ОБЩЕСТВО

АРÆЗТ ÆРЦÆУДЗÆН ФÆСИВÆДИМÆ КУЫСТЫ КОМИТЕТ

Дунеон æхсæнадон змæлд «Иры Стыр Ныхас» у Цæгат æмæ Хуссар Ирыстоны ирон адæмы æнгомгæнæг. Уымæй дарддæр ма уый æнгом кæны нæ æмбæстæгты дунейы алы бæстæты æмæ континентты. Йæ архайд æмæ нысанмæздæхт куыст комкоммæ баст у нæ фыдæлты æгъдæуттæ парахат кæнын æмæ уыдон бындурыл архайынимæ. Дзырд дæр ыл нæй, адæм сæхицæн хуыздæр цæмæй кад кæнынц, уыдонæй иу у, се ʼгъдæуттæ куыд æххæст кæнынц, уый. Уырдæм хауынц нæ кадджын традицитæ æмæ æгъдæуттыл дзурын, цæмæй сыл рæзгæ фæлтæр цайдагъ кæной.

 

Уымæй уæлдай ма Æхсæнадон змæлды архайы Координацион совет, кæцы сæйраг хъусдард здахы мыггæгты «Ныхас»-тæ сæндидзын кæнынмæ, ирон адæм æмæ мыггæгты хорз традицитыл фæсивæды хъомыл кæнынмæ. Уымæй дарддæр змæлды уæнгтæ æмæ активисттæ стыр куыст кæнынц, ахуырадон уагдæтты ирон адæмы хуыздæр æгъдæуттæ æмæ традицитæ бахъахъхъæныныл. Уый фæдыл аразынц алыхуызон мадзæлттæ.

 

Æрæджы та «Иры Стыр Ныхас»-ы сæрдар Уататы Зелимæн уыд ахæм фембæлд фæсивæд, хицауады оргæнтæ æмæ æхсæнадон организациты минæвæрттимæ. Архайдтой дзы РЦИ–Аланийы парламенты депутат, национ политикæ æмæ фæсивæды хъуыддæгты комитеты сæрдар Джиоты Георги, республикæйы фæсивæды комитеты сæргълæууæг Джусойты Руслан, Мурасты Чермен, зындгонд спортсмен Тыбылты Ибрагим, Гæбуты Игорь, районты минæвæрттæ æмæ студенттæ.

 

«ИСН»-ы разамынд куыд банысан кодта, афтæмæй хæстæгдæр рæстæг арæзт æрцæудзæн фæсивæдимæ куысты комитет æмæ цæмæй йæ архайд ахадгæ уа, уый тыххæй арæзт æрцыд хъуыддаджы ныхас фæлтæрты ʼхсæн.

 

Уататы Зелим фембæлд гом кæнгæйæ фæсидт йæ архайджытæм, цæмæй сæ хъуыдытæ æмæ фæндтæ зæгъой æргомæй.

 

– Бузныг уын, кæй æрбацыдыстут, уынут уæ алыварс цытæ цæуы, тыхсут, уæ зæрдæмæ, æвæццæгæн, цыдæртæ нæ цæуы æмæ сыл æрдзурæм, – загъта Уататы Зелим. Уый фæстæ ныхасы бар радта кæстæртæн.

 

Сæ хъуыдытæ загътой Тыбылты Ибрагим, Джиоты Георги, Касаты Аслан, Дзестелты Алыксандр. Ныхас цыд фæсивæды уавæрыл, туристтæ сæхи куыд хъуамæ дарой Ирыстонмæ æрбацæугæйæ, лæппутæ бинонтæ аразынмæ цавæр аххосæгты тыххæй нæ тырнынц æмæ æндæр вазыгджын фарстатыл. Æмткæй райсгæйæ, фæсивæд равдыстой цæттæдзинад ацы æмæ иннæ фарстатыл «Иры Стыр Ныхас»-имæ иумæ кусынæн.

 

Къудухты Маринæ


Похожие записи:

ОБЩЕСТВО 8.10.2021 в 18:46

Усиленная охрана в школах

Виртуальные угрозы добрались и до Владикавказа.

ОБЩЕСТВО 11.03.2023 в 08:15

В ГМТ организовали бригаду электриков

Сегодня у молодого поколения наблюдается осознанный подход к выбору будущей профессии и запрос на финансовую самостоятельность.

ОБЩЕСТВО 19.10.2021 в 08:01

Æнусты æрфыты минæвар

Ирон адæмон сфæлдыстад æвæджиауы хъæздыг у Нарты кадджытæ, Даредзанты таурæгътæ æмæ Царциаты диссæгтæй.

ОБЩЕСТВО 2.12.2022 в 18:37

Водитель-должник может быть ограничен в праве на управление транспортными средствами

Судебный пристав-исполнитель вправе устанавливать временные ограничения на пользование должником специальным правом, предоставленным ему в соответствии с законодательством РФ.

ОБЩЕСТВО 9.12.2022 в 18:44

Международный день борьбы с коррупцией

Международный день борьбы с коррупцией (International Anti-Corruption Day) отмечается ежегодно 9 декабря по инициативе Организации Объединенных Наций.

ОБЩЕСТВО 21.03.2023 в 08:09

Заслуженная награда

Директор Владикавказского муниципального казенного учреждения «Владпитомник» Ахсарбек Дидаров удостоился почетного звания «Заслуженный работник жилищного-коммунального хозяйства Республики Северная Осетия – Алания».

Все новости из категории: ОБЩЕСТВО