ГЛАВНЫЕ НОВОСТИ

РУХСМÆ ЦÆУГÆЙÆ СЫЛ БАТАЛЫНГ СÆ ХУР…

Æстдæс азы фæстæ та ногæй баиу уыдзысты 1-æм сентябры 1-æм скъолайы дзæнгæрæджы зæрдæуынгæггæнæг зæлтæ, ирон адæмы кæуын æмæ хъарæг. Скъолайы кæрты æнустæм æрбынæттон сты зæрдæйы маст, сагъæс, хъыг, рис æмæ цæссыг. Рæстæг, дам, зæрдæйы хъæдгæмттæ дзæбæхгæнæг у, фæзæгъынц, фæлæ ацы зæрдæвæрæн ныхасыл куыд ис баууæндæн, кæд æмæ, Беслæны æнаххосæй террористты къухæй чи фесæфт, уыдоныл цас фылдæр рæстæг цæуы, уыйас сæ бинонты, Иры дзыллæйы зæрдæниз тыхджынæй-тыхджындæр кæны, судзгæ рыстæн кæрон нæй æмæ йын нæдæр уыдзæн.  Ацы фыдохы тугуарæн бонтæ ирон адæмы историйы баззай-дзысты æнустæм æлгъыстаг туглæсæны сау бонтæй.

 

Куыд æрвылаз, афтæ та ныр дæр террористон акты амæттæгтæн сæ рухс нæмттæ ссардзысты. Алыхуызон хъыггæнæг мадзæлттæ ацæудзæн нæ иумæйаг Ирыстоны, Уæрæсейы регионты, уыдзæн нæм уазджытæ фæсарæнтæй дæр, уыдонимæ италийаг флейтисткæ Моника Морони. Уый йæ къордимæ, фыццæгæм сентябры,  Беслæны фæмардуæвджыты рухс ном æрæмысыны охыл ауаддзæн концерт. Фембæлд арæзт æрцыд  Италийы Республикæ Хуссар Ирыстоны минæварады разамонæг Мауро Мурджайы æмæ Цæгат Ирыстоны хицауады хъæппæрисæй. Ацы  визит у Сан-Маринойæ музыкантты фыццаг æрлæуд Ирыстоны зæххыл. Италийæ Ирыстонмæ фæуазæг сты цыппар адæймаджы. Моника Морони концерты фæлгæтты сæххæст кæндзæн Уæрæсейы Федерацийы гимн. Уый ацы мелоди ныридæгæн сæххæст кодта иу азы размæ Сан-Маринойы горæт Беслæны теракты фæмардуæвæг сывæллæттæн монументы цур. Сан-Маринойы  ацы цыртыл 1-æм сентябры сæвæрдзысты дидинджытæ. Флейтисткæйы мысæн мадзæлттæм фæхуыдта террористон акты амæттæгты Ассоциаци «Матери Беслана».

 

Ирыстоны ног ахуыры азы скъолаты фыццаг уроктæ  уыдзысты терроризмы ныхмæ тох кæныны тыххæй, æхсардзинады охыл. 3-æм сентябрь ма у Уæрæсейы терроризмы ныхмæ тох кæныны æмзæрдæдзинады бон. Сифдар æй кодтой Беслæны трагедийы мысынады тыххæй. Уыцы бон æрæмысынц теракты амæттæгты æмæ барадхъахъхъæнæг органты кусджыты нæмттæ, кæцытæ фæмард сты сæ службæйон хæстæ æххæст кæныны рæстæджы.

 

Рухсаг уæд, уыцы уæззау бонты æнæаххосæй чи бабын, уыдон иууылдæр! Сæ рухс нæмттæ цæрдзысты æнусты.

 

Дзæнæты – сæ бынат!


Похожие записи:

ОБЩЕСТВО 5.03.2022 в 10:48

С музыкой в сердце

Штрихи к творческому портрету Анатолия Галаова

ОБЩЕСТВО 8.05.2018 в 11:22

Воспоминания ветерана Виктора Щебанова

С каждым годом ветеранов Великой Отечественной войны становится все меньше.

ГЛАВНЫЕ НОВОСТИ 24.07.2018 в 11:30

Мурата Гассиева встретили в Северной Осетии

Российский боксер-профессионал Мурат Гассиев приехал в Северную Осетию, где его встречали несколько тысяч болельщиков.

ОБЩЕСТВО 25.10.2018 в 15:56

Президент РФ поручил ОНФ оценивать выполнение нового «майского указа» с точки зрения изменения качества жизни россиян

24 октября состоялось первое заседание Совета при президенте РФ по стратегическому развитию и национальным проектам.

COVID-19 15.02.2022 в 10:17

Северная Осетия получила 20 тысяч экспресс-тестов для выявления COVID-19

Об этом в понедельник на еженедельном аппаратном совещании Главы Северной Осетии сообщил министр здравоохранения республики Сослан Тебиев. Вся партия распределена по медицинским учреждениям.

ОБЩЕСТВО 3.02.2022 в 10:45

От уловок продавцов до санкций

Когда выгоднее покупать электронику? Рост цен на наиболее популярные позиции в супермаркетах – сюрприз не из приятных. Сделанные заранее запасы по нынешним ценам не защитят от подорожания надолго, так как любые запасы рано или поздно заканчиваются.

Все новости из категории: ГЛАВНЫЕ НОВОСТИОБЩЕСТВО