ОБЩЕСТВО

МАДÆЛОН ÆВЗАГ УАРЗТА ÆМÆ ЙЫН ЙÆ РÆСУГЪДДЗИНАД АРФ ÆНКЪАРДТА

Уæрæсейы Федерацийы æмæ Хуссар Ирыстоны сгуыхт артист, Цæгат Ирыстоны адæмон артист, Цæгат Ирыстоны Тæбæхсæуты Балойы номыл Ирон академион театры актер Бытъæты Робертыл сæххæст 80 азы.

 

10 ноябры 1935 азы фыццаг хатт йæ æмбæрзæн байгом кодта Цæгат Ирыстоны паддзахадон драмон театр. Уыцы бон сызгъæрин дамгъæтæй фыст у ирон театралон аивады историйы. Уæд  бындур æвæрд æрцыд, театр абон сæрыстыр кæмæй у, уыцы хуыздæр традицитæн, æмæ сæ уæдæй нырмæ артистты фæлтæртæ æххæст кæнынц æнувыдæй.

 

Бирæ азты дæргъы театры сценæмæ амонды æнкъарæнтимæ цыдысты, ирон аивадæн йæ цард чи снывонд кодта, уыцы номдзыд артисттæ: Таутиаты Солæман, Тæбæхсæуты Бало, Хъæрджынты Варя, Икъаты Серафин, Баллаты Валодя, Саламты Къола, Уататы Бибо, Бирæгъты Къоста, Годжысаты Исахъ, Тлаттаты Бексолтан, Бытъæты Роберт, æмæ сæ чи фæуыдзæн нымад… Адæмæн цас циндзинад æмæ сæрыстырдзинад хастой, уый сбарæн ницæмæй ис, æмæ сын ирон тетрдзау дзуапп лæвæрдта иузæрдион уарзондзинадæй.

 

Хъыгагæн, хистæр фæлтæрæй абон бирæтæ не ‘хсæн нал ис, фæлæ, уый хыгъд, сæ фæстæ кæй ныууагътой, уыцы артисттæ дæр Ирон театры кад дæлæмæ нæ уадзынц.

 

О, бирæ зындгонд нæмттæ ис Ирон театры историйы. æмæ уыцы ирддæр  стъалытæй иу – Бытъæты Робертыл райгуырдыл сæххæст 80 азы. Уый фæдæл ын æрæджы йæ рухс ном  æрымысыдысты Ирон театры. Йæ мысæн изæры Ирон театры къух бакæнæн нæ уыд. Ирон театры мысæн изæры сæмбырд сты хицауады уæнгтæ, æхсæнадон архайджытæ, йæ хæлæрттæ, йæ курдиатæн стыр аргъ чи кодта, уыдон иууылдæр.

 

Уарзон хистæр, æмкусæг, хæлар, сыхаг, кæнæ хионы ном ссарын сæ алчидæр йæ хæсыл банымадта. Уæдæ йын  рæзгæ фæлтæрмæ та уыд хъулон уарзт, йæ зонындзинæдтæ сын не ‘вгъау кодта, хæццæ сæм сæ кодта цæстуарзонæй.

 

 Зæрдæхæлар, цæстуарзон хистæр æмæ курдиатджын актер. Йæ бæллицтæ театримæ куы сбаста, уæд нырма скъоладзау уыд. æмæ 60-æм азты кæрон «Металлургты» галуаны хæдархайгæ студимæ бацыд. Актеры дæсныйадмæ фыццаг къахдзæфтæ ам акодта. æмæ кæд профилон ахуырад нæ райста, уæддæр йæ курдиат æмæ куыстуарзондзинады руаджы сси дзыллæйæн уарзон актер.

 

Бытъæты Роберт цы спектаклты ахъазыд, уыдоны ‘хсæн – Николай Островскийы «Пайдаджын бынат», Николай Гоголы «Ревизор», Джыккайты Шамилы «Хъодыгонд зæд», Хетæгкаты Къостайы «Фатимæ», Уильям Шекспиры «Ричард III». Театры куыст æнтыстджынæй иу кодта киноимæ. Ахъазыд «Зæронд цуаноны хъыг», «11 фыстæджы Хуыцаумæ», «Зæрватыччытæ æртахтысты» æмæ бирæ æндæр кинонывты.

 

Мысæн изæры равдыстой, актер цы спектаклты æмæ кинонывты хъазыд, уыдонæй скъуыддзæгтæ.

 

Бытъæты Роберт уыд курдиатджын режиссер дæр. Спектаклтæ сæвæрдта Ирон æмæ Дыгурон театрты, разамынд лæвæрдта Цыколайы адæмон театрæн. Мадæлон æвзаг уарзта æмæ йын йæ рæсугъддзинад арф æнкъардта. Ирон æвзагмæ ратæлмац кодта фæсарæйнаг æмæ уырыссаг авторты пьесæтæ, фыста зарджытæ спектаклтæм. Сценæйыл хъазгæ нæ, фӕлӕ цæргæ кодта. Гæдымитæ та нæдæр театры уарзта, нæдæр царды.

 

Кадджын хистæр, йæ адæмы культурæ æмæ æгъдауæн стыр аргъ кодта. Ирд, курдиатджын, хæларзæрдæ адæймаг.

 

Уæрæсейы сгуыхт артисты ном Бытъæты Робертæн радтой 2014 азы, цыппар азы фæстæ та хорзæхгонд æрцыд «Ирыстоны намысы» майданæй.

 

КЪУДУХТЫ Маринæ


Похожие записи:

ОБЩЕСТВО 31.08.2022 в 19:23

Во Владикавказе отметили 200-летие со дня рождения выдающегося просветителя Аксо Колиева

Среди гостей мероприятия – видные общественные деятели, представители Администрации местного самоуправления Владикавказа, Министерства культуры республики, духовенства, ученые.

ОБЩЕСТВО 11.06.2022 в 22:11

Россия и Армения в 6 раз расширят пропускную способность на границе

11 июня 2022 года на пункте пропуска «Верхний Ларс» состоялась встреча Министра экономического развития России Максима Решетникова с Министром экономики Республики Армения Ваганом Керобяном.

ОБЩЕСТВО 22.10.2022 в 07:21

«Большой этнографический диктант»

С 3 по 8 ноября 2022 года в рамках программы РФ «Реализация государственной национальной политики» Федеральное агентство по делам национальностей проводит VII Международную просветительскую акцию «Большой этнографический диктант».

ОБЩЕСТВО 7.02.2023 в 08:40

Сохранить осетинский язык

Владикавказ – город с уникальной культурой, самобытными традициями, вкусной кухней. А еще это город, где льется мелодия осетинского языка. Все это не может не привлекать туристов, которых в последние годы становится заметно больше. Но если потрясающую атмосферу город все еще бережет, то вопрос сохранения родного языка сегодня как никогда стал актуальным.

ОБРАЗОВАНИЕ 23.09.2023 в 08:29

Главная задача – раскрыть потенциал

На коллегии, посвященной итогам работы Министерства просвещения РФ в 2022 году и задачам на 2023 год, министр Сергей Кравцов отметил, что Россия превысила показатель по плану вхождения в десятку лучших стран мира по качеству образования.

ОБЩЕСТВО 20.01.2022 в 10:43

Зинаида Ларионова: «Мы не оказываем услугу, мы вкладываем душу в детей и даем им знания»

Стартовал муниципальный этап всероссийского конкурса «Учитель года – 2022»

Все новости из категории: ОБЩЕСТВО