ОБЩЕСТВО

Ахæм бæрæгбæттæ æнæмæнг сты адæмты иугæнæг, æнгомгæнæг

Паддзахадон Тырыса æмæ Республикæйы бон сбæрæг кодтой Хуссар Ирыстоны

Республикæ расидыны боныл 33 азы сæххæсты цытæн 20 сентябры бынæттон Театралон фæзуаты уагъд æрцыд алыхуызон мадзæлттæ, сæ сæйрагдæр – парад.

 

Ацы сæйраг боны фæдыл Хуссар Ирыстоны президент Гаглойты Алан Уæрæсейы Президент Владимир Путинæй райста арфæйы фыстæг. Уым загъд ис, зæгъгæ, стыр нысаниуæг ис æмæ стыр аргъ кæнæм, нæ бæстæты ʼхсæн ахæм хæлар æмæ уарзон ахаст кæй ис, уымæн. Уый стыр ахъаз у нæ дарддæры райрæзтæн алы къабæзты дæр.

Уыцы уæззау бонты хуссайрӕгты фарсмæ кæддæриддæр уыд Уæрæсе, уыимæ баст сты историон хъысмæты иудзинадæй, уыимæ сты кæддæриддæр иумæ сабыр царды дæр æмæ хæстон дуджы дæр, хъæлдзæгдзинады æмæ зын рæстæджы дæр. Мæлæтхæссæг тæссагдзинады рæстæджы æрмæстдæр Уæрæсейы æххуысы руаджы нæ адæм æрцыдысты уæлахизмæ, кæцыйы райдиан ссис 2008 азы 26 август – Уæрæсе Хуссар Ирыстоны хæдбардзинад æмæ суверенитет куы банымадта, уæд.

1990 азы 20 сентябры бон дæр Хуссар Ирыстоны историйы ахсджиаг бынат ахсы. Уый фыст æрцыд сызгъæрин дамгъæтæй. Уæды Облæстон Советы адæмон депутаттæ райстой историон уынаффæ Хуссар Ирыстоны Республикæ расидыны тыххæй.

Уый уыд Хуссар Ирыстоны адæмы фæндвидар бæллиц сæрибардзинад æмæ хæдбардзинадмæ. Куыд зонæм, афтæмæй ахæм фæндаг та никуы вæййы дидинвæлыст æмæ æнцонвадат.

Æмæ Хуссар Ирыстоны адæм бирæ хъизæмæрттæ бавзæрстой Гуырдзыстоны ʼрдыгæй, сæ хæдбардзинадмæ фæндаг уыд тугæрхæмттæ, фæлæ иу къахдзæф дæр фæстæ нæ алæууыдысты, иу мисхал дæр нæ фæиппæрд сты сæ фыдæлты равзаргæ фæндагæй, цыдысты размæ æмæ сæ къухы уымæн бафтыд хæдбардзинад.

Ацы бæрæгбон у уарзон æмæ вазыгджын. Ирон адæм цæргæ-цæрæнбонты тох кодтой, сæ сæрибардзинадмæ-иу сын чи фæныхылдта, уыдонимæ. Кæддæриддæр цæттæ уыдысты, сæ национ интерестæ-иу сын ныддæлдзиныг кæнынмæ чи хъавыд, уыдонæн ныхкъуырд раттынмӕ. Æнусты дæргъы знæгты астæу цæргæйæ, мах кæддæриддæр уырныдта, рæстдзинад кæй фæуæлахиз уыдзæнис, æмæ-иу уый фæстиуæгæн æфхæрд дæр бирæ хæттыты баййæфтам.

Ахæм бæрæгбæттæ æнæмæнг сты адæмты иугæнæг æмæ æнгомгæнæг.

КЪУДУХТЫ Маринæ


Похожие записи:

ОБЩЕСТВО 24.07.2023 в 19:28

Валерий Устов: «Ни один из вопросов граждан без внимания не остается»

25 июля в Российской Федерации – День сотрудника органов следствия. В преддверии знаменательного события мы побеседовали с руководителем следственного управления Следственного комитета Российской Федерации по РСО-А генерал-лейтенантом юстиции Валерием Устовым и узнали, что помогает профессионалам раскрывать самые запутанные преступления.

ОБЩЕСТВО 23.03.2024 в 08:33

ТАНДЕЛАТЫ РОЗÆ: «АЛЫ САБИ ДÆР ХЪУАМÆ ЗОНА ЙÆ ФЫДÆЛТЫ ÆГЪДÆУТТÆ»

Ирон адæмы æгъдæуттæн сæ фæд цæуы рагон æнустæй, суанг скифты æмæ аланты замантæй. Бантыст нын сæ ныры дугмæ æрхæццæ кæнын. Абон дæр фидарæй хæцæм нæ фыдæл­ты фарныл æмæ рагон æгъдæуттыл, æфтауæм сæ нæ кæстæртыл. Ирондзинад, ирон фарн бахъахъхъæнын у нæ алкæй хæс дæр. Зæрдиагæй ацы ахсджиаг хъуыддагыл кусынц Дзӕуджы­хъӕуы 13-æм скъолайы фæллойы урокты ахуыргæнæг Берозты-Танделаты […]

ОБЩЕСТВО 30.11.2017 в 11:25

Дорожный разговор

Начальник УГИБДД МВД по РСО-А Айвар Хуадонов провел пресс-конференцию, в ходе которой корреспонденты республиканских СМИ смогли задать интересующие их и жителей Северной Осетии вопросы относительно нынешней ситуации на дорогах.

ОБЩЕСТВО 30.11.2017 в 11:19

Чем отличается Дом дружбы народов от Дома дружбы

Казалось бы, названия мало чем отличаются друг от друга. Подумаешь, добавили лишнее слово и все. Так-то оно так, но дело ведь не только в слове. Есть существенные различия между тем, что было, и тем, что стало, и они направлены на расширение возможностей деятельности данного учреждения. А какие это возможности и что побудило Министерство РСО-А по […]

ОБЩЕСТВО 20.07.2021 в 07:11

УЫД СФÆЛДЫСТАДОН МОНЦТЫ УАЦАРЫ

Поэт, публицист, тæлмацгæнæг, Асаты Реуазы райгуырдыл сæххæст 100 азы.

ОБЩЕСТВО 6.09.2022 в 11:39

Женское лицо обвинения

Гособвинитель Диана Кокаева – о себе и своей профессии.

Все новости из категории: ОБЩЕСТВО