из категории: ОБЩЕСТВО