ОБЩЕСТВО

ИРОН ХЪАЙТАРДЗИНАД – СÆРМАГОНД ХÆСТОН ОПЕРАЦИЙЫ

Риссы зæрдæ… Æвирхъау тугуарæн ныккодта куыд Уæрæсейыл, афтæ ирон адæмыл. Бонæй-бон фылдæр кæнынц госпитæлтæм, рынчыдæттæм цы цæф салдæтты ласынц, национ сæрыстырдзинад бахъахъхъæныныл хъæбатыр тох чи кæны, уыдоны нымæц. Ирыстоны фæсивæд дæр та фæсте нæ фæлæууыдысты, уæрæсейаг адæмтимæ иумæ хæцынц, цæмæй сæ зæхх æмæ сæ Фыдыбæстæ уа сæрибар. Уымæ тырнындзинад нæ хæстонтæн дæтты ныфс æмæ æхсар. Ацы цау­тæ ма нын иу хатт равдыстой, Ирыстон фидар кæй у æмæ дзы патриоттæ бирæ кæй ис. Уымæн æвдисæн, къамтæй уæм цы хъæбатырты сурæттæ кæсынц, уыдон.

 

Бирæ æнæхуыссæг æхсæвтæ арвыстой не ’мбæстæгтæ Хъазиты Батыр, йæ цардæмбал Болататы Нелли, стæй сæ кæстæртæ Алыксандр æмæ Маринæ. Уыдонмæ Украинæйы зæххæй æрæхъуыст æнамонды хабар, зæгъгæ, бабын уæ хъæбул æмæ ’фсымæр Хъазиты Сослан. Бинонтæ кæд мæты бын фесты, уæддæр сæм æнамонды хабар дам-думтæй кæй æрыхъуыст, уый сæ цасдæрбæрцæй сабыр кодта.

 

Хъазиты Сослан йæ контрактон хæс æххæст кæны Цæгат Ирыстоны Уæрæсейы 429-æм æфсæддон полчъы. Полчъы æфсæддонтæ, уыцы нымæцы Сослан дæр, хайад истой январы мæйы райдианы Хъырымы цы æфсæддон ахуыртæ цыд, уым.

 

Иу рæстæджы Сосланмæ Ирыстонæй фехъуыст цины хабар, зæгъгæ, фæзынд дын, фыды ном дыл чи сæвæрдта, ахæм кæстæр. Сослан бацин кодта, бафæндыд æй æрцæуа Ирыстонмæ, фена йæ ноггуырд чызджы, йæ цардæмбалæн йæ къух фæрог кæна, фæлæ йæм раст нæ каст, æфсæддон ахуырты рæстæджы йæ хæстæ искæмæн ныууадза, уый дæр. Уыимæ ма бæлвырд нæ зыдта, полчъы командæгæнджытæ йын цы зæгъдзысты, уый дæр. Фæлæ йын йæ уавæр бамбæрстой æмæ йæ рауагътой фондз боны æмгъуыдмæ. Сослан арæвдз кодта йæхи æмæ дыккаг бон балæууыд, Дзæуджыхъæуы йæ цардæмбал æмæ ноггуырд кæм уыдысты, уыцы гуырæн хæдзары раз. Сослан йе ’мкъай Нинæйæн бамбарын кодта, ноггуырдмæ йын иунæгæй кæсын зын кæй уыдзæнис, уый, æмæ аскъуыддзаг кодтой, цæмæй æрцæуой Цхинвалмæ – Сосланы мад æмæ фыды фарсмæ. Афтæ бæргæ бакодтой, фæлæ Сослан сæ цуры бирæ нæ бафæстиат, æвæстиатæй атагъд кодта йæ хæстон æмбæлттæм.

 

Æфсæддон ахуыртæ кодтой дарддæр. Уæдмæ Уæрæсе æрæвнæлдта Луганск æмæ Донецкы фашистон тыххæйисджытæй асыгъдæг кæнынмæ. Фыццаг фашистты ныхмæ чи слæууыд, уыдон уыдысты Сослан йæ контрактон хæс кæимæ фыста, уыцы полчъы хæстонтæ. Райдианы дæр бæрæг уыд, Украинæ аст азы æрмæст Донбассы цæрджыты нæ куынæг кодта, фæлæ ма сæхи стыр хæстмæ кæй цæттæ кодтой, уый дæр. Уыцы аххосагмæ гæсгæ кæд Уæрæсе æмæ Донбассы хæстонтæн фыццаг бонты сæ разы сæвзæрд стыр æмæ бирæ алыхуызон зындзинæдтæ, уæддæр цас сæ бон уыд, уыйбæрц фæрæзтой, æххуыс сæм фæзынд æмæ цалдæр боны фæстæ бандеронтæ æмæ украинаг хæстонтæ лæууын райдыдтой фæстæмæ.

 

Сослан æмæ йе ’мбал хæстонтæ ахæццæ сты Запорожьейы областмæ æмæ, куыд фæзæгъынц, хæсты æнхъæлмæ кæсæн ис бирæ æнамонддзинæдтæм. Иу стыр абырсты рæстæджы ныхмæлæууджытæ разындысты тыхджындæр, æхстой сæ стыр калиброн æхсæнгæрзтæй, фæкодтой сæ минæты бын æмæ сæ бахъуыд фæстæмæ алæууын.

 

Иу афон, кæд уавæр æрсабыр, Уæрæсейы хæстонтæ æнхъæлдтой, зæгъгæ, нал сытынг уыдзысты хъомысджын æхстытæ, уæддæр хъуыддаг афтæ нæ рауадис. Ногæй, ноджы стырдæр тыхтимæ, украинаг хæстонтæ бырсын райдыдтой размæ, фæлæ уæдмæ уæрæсейаг æмæ донбассаг хæстонтæм æххуысмæ фæзындысты æндæр дæлхæйдтæ.

 

Цалдæр сахаты æнæрлæуугæ, æппынæдзух æхстыты фæстæ, украинаг хæстонтæ базыдтой сæ бон æмæ ныууагътой, уæдмæ цы бынæттæ бацахстой, уыдон. Иуахæмы, бынтон æнæнхъæлæджы дардæй рауагътой ракетæ. Æрхауд, Сослан йе ’мхæстонтимæ размæ кæм бырстой, уыцы бынаты. Уæд цалдæрæй бабын сты, цалдæрæй фесты уæззау цæфтæ. Сосланæн фадат уыдис йæхи бааууон кæнынæн, фæлæ йе ’ххуыс хъуыд, чи фæцæф ис, уыцы æмхæстонты æмæ сын æххуыс кодта. Цæф хæстонты хаста, украинаг националисттæ сæхицæн цы æмбæхсæн бынæттæ æрцæттæ кодтой, уырдæм.

 

Уæдмæ та ногæй, Сослан кæм уыд, уым фехæлд æндæр хæлæн нæмыг. Фæцæф Сослан йæхæдæг дæр æмæ кæд йæ рахиз цонгæй туг калд, уæддæр дарддæр æххуыс кодта, йæхицæй тынгдæр фæкæсын кæмæ хъуыд, уыцы хæстонтæн. Уæдмæ сæм фæзынд æндæр æххуысгæнджытæ, æмæ куыд цæф хæстонты, афтæ чи фæмард, уыцы хæстонты дæр ластой æфсæддон госпитæлмæ. Сосланæн дæр фыццаг цалдæр боны йе ’нæниздзинад фидар кодтой Буйнаксчы рынчындоны, фæлæ, цæмæй йæхиуæттæм æввахсдæр уа, уый тыххæй йæхи ракæнын кодта Дзæуджыхъæуы рынчыдæттæй иумæ. Тагъд кæй адзæбæх уыдзæнис, уыцы ныфс ын æвæрдтой йæ дохтыртæ.

 

Сосланы фыд Батыр бæргæ фехъуыста йæ фырт удæгас кæй разынд, бæргæ йæ цинæн кæрон дæр нал уыд, фæлæ маст æмæ алыхуызон хъуыдытæ бакодтой сæ кæнон. Йæ фидар æмæ йын æндон уæнгтыл фæтых хъæбулы маст æмæ бахауд рынчындонмæ. Йæ уавæр афтæ мæгуырау уыд æмæ хъуыды кодтой, зæгъгæ, йæ акæнын бахъæудзæнис республикæйæн æддæмæ. Уыцы хабар Сослан куыддæр фехъуыста, афтæ, кæд йæхæдæг кæронмæ нæма сдзæбæх, уæддæр æрцыд Цхинвалмæ æмæ балæууыд йæ фыды раз. Табу Хуыцауæн, Батырæн хæрз цыбыр рæстæгмæ дзæвгар фæхуыздæр йæ уавæр.

 

Уæрæсейы Федерацийы Хъахъхъæнынады министрад куыд хъусын кæны, уымæ гæсгæ бастдзинады станцы хистæр, прапорщик Джиоты Станислав йæ цардæн тæссаг уавæрты уæрæсейаг дæлхайы сифтонг кодта стабилон бастдзинадæй.

 

«Цæугæдоныл ахизыны тыххæй понтоннон хид аразыны рæстæджы, къорды сæйраг тыхтæй дард уæвгæйæ, Уæрæсейы æфсæдты дæлхæйттæ бахаудтой минометон æхстыты бын. Бацайдагъ сын æнæмсæр хæст украинæйаг националисттимæ. Джиойы-фырты спутникон ифтонгадимæ машинæ, кæцы дæлхæйтты бастдзинад ифтонг кодта уæлдæрлæууæг штабимæ, бахъыгдард, уырдæм æввахс цы снаряд спырх, уый схъистæй, кæцыйы фæстиуæгæн нал скуыста», – радзырдтой ведомствойы.

 

Джиоты Станислав хъайтардзинад равдисгæйæ, схызт машинæйы сæрмæ æмæ æрдæг сахатæй фылдæр йæ къухтæй хæцыд, чи азылын уыцы антеннæйыл, цæмæй хъахъхъæд æрцыдаид спутникы сигнал æмæ уыцы иурæстæджы къухдариуæг кодта йæ дæлбар æфсæддон службæгæнджытыл, кæцытæ йæ цалцæг кодтой ныхмæлæууæджы тыхджын æхстыты бын.

 

«Прапорщик Джиоты Станиславы удуæлдай архайдтыты æмæ экипажыл растæй командæ кæныны фæрцы ифтонг æрцыд æфсæдтыл æдзухон управлени. Уый сын баххуыс кодта ныхмæлæууæджы атакæ æрмæст фæстæмæ аппарынæн нæ, фæлæ ма контратакæмæ рахизынæн», – банысан кодтой Уæрæсейы Федерацийы Хъахъхъæнынады министрады.

 

Джиоты Станислав хорзæхджын æрцыд æмбæлон паддзахадон хорзæхæй.

 

УФ-йы Президент Владимир Путины Барамындмæ гæсгæ, Цæгат Ирыстоны Елхоты хъæуы цæрæг Хуыбылты Арсен хорзæхджын æрцыд Уæрæсейы Федерацийы паддзахадон хорзæх «За заслуги перед Отечеством»-ы цирхъытимæ II-аг къæпхæны ордены майданæй, Харьковы цур горæт Александровск ссæрибар кæныны рæстæджы равдисгæ уæндондзинад æмæ æхсардзинады тыххæй.

 

Хуыбылты Арсен капитаны цины, ротæйы командиры бынаты, горæт Александровкæйы ссæрибар кæныны рæстæджы равдыста тынг хорз хæстон цæттæдзинад. Нацисттимæ карз тохы фæстиуæгæн æфсæддон службæгæнæг фæцæф æмæ хос кæнынмæ уыд Мæскуыйы, Бурденкойы номыл медицинон центры.

 

Æрмæг бацæттæ кодта КЪУДУХТЫ Маринæ


Похожие записи:

ОБЩЕСТВО 31.01.2024 в 19:24

Учителя поборются за звание лучших

Стартовал муниципальный этап конкурса «Педагог года–2024»

ОБЩЕСТВО 23.05.2022 в 19:46

«Большая перемена» в патриотическом воспитании молодежи

Президент РФ Владимир Путин направил приветствие участникам V съезда Общероссийской общественно-государственной детско-юношеской организации «Российское движение школьников» (РДШ), отметив значимость задачи воспитания молодежи на основе патриотических ценностей.

ОБЩЕСТВО 23.12.2021 в 10:54

«Педагог – воплощение доброты и понимания»

Учитель осетинского языка и литературы МБОУ СОШ №11 г. Владикавказа Залина Калоева заняла второе место на ХI межрегиональном конкурсе учителей родных языков

ОБЩЕСТВО 9.12.2023 в 08:37

Герои среди нас

9 декабря в России отмечают День Героев Отечества. Памятная дата была установлена в 2007 году. В преддверии этой знаменательной даты отделом патриотического воспитания детей МАУДО «Центр дополнительного образования г. Владикавказа» проведена миротворческая акция «Герои среди нас» по чествованию Героев и участников специальной военной операции.

ОБЩЕСТВО 29.07.2021 в 07:22

Аивад уыдис йæ царды мидис

Хетæгкаты Хъазыбеджы райгуырдыл сæххæст 85 азы

ОБЩЕСТВО 10.01.2019 в 12:42

«Краткий осетинский мифологический словарь»

Перед Новым годом  вышел в свет «Краткий осетинский мифологический словарь».

Все новости из категории: ОБЩЕСТВО