ОБЩЕСТВО

Йæ алы рæнхъ дæр исы йæ зæрдæйы арф къуымтæй

Райгуырæн зæхх… Нæй уымæй уарзондæр, зынаргъдæр. Уымæн йæ хурыскаст дæр, цыма, æндæрхуызон у, æндæр цин хæссы зæрдæмæ. Йæ къахвæндæгтæ та сты хъармдæр, райдзастдæр. Æмæ афтæ тынг уарзон та – газет «Рæстдзинад»-ы хайады сæргълæууæг, УФ-йы Фысджыты æмæ Журналистты цæдисты уæнг, Цæгат Ирыстоны культурæйы сгуыхт кусæг поэт КАСАТЫ Батрадзæн у Олгинскæйы хъæу.

1973–1978 азты ахуыр кодта Цæгат Ирыстоны пад­дзахадон университеты филологон факультеты. Каст æй куы фæци, уæд кусынмæ бацыдис нæ республикæйы телевизион студимæ, стæй раивта газет «Рæстдзинад»-ы редакцимæ. Йæ æнæзæрдæхудт фæллойадон фæндагæн ын æвдисæн уыдысты ЦИПУ-йы чиныг­уадзæны, Цæгат Ирыстоны радиойы. 1993 азæй та уыд республикæйы парламенты аппараты консультант. Кæм фæнды архайгæйæ дæр, Батрадз тырны уымæ, цæмæй йæ фæстæ ныууадза рæсугъд фæд. Æмæ афтæ у абоны онг йæ алы къахдзæф дæр.

Батрадз литературон куыстыл фæцалх, скъоладзау ма куы уыди, уæд.

1985 азы йын чиныгуадзæн «Ир»-ы рацыд йе ’мдзæвгæты æмбырдгонд «Уалдзæджы хъæр», уый фæстæ ирон поэзиуарзджыты зæрдæтæ барухс кодта «Зилдухæнтæ»-й, «Удцырагъ»-æй æмæ æрæжы та – «Уды дзæнгæрджытæ»-й. Сæрмагондæй ацы æмдзæвгæты æмбырдгонд сси Хетæгкаты Къостайы номыл паддзахадон премийы аккаг. Фæскъæвда хурбоны хуызæн бахъарм кæны зæрдæты, йæ алы рæнхъ дæр исы йæ зæрдæйы арф къуымтæй, бауадзы сæ уд. Йе ‘мдзæвгæтæ кæсгæйæ адæймаг æнкъары авторы сæрмагонд æрмдзæф, никæимæ йын æй хæццæ кæны. Йæ уацмысты вæййы егъау хъуыды, кӕцы райхалы хуымæтæг æмæ æнцонæмбарæн ныхасæй.

Йæ публицистикон æрмæджыты архайджытæ дæр вæййынц æхсæнады алы къабæзты хъайтар кусджытæ. Газет «Рæстдзинад»-ы кæсджытæ цымыдисæй бакæсынц хæсты æмæ фæллойы ветеранты, стæй æндæр темæтыл фыст очерктæ.

Мах, Касаты мыггаджы минæвæрттæ, нæ зынаргъ Батрадз ахæм бæрнон премийы аккаг кæй сси, йе ’нæхин æмæ йын йæ æнæзæрдæхудт куыстæн ахæм аргъ кæй скодтой, уымæй стæм сæрыстыр æмæ йын кæнæм зæрдиаг арфæтæ! Нæ цæст ын уарзы фидар æнæниздзинад, ног сфæлдыстадон бынтæ, царды æмæ сфæлдыстады рындзтæй кæддæриддæр сæрыстырæй куыд фæлгæса, уыцы амонд ын Хуыцау æмæ зæдтæ балæвар кæнæнт!

КЪУДУХТЫ Маринæ


Похожие записи:

ГЛАВНЫЕ НОВОСТИ 31.08.2021 в 10:26

Северной Осетии переданы на хранение исторические боевые знамена

На закрытии военно-технического форума «Армия-2021» по указу Президента РФ и приказу министра обороны РФ военнослужащие

ГЛАВНЫЕ НОВОСТИ 8.05.2022 в 15:15

“Посмотри на их лица”. Осетия помнит

  Глаза ветеранов, смотрящие на нас с баннеров и плакатов, страниц газет и экранов смартфонов, развевающиеся победные флаги и георгиевские ленты, приколотые на лацканы рубашек, цветы на памятниках и могилах фронтовиков – Северная Осетия готовится к 77-летию Великой Победы.

ОБЩЕСТВО 14.11.2017 в 10:10

Капитально ремонтируемся

Во Владикавказе намерены «оживить» федеральную программу капитального ремонта многоквартирных домов.

ОБЩЕСТВО 13.03.2018 в 11:24

Найти свой путь в бизнесе

Поможет портал «Бизнес-навигатор малого и среднего предпринимательства» (МСП), созданный АО «Корпорация МСП».

ОБЩЕСТВО 28.01.2023 в 08:58

В администрации города обеспокоены ростом числа смертей от отравления угарным газом

В городской администрации состоялось заседание комиссии АМС по предупреждению и ликвидации чрезвычайных ситуаций, в ходе которого был рассмотрен вопрос о дополнительных мерах по обеспечению пожарной безопасности в жилом секторе и безопасной эксплуатации внутридомового газового оборудования.

ОБЩЕСТВО 21.06.2022 в 00:00

Сергей Меняйло поздравил медицинских работников с профессиональным праздником

ДОРОГИЕ ДРУЗЬЯ!   От всего сердца поздравляю с профессиональным праздником всех представителей сферы здравоохранения – врачей, фельдшеров, медицинских сестер, санитаров!

Все новости из категории: ОБЩЕСТВО