ГЛАВНЫЕ НОВОСТИ

Сергей Меняйло: Ирон æвзаг æнусты цæрæд æмæ уæд ирон адæмы рухс фидæнæн æвдисæн

Ирыстоны цæрджытæ 15-æм майы бæрæг кæнынц ирон æвзаджы бæрæгбон. Радзурынц æвзаджы рæсугъд­дзинад æмæ хъæздыгдзинадыл. Сæйрагдæр та, цы ахадындзинад ын ис, ууыл. Ацы бæрæгбон æнгом кæны ирон адæмы, кад æмæ цытимæ йыл æмбæлынц Ирыстоны алы къуымы дæр. Уæлдай хатт нын нæ зæрдыл æрлæууын кæны стыр бæрнондзинад нæ мадæлон æвзаг бахъахъхъæнын æмæ рæзыны хъуыддаджы.

 

Бæрæгбоны мадзæлттæ райдыдтой Ирон аргъуаны кæрты. Куыд æрвылаз, афтæ та ныр дæр æхсæнады минæвæрттæ, скъоладзаутæ æмæ республикæйы разамонджытæ бахастой дидинджытæ ирон литературæйы бындурæвæрæг, поэт, нывгæнæг æмæ рухстауæг Хетæгкаты Къостайы уæлмæрдмæ.

 

Мадзалмæ æрбацыдысты Цæгат Ирыстоны Сæргълæууæг Сергей Меняйло, РЦИ-Аланийы Хицауады сæрдар Дзанайты Барис, Парламенты сæрдар Тускъаты Таймураз, Дзæуджыхъæуы муниципалон сконды сæргълæууæг Александр Пациорин, Дзæуджыхъæуы бынæттон хиуынаффæйады администрацийы сæргълæууæг Милдзыхты Вячеслав, Цæгат Ирыстоны фысджыты цæдисы уæнгтæ сæ сæрдар Хозиты Барисимæ æмæ сфæлдыстадон интеллигенцийы минæвæрттæ.

 

Мадзалы архайджытæм арфæ­йы ныхасимæ фæсидт Сергей Меняйло:

 

– Хетæгкаты Къоста бирæ архайдта, цæмæй не ʼвзаг æмæ литературæ цæрой. Хъуамæ зонæм иронау дзурын, хъуыды кæнын æмæ ууыл ахуыр кæнæм нæ кæстæрты дæр. Цалынмæ афтæ уа, уæдмæ не ʼвзаг цæрдзæн æмæ рæздзæн. Ирон æвзаг æнусты цæрæд æмæ уæд ирон адæмы рухс фидæнæн æвдисæн! Бæрæгбоны хорзæх не ʼппæты дæр уæд! Арфæгонд ут!

 

Бæрæгбоны ма мадæлон æвзаджы тыххæй, йе стыр нысаниуæг æмæ ахадындзинады тыххæй ныхасы бар лæвæрд кæмæн æрцыд, уыдонæн сæ хъуыды уыд иу – ирон лæг, цæмæй иронæй баззайа, уый тыххæй хъуамæ йе ʼвзаг зона. Æрæмбырдуæвджыты раз скъола­дзау фæсивæд сæ мадæлон æвзагмæ уарзондзинады æнкъарæнтæ æвдыстой ирон поэтты фыст æм­дзæв­гæ­тæ кæсынæй.

 

О, мадæлон æвзагæн ницæимæ ис абарæн, уымæн æмæ уый зæрдæмæ лæууы иууыл æввахсдæр.

 

КЪУДУХТЫ Маринæ


Похожие записи:

ГЛАВНЫЕ НОВОСТИ 19.02.2019 в 10:42

Вячеслав Битаров принял участие во встрече Дмитрия Медведева с главами регионов

В рамках Российского инвестиционного форума в Сочи председатель Правительства РФ Дмитрий Медведев встретился с руководителями субъектов страны.

ГЛАВНЫЕ НОВОСТИ 28.05.2019 в 10:49

К новым спортивным успехам – в комфортных условиях

После капитального ремонта на базе спортивной школы олимпийского резерва по вольной борьбе имени Сослана Андиева открылся спортзал.

ГЛАВНЫЕ НОВОСТИ 5.08.2021 в 10:49

Выбираем университет!

Август – горячая вступительная пора. Жара не только на улице, но и в семьях, где есть абитуриенты.

ГЛАВНЫЕ НОВОСТИ 30.07.2019 в 11:57

Аланский след

В Северной Осетии в пятый раз проводится международный этнолагерь

ГЛАВНЫЕ НОВОСТИ 22.05.2018 в 09:48

Землю – добросовестным фермерам

О перераспределении земель, крупных инвестиционных проектах по развитию животноводческой отрасли сельского хозяйства рассказал в ходе пресс-конференции

ГЛАВНЫЕ НОВОСТИ 6.02.2023 в 19:05

Трамвайный парк пополнится еще тремя вагонами

Об этом в ходе еженедельного аппаратного совещания под председательством премьер-министра Бориса Джанаева сообщил глава Администрации местного самоуправления г. Владикавказа Вячеслав Мильдзихов.

Все новости из категории: ГЛАВНЫЕ НОВОСТИ