ОБЩЕСТВО

УÆЛАХИЗ У, ИРЫСТОН!

Рацыд 15 азы, Хуссар Ирыстон æмæ Абхазы хæдбардзинад Уæрæсейы Федераци куы банымадта, уыцы бонæй. 8-æм августы не ʼвзонг республикæ банысан кодта трагикон бонтæ – гуырдзиаг фашистты къухæй чи фæмард, уыдоны мысæн бонтæ. Фæлæ раст у циндзинад æмæ хъыгдзинад æфсымæртæ сты æмæ ныр та абон, 26-æм августы, Хуссар Ирыстоны адæм нысан кæнынц сæ хæдбардзинады бон, кæцымæ цыдысты даргъ æмæ сындзджын фæндагыл.

 

Даргъ æмæ гуыргъахъхъ фæндагыл фæцыдыстæм уыцы амондджын бонмæ. Туг æмæ цæстысыджы малты лæгæрдгæ, нæ хъæбулты хуыздæртæн рухс кæнгæйæ. Æндæр нæ цы бон уыд, уæдæ цы фæуыдаиккам, æмæ цыдыстæм уыцы фæндагыл. Цыдыстæм ыл, уымæн æмæ уый уыд нæ равзæрст фæндаг, сæрибардзинадмæ фæндаг.

 

Уæрæсе нын нæ хæдбардзинад кæй банымадта, уымæй цæхгæр фæивта не знонмæ ахаст дæр, нæ абоны хæстæм ахаст дæр, æмæ нæ сомбонмæ ахаст дæр. Уымæн æмæ уыцы бон кæрцвæлдæхт фесты нæ цард дæр, нæ хъысмæт дæр æмæ нæ истори дæр. Уыцы бон, нырма дæр йæ хъæдгæмттæй туг кæмæн лæдæрст, уыцы августы æрцæугæ амондджын боныл цин кодтам цæссыгимæ. Уыдон æрмæст цины цæссыгтæ нæ уыдысты, уыдон уыдысты зæрдæрысты цæссыгтæ, уыцы амондджын бон раздæр кæй не ʼрцыд, йе ʼрцæуынмæ æнхъæлмæ кæсгæйæ æгæр бирæ туг кæй ныккалд, уыцы рыстæй лæдæрсæг цæссыгтæ уыдысты…

 

Гуырдзыстонæн кæд йæ сæйраг лозунг «Гуырдзы­стон æрмæстдæр – гуырдзиæгты!» уыд æмæ йæ фашистон архайд сæйраджыдæр автономитæ скуынæг кæнынмæ здæхт уыд, уæддæр уыцы фашизмы тугæйдзаг къухтæй æрмæст ирæттæ нæ мардысты. Уыцы фыдæвзарæн бонты мардысты, Хуссар Ирыстоны зæххыл чи уыд, уыцы уырыссаг æфсæддонтæ дæр, ома, абоны цæстæнгасæй кæсгæйæ куыдфæндыйæ дæр мардтой ССРЦ граждæнты, фæлæ сæ цард никæй æндæвта, ничи сыл тыхсти. 2008 азы Уæрæсейы Федераци батыхст йе ʼмбæстæгты хъысмæтыл æмæ сæм æххуысмæ фæзынд.

 

Æмæ кæрон æрцыд, туджы малты лæгæрдгæ кæуыл цыдыстæм, уыцы даргъ фæндагæн. Уæрæсе нын банымадта нæ хæдбардзинад. Уымæй уæлдай нын фадат радта нæ къахыл слæууынæн, хæдбардзинады аккаг кæй стæм, уый дунеон æмæхсæнадæн бауырнын кæнынæн.

 

Æвæццæгæн, царды сæрибардзинадæй, сæрибар бæстæйы цæрынæй хуыздæр æмæ зынаргъдæр ницы ис адæймагæн. 26-æм август – Хуссар Ирыстоны хæдбардзинад банымайыны бон стыр бæрæгбон у, сæххæст ирон адæм авд æнусæй фылдæр кæмæ бæллыдысты, уыцы бæллиц. Ацы бæрæгбон иумæйаг у республикæйы цæрджытæн, алкæмæн дæр æмхуызон зынаргъ у. Абон немæ нæ бæрæгбоныл цин кæнынц Кавказæй æмæ Уæрæсейы алы регионтæй цы бирæ уазджытæ æрцыдысты, уыдон. Уымæн æмæ уыцы бон 2008 азы 26 августы æнаххос туг æмæ цæссыгæй удæст зæхмæ ныккастысты сæрибар хуры рухс тынтæ. Ирон адæмы хуыздæр, цардхъуаг хъæбултæ сæ цард цы сæрибардзинады сæрвæлтау радтой, уый æппынфæстаг нæ къухты бафтыд.

 

Уæлахиз у, Ирыстон!

 

Бацæттæ кодта КЪУДУХТЫ Маринæ


Похожие записи:

ОБЩЕСТВО 6.04.2023 в 08:29

Росгвардейцы провели акцию «Письмо солдату»

В Управлении Росгвардии по Республике Северная Осетия – Алания прошла патриотическая акция «Письмо солдату». Учащиеся гимназии «Диалог» и дети росгвардейцев написали письма с благодарностями и рисунками для росгвардейцев, проходящих службу в зоне специальной военной операции на территории Украины. Конверты украсили марками с портретами  и именами Героев России.

ОБЩЕСТВО 28.04.2023 в 21:46

«Спасибо за жизнь»

Благодарность героям – врачам скорой помощи

ОБЩЕСТВО 22.02.2024 в 08:56

«Письмо защитнику Отечества»

Сотрудники Управления вневедомственной охраны Росгвардии по РСО-А в рамках всероссийской патриотической акции «Письмо защитнику Отечества» провели мероприятия для учащихся школ региона.

ОБЩЕСТВО 15.03.2018 в 11:31

А кто вы – гражданин или часть биомассы?

В этом мире есть множество прекрасных вещей. Насколько прекрасных и совершенных, настолько и доступных.

ОБЩЕСТВО 3.03.2023 в 18:45

Без иноязычных слов

Президент Российской Федерации Владимир Путин подписал закон о запрете использования имеющих русские синонимы иностранных слов в случае, когда язык используется в качестве государственного.

КУЛЬТУРА 16.03.2024 в 08:01

«Позывной «Пассажир»

13 марта во владикавказских кинотеатрах прошла премьера фильма «Позывной «Пассажир». На экранах всей страны фильм демонстрируется с 14 марта. Первый предпремьерный показ картины состоялся в Москве на выставке-форуме «Россия» на ВДНХ, а второй – у нас во Владикавказе.

Все новости из категории: ОБЩЕСТВО