ОБЩЕСТВО

«Ир, дæ цин, дæ хæрзтæй ма ‘фсæдæд мæ цæст!»

86 азы сæххæст ис РЦИ-Аланийы адæмон поэт, прозаик, тæлмацгæнæг, публицист, Хетæгкаты Къостайы номыл паддзахадон премийы лауреат, Балинта Балашшийы номыл æппæтадæмон премийы лауреат, Цæгат Ирыстоны æмæ Уæрæсейы Федерацийы культурæйы сгуыхт кусæг – ДЗАСОХТЫ МУЗАФЕРЫЛ!  

 

Дыууын æртæаздзыдæй кусын райдыдта газет «Рæстдзинад»-ы. Уыди газет «Молодой коммунист»-ы сæйраг редактор, партийы Цæгат Ирыстоны обкомы инструктор, телеуынынад æмæ радиохъусынадон комитеты сæрдары хæдивæг, сывæллæтты журнал «Ногдзау»-ы сæйраг редактор, ныртæккæ та у йæ хæдивæг.

 

Ирд уацмыстæ ныффыссын бафтыд Музаферы къухы. Ирон литературæ фæхъæздыгдæр кодта «Фыды фарн», «Ракæндзынæн дын мæ зарæг», «Арсы уазджытæ», «Уалдзыгон стъалытæ», «Зæххы уæз», «Урсдоны былыл – Бæрæгьуын, «Бехъаны мугæ», «Иры дзыхъхъ», «Зæрватыкджын бæстæ», «Иры лæвар – сусæг хæс», «Менджы сой», «Мысыры сыджыт» æмæ бирæ æндæр чингуытæй.

 

Дзасохы-фырт сывæллæтты зæрдæтæ барухс кодта йæ радзырдтæ, æмдзæвгæтæ æмæ аргъæуттæй. Дæсны у тæлмац кæнынмæ дæр. Ирон æвзагмæ раивта уырыссаг æмæ фæсарæйнаг номдзыд фысджыты уацмыстæ. Се ‘ппæт дæр ын тæлмацгонд æрцыдысты бæрзонд æмвæзадыл, фæлæ йын уæлдай раппæлинагдæр сты Омар Хайамы цыппаррæнхъонтæ æмæ Уильям Шекспиры сонеттæ.

 

Музафер æрмæст Ирыстоны нæу зындгонд, фæлæ ма бирæ бæстæты дæр. Йæ уацмыстæ йын сæхи ‘взæгтыл кæсынц уырыссæгтæ, украинæгтæ, белоруссæгтæ, цæцæйнæгтæ, хъалмыхъхъæгтæ, кæсгæттæ, абхазæгтæ, венгрийæгтæ, болгайрæгтæ, монгойлæгтæ, индийæгтæ æмæ бирæ æндæр адæмтæ. 

 

Дзырд дæр ыл нæй, йæ цæхæркалгæ курдиаты фæрцы Музафер ирон адæмы фæхæстæгдæр кодта иннæ адæмтæм, равдыста сын, ирон фарны мæсыг фидар кæй у, уый. 

 

Бирæ уацмыстæ ныффыссын ма дын бантысæд, Музафер! Дæ бæллицтæ иууылдæр дæ къухы бафтæнт! Фыццаджыдæр та у æнæниз æмæ
зæрдæрухс!


Похожие записи:

ОБЩЕСТВО 16.11.2022 в 20:15

Опавшая листва и сухостой. Осенние субботники в разгаре

Масштабный двухдневный субботник провели сотрудники Промышленной префектуры Владикавказа. На этот раз генеральная уборка прошла в парковой полосе около Дворца культуры металлургов и школы №4. На помощь сотрудникам префектуры пришли работники предприятия «Дюбуа», учащиеся СКГМИ и СОШ №4.

ГЛАВНЫЕ НОВОСТИ 8.07.2022 в 23:10

ХЕТÆДЖЫ УАСТЫРДЖИЙЫ БÆРÆГБОНЫ ХОРЗÆХ УÆ УÆД!

Æнусты арфæй цы традицитæ баззад, уыдонæн кад кæнгæйæ, ацы аз æппæтæн уарзон бæрæгбон ногæй иу кæны алы кары адæмты, адæмыхæттыты æмæ алыхуызон динты минæвæртты, цæмæй скувой сабырдзинады, хæстæджыты æмæ хиуæтты фæрныгады, æнæниздзинады тыххæй, æмæ цæмæй бæркад уа нæ хæдзæртты.

ОБЩЕСТВО 29.05.2018 в 10:03

Погранслужба отмечает вековой юбилей

28 мая Пограничная служба России отмечает 100 лет со дня образования.

ОБЩЕСТВО 9.10.2023 в 19:15

Общественный иммунитет

«Вакцинопрофилактика инфекционных болезней у взрослых – стратегическая задача сохранения здоровья нации и сбережения населения страны». Круглый стол на такую тему состоялся на площадке Общественной палаты РСО-А.

ОБЩЕСТВО 24.12.2021 в 19:27

Не для галочки

Активисты «Молодежки ОНФ» и представители республиканских ведомств рассказали журналистам об итогах

ОБЩЕСТВО 4.09.2021 в 08:00

«Пушкинская карта» – ключ на старт!

С первого сентября в России начал работать новый инструмент, направленный на повышение уровня культуры

Все новости из категории: ОБЩЕСТВО