ГЛАВНЫЕ НОВОСТИ

ХЕТÆДЖЫ УАСТЫРДЖИЙЫ БÆРÆГБОНЫ ХОРЗÆХ УÆ УÆД!

Æнусты арфæй цы традицитæ баззад, уыдонæн кад кæнгæйæ, ацы аз æппæтæн уарзон бæрæгбон ногæй иу кæны алы кары адæмты, адæмыхæттыты æмæ алыхуызон динты минæвæртты, цæмæй скувой сабырдзинады, хæстæджыты æмæ хиуæтты фæрныгады, æнæниздзинады тыххæй, æмæ цæмæй бæркад уа нæ хæдзæртты.

 

Гъемæ Хетæгæн цы Уастырджи баххуыс кодта, уый ахъаз кæнæд уæ алкæмæн дæр! Нæ дзыллæ тымбыл хъæды дзуары бæлæстау æнгом куыд уа. Нæ куывддзауты-иу хуыцауы æмæ зæдты хорзæх уæд кæддæриддæр!

 

Бæрæгбоны хорзæх уæ уæд, Ирыстоны адæм!

 

Ацы аз Хетæджы Уастырджийы бæрæгбон æрцыд Сусæны мæйы (июлы) дыккаг хуыцаубонмæ – 10-æм июлмæ. Йæ кувæндон кæд Алагиры районы зæххыл Куырттаты комæй рахизæны дæлвæзы ис, æмæ йæм кæд райдайæны кувынмæ йæ алыварс хъæутæ Ногхъæу, Суадаг, Хъæдгæрон, Дзуарыхъæу, Хæтæлдон æмæ æндæр хъæуты цæрджыты йеддæмæ стæм цыд, уæд ныр ацы кувæндон ссис æппæтиронадæмон. Къох ныр сси Ирыстоны кувæндæтты сæйрагдæртæй иу. Хетæджы Уастырджийы кувæндоны бынмæ ныры дуджы сæ кувинæгтимæ цæуынц Ирыстоны æппæт рæттæй дæр: Цæгатæй – Хуссармæ, Хурыскæсæнæй – Хурныгуылæнмæ. Æмæ уый хуымæтæджы нæу: фæдзæхсынц ыл сæ кæстæрты, сæ бæлццæтты, сæ рынчынты, сæ арфæйаг хъуыддæгтæ, сæхи æмæ, куыд æргом зæд у, афтæ сын æргом æххуыс кæны.

 

Ныр дæр та Хетæджы Уастырджийы кувæндонмæ ирон адæм цæудзысты рухсзæрдæтимæ, хъæлдзæгæй, йæ хорзæх рахæссын æнхъæлæй. Æмæ дзы æдзухдæр райгонд куыд уæм, уыцы хорздзинад нын йæ цæст бауарзæд. Табу йын кæнæм æмæ, нын æдзухдæр табуйаг куыд уа. Нæ кувинаг ын барст уæд, нæ мысайнаг – ист.

 

Æмæ нын цæмæй нæ куывдтытæ иса, уый тыххæй кувæндоны æгъдæуттæ халын нæ хъæуы. Æрвылаз дæр Хетæджы Уастырджийы бæрæгбоны йæ кувæндонмæ куывддоны æрбацæуынц бирæ дзыллæтæ. Кæй зæгъын æй хъæуы, табу кæнынмæ, кувынмæ. Фæлæ се ‘хсæн вæййы ахæмтæ дæр, сæ уаг, се ‘гъдау, сæ дзаумайы конд нывыл кæмæн нæ вæййы. Кувæндоны бынмæ расыгæй цæуын, стæй дзы расыг кæнын дæр нæ фæтчы. Кувæндонмæ не ‘мбæлы цæуын æнæхсадæй, æнæдастæй, спортивон æмæ æндæр ронбæгъд уæлæдарæсы, хæцæнгарзимæ. Йæ быны нæлгоймаг хъуамæ уа худаист, аив конд, ирд, сыгъдæг уæлæдарæсы. Кувæндон адæймаджы хъæздыгдзинад æвдисæн бынат нæу! Сыгъдæг зæрдæйæ йæм цæуын хъæуы, дæ бон цæмæй у, уымæй йæ сбуц кæн рæдауæй: æртæ æртæдзыхонæй, бæгæныйы къус æмæ дзыккайæ дæр фæуæд. Нæ фыдæлтæн сæ фылдæрæн сæ кувинаг æрмæстдæр адон уыдысты. Мысайнаг та æвæрдтой æртæ суарийы – 15 капеччы. Ныр дæр æртæ згъæр фондз сомы кæнæ 10 сомы æгъгъæд сты мысайнагæн. Гъемæ та сæ Хетæджы Уастырджийы кувæндонмæ куыд зæрдæхæларæй, рæдауæй, хорзæнхъæлæй бахæссæм, уый бæрц нын арфæйаг фæуæнт!

 

Сыгъдæг къохы Зæды бон у рæсугъд, адæм стыр кад кæмæн кæнынц, ахæм адæмон бæрæгбон. Æнусты арфæй цы традицитæ баззад, уыдонæн кад кæнгæйæ, ацы аз æппæтæн уарзон бæрæгбон ногæй иу кæны алы кары адæмты, адæмыхæттыты æмæ алыхуызон динты минæвæртты, цæмæй скувой сабырдзинады, хæстæджыты æмæ хиуæтты фæрныгады, æнæниндзинады тыххæй, цæмæй бæркад уа нæ хæдзæртты.

 

Уæдæ, цæй, Бæрзондыл бадæгмæ фехъуысæнт сыгъдæгзæрдæйæ æмæ рæсугъд хъуыдытимæ загъд куывдтытæ æмæ фæндтæ, алы хæдзармæ дæр æрхæссæд амонд æмæ фæрныгад,  ног арфæйаг хъуыддæгтæм сæ разæнгард кæнæд. Хетæджы Уастырджийы хорзæх уæ уæд, Ирыстоны цæрджытæ!  Хетæджы Уастырджийы бæрæгбон бæрæг кæнын – уый æрмæст ахсджиаг æмæ кадджын æгъдау нæу, уый у Ирыстоныл аудæг Зæд, цæмæй дуне сабыр уа, нæ уарзон республикæ – фæрнджын, стæй бæркадджын æмæ уазæгуарзон, уыимæ ма у стыр бæрнондзинад дæр. Бæрæгбон аккагæй арвитын, нæ фыдæлтæ куыд кодтой, афтæ у алы бинонты, мыггаджы, сыхбæсты хистæры хæс дæр.

 

Уæдæ, цæй æмæ ацы бонты цы куывдтытæ бакæнæм, стæй цы фæндтæ зæгъæм бæрæгбоны сæйраг бынаты – Хетæджы къохы, стæй республикæйы алы хæдзары дæр, уыдон уæнт æвдисæн рæсугъд фидæнæн. Хетæджы Уастырджийы бæрæгбоны хорзæх дæ уæд, Ирыстон! Амонд, циндзинад æмæ фæрныгад нæ зæрдæ зæгъы не ‘ппæт æмбæстæгтæн дæр.

 

Редакци


Похожие записи:

ОБЩЕСТВО 20.06.2023 в 08:33

Профессионалы пополнят армейский строй

Продолжается весенняя призывная кампания, которая началась 1 апреля. Рост престижа Вооруженных сил РФ и значимость наличия военного билета определили решение молодых людей пройти военную службу в армии. Статистика последних лет показывает значительный рост желающих поступить на военную службу по контракту, которая гарантирует твердую социальную основу и социальные гарантии, а в дальнейшем и карьерный рост.

ГЛАВНЫЕ НОВОСТИ 28.06.2018 в 10:55

На контроле – антикоррупционные проблемы

Об административных барьерах при предоставлении государственных услуг органами исполнительной власти республики шла речь на заседании правительственной Комиссии

ОБЩЕСТВО 1.10.2018 в 12:52

Урок мужества

Уроки мужества – добрая давняя традиция Республиканской юношеской библиотеки им. Г. Газданова.

ОБЩЕСТВО 22.12.2023 в 21:07

ЙÆ ЦАРДВÆНДАГ — ЦАРДЫ СКЪОЛА

Æмæ та мæ зæрдыл æрбалæу­уыдысты стыр уырыссаг фыссæг Антон Чеховы хъуыды­тӕ: «Адæймаг æппæтæй дæр хъуамæ рæсугъд уа – бакастæй дæр, кондæй дæр æмæ удæй дæр». Уыдонæй, кæй зæгъын æй хъæуы, сæйрагдæр, æнæдызæрдыгæй, уды рæсугъддзинад у, уымæй хайджын дæ – уæд дæ бакаст дæр æмæ дæ дарæсы конд дæр адæммæ рæсугъ­дæй зындзысты.

ОБЩЕСТВО 3.08.2019 в 11:40

Осведомленные родители – гармоничный ребенок

Единого руководства для родителей нет и, наверное, никогда не будет. Все дети разные, как и семьи, в которых они воспитываются.

ГЛАВНЫЕ НОВОСТИ 17.10.2022 в 20:54

Мобилизация, выплаты, социальный блок

Глава Северной Осетии Сергей Меняйло провел еженедельное аппаратное совещание, с которого традиционно начинается рабочая неделя. В числе первоочередных задач руководитель региона обозначил помощь семьям мобилизованных граждан. Также прозвучал ряд поручений по вопросам социального блока республики.

Все новости из категории: ГЛАВНЫЕ НОВОСТИОБЩЕСТВО