ОБЩЕСТВО

ЙÆ РУХС ФÆЛГОНЦ БАЗЗАД НÆ ЗÆРДÆТЫ

Уæрæсейы Федерацийы æмæ Хуссар Ирыстоны сгуыхт артист, нæ республикæйы адæмон артист, Ирыстоны ирддæр стъалытæй иу – Бытъæты Роберты райгуырдыл сæххæст 80 азы.

 

Цæгат Ирыстоны рагон хъæутæй Сындзыхъæуы 1943 азы 20-æм мартъийы райгуырдис Цæгат Ирыстоны драмон театры актер Бытъæты Роберт. Йæ цардвæндаг алыхуызæттæ уыд, фæлæ уæддæр йæ зæрдæ никуы сивта ирон театры сценæйыл. Бантыст ын бирæ спектакльтæ ирон æмæ дыгурон театрты сценæтыл, разамынд лæвæрдта Цыколайы хъæуы адæмон театрæн.

 

Уый стыр аргъ кодта ирон дзырд, æгъдау æмæ культурæйæн. Æгæрон курдиаты хицау кæй уыд, уымæн ын бантыст театр æмæ кинойы ахæм диссаджы сурæттæ саразын, уыдон адæмæн сты уарзон. Сценæйыл йæ алы зæрдæмæхъаргæ фæлгонц дæр дисы æфтыдтой театрдзауты.

 

Хæрз æрыгон ма уыд, афтæмæй ахуыр кодта Цæгат Ирыстоны педагогон институты физкультурӕйы факультеты. Фæсахуыр-иу йæ ных сарæзта ирон театрмæ. Йæ тырнындзинады руаджы йæ фыццаг райстой уæлæмхасæн къордмæ, фæстæдæр рахызт сæйрагмæ дæр. Уæд Бытъæты Роберт ахъазыд йæ фыццаг роль спектакль «Сказание о гончарном круге»-йы. Афтæ ссыгъд ирон театры ирддæр стъалы.

 

Кæд театралон ахуырад нæ райста, уæддæр цыппор азæй фылдæр фæлæггад кодта ирон театрæн. Йæ фæлгонцтæ баззадысты Ирыстоны сценикон культурæйы хæзнадоны.

 

«Фæззыгон дидинджытæ», «Ревизор», «Хъодыгонд зæд», «Фатимæ», «Цола», «Пæсæйы фæндон», «Ричард III» æмæ æндæртæ, ацы спектакльтæм чи бакаст, уымæн æнæмæнг йæ зæрдыл баззад Бытъæты Роберты сурæт. Ирд фæд ныууагъта кинойы дæр. Ахъазыд кинонывты: «Обида старого охотника», «11 писем к Богу», «Ласточки прилетели», «Буйный Терек», «Голос матери». Ирон æвзагмæ ратæлмац кодта дунеон драматургийы уацмыстæ.

 

Бытъæты Роберт ма йæхи равдыста куыд курдиатджын режиссер. Сæвæрдта спектакльтæ ирон æмæ дыгурон театрты. Мольеры «Скапены митæ», Хуыгаты Георы «Сабан æмæ Габан» æмæ æндæртæ.

 

Спектакльтæм ма фыста зарджытæ дæр. Бытъæты Роберты ма адæм бауарзтой куыд телеуынынады равдыстыты автор æмæ амонæгæй. Алы хъуыддаг дæр лыстæг æвзарæг, стæй дардмæ уынаг. Хæларуарзаг, сыгъдæгзæрдæ адæймаг – арæх ахæм ныхæстæй Роберты æрымысынц йæ хæлæрттæ. Йæ фæлтæрддзинад, йæ зонд, йæ курдиат чи не ʼвгъау кодта, ахæмæй йæ бахъуыды кодтой йе ʼмкусджытæ, кæстæртæ. Абон кæд не ʼхсæн нал ис, уæддæр йæ рухс фæлгонц баззад нæ зæрдæты. Уый та уый нысан у, æмæ аивады цы стыр фæд ныууагъта, уый сæфт кæй никуы уыдзæн.

 

КЪУДУХТЫ Маринæ


Похожие записи:

ОБЩЕСТВО 13.05.2022 в 20:01

Азамат Перисаев из Владикавказа примет участие в суперфинале конкурса «Лидеры России»

26-29 мая 2022 года в Гостином дворе в Москве пройдет суперфинал конкурса «Лидеры России» – флагманского проекта президентской платформы «Россия – страна возможностей». Среди 300 управленцев в мероприятии примет участие Азамат Перисаев из Республики Северная Осетия – Алания.

ОБЩЕСТВО 9.02.2023 в 08:13

«ИРОН ФЫНГ ÆРМÆСТ МИНАСЫ ТЫХХÆЙ НÆУ…»

Ирон адæм сæ царды бонты сæ сæрæй уæлдæр æвæрдтой се ‘гъдæуттæ. Кæд нæ ирон традицитæ алчи нæ нымайы æмæ йын ирон фынг, зианы уа æви цины, рæстæг æрвитыны фæрæз йеддæмæ ницы у, уæддæр нæ зондахаст цавæр у, уый алчидæр æмбары.

ОБЩЕСТВО 23.03.2024 в 08:33

ТАНДЕЛАТЫ РОЗÆ: «АЛЫ САБИ ДÆР ХЪУАМÆ ЗОНА ЙÆ ФЫДÆЛТЫ ÆГЪДÆУТТÆ»

Ирон адæмы æгъдæуттæн сæ фæд цæуы рагон æнустæй, суанг скифты æмæ аланты замантæй. Бантыст нын сæ ныры дугмæ æрхæццæ кæнын. Абон дæр фидарæй хæцæм нæ фыдæл­ты фарныл æмæ рагон æгъдæуттыл, æфтауæм сæ нæ кæстæртыл. Ирондзинад, ирон фарн бахъахъхъæнын у нæ алкæй хæс дæр. Зæрдиагæй ацы ахсджиаг хъуыддагыл кусынц Дзӕуджы­хъӕуы 13-æм скъолайы фæллойы урокты ахуыргæнæг Берозты-Танделаты […]

ОБЩЕСТВО 31.03.2018 в 10:58

Владикавказ глазами туристов: свежие впечатления

Мы уже писали на страницах газеты «Владикавказ» отзывы приезжих гостей о столице нашей республики.

ОБЩЕСТВО 14.12.2021 в 08:05

Обращение к истокам

Обращение к истокам народного искусства, традициям и обычаям неслучайно.

ГОРОД 23.11.2022 в 20:08

Сергей Меняйло поручил спланировать работы по укреплению дамбы на озере Бекан

В ходе еженедельного аппаратного совещания Глава РСО-А Сергей Меняйло запросил отчет о ситуации на озере Бекан, где в ночь с 16 на 17 ноября размыло дамбу. Восстановительные работы удалось завершить к вечеру 20 ноября.

Все новости из категории: ОБЩЕСТВО