ОБРАЗОВАНИЕ

АХУЫРАДМÆ – УÆРÆХ ФÆНДÆГТÆ

Уæлæмхасæн ахуырады системæ арæзт у сывæллæты миддуне райгом кæнынæн, сæ бæллицтæ æмæ алы хуызы аивад, техникæ, æрмдæсныйады сфæлдыстады хи бавзарын, ссарын зæрдæмæдзæугæ куыст, хиирхæфсæны рæстæг пайдайæ æрвитын, исын ног зонындзинæдтæ, миддунейы ахорæнтæ, кафт, зард, фæндыры цагъды сусæгдзинæдтимæ зонгæ кæнын.

 

Сабитæ æрбацæуынц барвæндонæй, фæлварынц сæхи алы дæсныйады дæр, агурынц зæрдæмæ хæстæг дæр чи у, ахæм архайд. Сывæллонæн бар ис йæхи бавзарын цалдæр аивады къорды, цалынмæ йæ зæрдæмæ æввахс цы дæсныйад лæууы, уый равзара, уæдмæ. Ахуыргæнæг лæмбынæгдæр кæсы сабийы тырнындзинадмæ, æрдзæй йын цы курдиат лæвæрд ис, уымæ. Сæрмагондæй йын бар ис хицæн программæмæ гæсгæ кусын, иннæтæй рæвдздæр куы цæуа кæнæ фæстæдæр, уæд. Лæппутæ мæ чызджытæ барвæндонæй кæй цæуынц, уый сæ разæнгард кæны сгуыхтдзинæдтæм, сæ хъуыдытæ æмæ фæндтæ сæххæст кæнынмæ.

 

Уæлæмхасæн ахуыргæнджытæн кусын у зындæр, уымæн æмæ сæ фылдæр архайын хъæуы, цæмæй саби равзара йæ дæсныйад, цалдæр азы дæргъы архайа ацы къорды, сæххæст кæна программæйы домæнтæ, равдиса йæ зонындзинад ерысты æмæ æркæстыты, фæуæлахиз дзы уа.

 

Дзæуджыхъæуы муниципалон автономон бæстыхай Уæлæмхасæн ахуырады структурон хай «Сывæллæты эстетикон хъомыладон Центр «Сфæлдыстад»-ы ахуыргæнджытæ уарзон цæстæй кæсынц сæ хъомылгæнинæгтæм, аразынц сын алы хуызы мадзæлттæ-фембæлдтытæ зындгонд композитортимæ, поэттимæ, культурæйы æмæ аивады сгуыхт архайджытимæ, экскурситæ æмæ иумæйаг проекттæ музейтимæ, библиотекæтимæ, ерыстæ конкурсты, фестивальты, концерттæ. Арæх ацæуынц балцы æндæр регионтæм, сахартæм сæ тых æмæ курдиат бафæлварынмæ, сыздæхынц уæлахизы дипломтимæ, кубоктæ æмæ лæвæрттимæ.

 

Æрæджы архайдтой Налцыччы конкурс «Шемякины уалдзæджы» ансамбльтæ «Фæндыры зæлтæ» (разамонæг – Уæрæсейы профессион æмæ иумæйаг ахуырады сгуыхт кусæг, Цæгат Ирыстоны культурæйы сгуыхт кусæг Дзиццойты Ж.М.), саккаг сын кодтой фыццаг бынат, гран-прийы хицау та сси доулийæ цæгъдджыты къорд «Магия ритма» (разамонæг – Езеты К.А.), зарæггæнджыты къорд «Ария» ( разамонæг – Æхполты И.М.) рамбылдта гран-при «Кавказы уалдзæджы» конкурсы, кафджыты къордтæ – «Молодость Осетии» (разамонæг – адæмон артисткæ Карсанаты Г.И.), абонæй аивта йæ ахуыргæнинаг Пӕррӕстаты А.И., «Бонвӕрнон» (разамонæг – Уæрæсейы ахуырады сгуыхт кусæг Гæбæраты А.Д.), «Æрфæн» (разамонæг – Уæрæсейы ахуырады сгуыхт кусæг, Цæгат Ирыстоны культурæйы сгуыхт кусæг Мурасты З.Н.), «Стиль» (разамонæг – Симонова И.С.), «Мозаикæ» (разамонæг – Цæгат Ирыстоны культурæйы сгуыхт кусæг Гозымты И.А.) систы Æппæтадæмон, Республикон конкурсты лауреаттæ, райстой фыццаг бынæттæ – «Кафты дуне», «Уæрæсейы иудзинад», «Арт Олимп», «Кавказы уалдзæг», «Зимний калейдоскоп» æмæ æндæрты.

 

Нæ инструменталон къордтæ – «Фæндыры зæлтæ», «Фарн» – дала-фæндырдзæгъдджыты ансамбль (разамонæг – адæмон артисткæ, Уæрæсейы ахуырады сгуыхт кусæг Дзебысаты А.Т., концертмейстер Дзускуаты З.Г.), «Хурзæрин» (разамонæг – Гуылæрты Л.М.), «Магия ритма» (разамонæг – Езеты К.А.), фæндырдзæгъдджыты къорд «Фæндырдзæгъдæг» (разамонæг – Наниты О.С.) – сты уæлахиздзаутæ алы хуызы конкурсты, фестивальты, арæх вæййынц нæ республикон концертты. Ахуырдзаутæ зæрдиагæй архайынц ацы къордты, зонгæ кæнынц фæндыры, дала-фæндыры, доулийæ цæгъдыны сусæгдзинæдтыл, ирон æгъдау æмæ традициты мидисимæ. Зарæггæнджыты къорд «Ария» (разамонæг – Æхполты И.М.) бирæ конкурсты архайæг, алкæддæр свæййы гран-при, кæнæ фыццаг бынаты лауреат, зæрдиагæй зарынц ирон зарджытæ, уымæй уæлдай ма фæсарæн æвзæгтыл дæр, зонынц сæ фольклор, истори, кæмæн æмæ цæмæн фыст æрцыдысты, уый дæр.

 

Нæ ахуыргæнджытæ рацыдысты уæлæмхасæн ахуырады сфæлдыстады галуантæй, хæдзæрттæй, центртæй, сæхæдæг цы уарзт райстой ам, уый уарынц сæ абоны сабитыл, сæ царды фæндаг сбастой хъомыладимæ, ахуырадимæ, Ирыстоны фидæнимæ. Дзæуджыхъæуы эстетикон хъомылады центр «Сфæлдыстад»-ы абон кусынц йæ раздæры хъомылгæнинæгтæ – Хæдарцаты М.В, Еналдыты К.Б., Езеты-Куртаты К.А., Хæтæгты Л.К., Наниты О.С., Хетъеты С.К. Афтæ фæлтæрæй-фæлтæрмæ лæвæрд цæуы куысты фарн!

 

Ивы рæстæг, хæссы ног фæлварæнтæ, зындзинæдтæ, уыдонимæ иумæ тох кæнынц ахуыргæнджытæ æмæ ахуырдзаутæ, хъомылгæнинæгтæ, ныййарджытæ сæ астæу цы уарзондзинад ис, уый сæ разæнгард кæны ног бæрзæндтæм, ног сгуыхтмæ, уæлахизмæ!

 

Хорз хистæртæ кæм ис, уым кæстæртæн уæрæхдæр сты гом сæ царды фæндæгтæ! Уыцы куырыхон разамонджытæ сты Букуылты С.С. – Дзæуджыхъæуы Уæлæмхасæн ахуырады хицау, Хосонты М.И. – Эстетикон хъомылады центр «Сфæлдыстады» хицауы хæдивæг!

 

Фæнды мæ, цæмæй нæ республикæйы хицауад се ʼргом фылдæр раздахой нæ кæстæртæм, фæкæсой сæм сценикон дарæсæй, инструменттæй, конкурстæм цæуыны фæрæзтæй, цæмæй нæм байгом уа ног рæстæджы домæнтæм гæсгæ дæсныйæдты къордтæ, фæзыной æвзонгдæр ахуыргæнджытæ, мызды фæрæзтæ, кусæн бынæттæ, ног галуантæ æмæ центртæ. Сабиты нымæц рæзы, уыдонæн хъæуы парахат уавæртæ, райдзаст æмæ уæрæх кусæнуæттæ, концертон залтæ.

 

Бон цæуы æмæ фарн йемæ хæссы! Фæрнæйдзаг уæд Ирыстоны фидæн!

 

ДЗИЦЦОЙТЫ Жаннæ,

УФ-йы ахуырады кадджын кусæг,
Цæгат Ирыстоны культурæйы сгуыхт кусæг


Похожие записи:

ОБЩЕСТВО 14.12.2021 в 08:05

Обращение к истокам

Обращение к истокам народного искусства, традициям и обычаям неслучайно.

ОБЩЕСТВО 11.07.2022 в 20:01

«Единая Россия» организовала сбор книг для жителей Донбасса

ПРИСОЕДИНИТЬСЯ К АКЦИИ МОГУТ ВСЕ ЖЕЛАЮЩИЕ   «Единая Россия» уже доставила 40 тысяч книг в Донецкую и Луганскую народные республики. Готовится к отправке еще более 110 тысяч изданий.

ОБЩЕСТВО 6.07.2022 в 21:33

Оцифровка книг делает их доступнее

Имя владикавказца Аслана Кудзаева хорошо известно в осетинском сегменте интернета: он многое делает для развития осетинского языка и популяризации осетинской книги.

ОБЩЕСТВО 17.10.2022 в 20:39

За решением проблем – к главе АМС

Глава АМС Владикавказа Вячеслав Мильдзихов провел прием граждан по личным вопросам. Жители города обратились к руководителю администрации за помощью в решении самых разных вопросов, как личных, так и социально значимых. В работе приняли участие и руководители управлений.

ОБЩЕСТВО 5.06.2018 в 11:55

Возвращение на родину

Сложно поверить, что всего лишь несколько десятков лет назад флора и фауна Северной Осетии были намного разнообразнее.

ОБЩЕСТВО 10.02.2022 в 11:28

«Крымская Алания»

По инициативе Аланского землячества Владимирской области и Ялтинской культурно-просветительской организации «Дружба народов» состоялась онлайн-конференция «Крымская Алания», приуроченная к празднованию 1100-летия Крещения Алании. Аланское землячество Владимирской области представлял Алан Хасиев.

Все новости из категории: ОБРАЗОВАНИЕОБЩЕСТВО