ОБЩЕСТВО

РЕКОМЫ КУВÆНДОН

Ацы бонты æгас Ирыстон бæрæг кæнынц æппæты кадджындæр бæрæгбæттæй иу – Реком. Цъæйы коммæ Хуссар æмæ Цæгат Ирыстонæй та æрæмбырд уыдзæн бирæ адæм.

 

Ацы бонмæ-иу Ирыстоны хуыздæр минæвæрттæ æрцыдысты нæ фыдæлты сæйрагдæр дзуары бынмæ æмæ куывтой, уынаффæтæ хастой, кæстæрты ахуыр кодтой рæсугъд æгъдæуттыл.

 

Чи цыди дзуары бынмæ, уыдон-иу сæхи цæттæ кодтой рагацау.

 

Реком у Ирыстоны зындгонддæр бæрæгбæттæй иу, ахæссы æнæхъæн къуыри. Раздæр Рекомы кувæндонмæ адæм цыдысты Ирыстоны алы хъæутæй, уæлдай тынгдæр ыл сæхи фæдзæхстой Уæлладжыргомы цæрджытæ. Йæ бæрæгбон раздæр æмæ ныр дæр бирæтæ акæнынц кусарт.

 

Ивгьуыд æнусты Рекомы кувæндонмæ уый бæрц адæм цыд, æмæ-иу йæ цурты къах айсæн нал уыд. Бæрæгбоны бон адæм сæ кæрæдзийæн кодтой зæрдиаг арфæтæ. Сæ кувинæгтæ æртæ чъири æмæ бæгæныимæ цыдысты кувæндоны бынмæ. Фæдзæхстой ирон адæмы æмæ райгуырæн бæстæйы тыхджындæр дзуарыл, куырдтой дунейæн сабырдзинад. Рекомы Уастырджийы æгъдæуттæ сты сæрмагонд: карз нозт, æвзæр ныхасæн дзы бынат нæй – арфæтæ, хæларзæрдæ ахаст æмæ рухс, сыгъдæг æнкъарæнтæ. Нæлгоймæгтæ йæм фылдæр цыдысты урс дарæсы æмæ бæгъæввадæй.

 

Рекомы алыварс бирæ мыггæгтæн уыди дурæй конд рæстæгмæйы хæдзæрттæ. Бæрæгбоны-иу уыдысты уым. Дынджыр æрхуы æгты-иу сфыхтой бæгæны. Чи гал æргæвста, чи фыс. Алы хъæуæн дæр уыд йæхи куывд, æмæ адæм кæрæдзийæн нуазæнтæ æрвыстой, кæрæдзийы хуыдтой. Æнæхъæн дзыллæтæ-иу кæрæдзийы къухтыл ныххæцыдысты æмæ кувæндоны алыварс заргæ зылдысты. Рекомы кувæндонмæ сылгоймæгтæ нæ цыдысты, сæ кувинæгтæ-иу барвыстой æмæ-иу сæ дзуары лæгтæ скуывтой. Алы хъæу дæр æвзæрста дзуары лæг. Уый йæ хъус дардта, бæрæгбон куыд цæуы, уымæ.

 

Адæмы кувинæгтæй куывта, сæ мысайнæгтæ сын æвæрдта кувæндоны. Адæм бирæ кæй уыдысты, уый тыххæй-иу афтæ дæр рауад, æмæ дзуары лæгтæ адæмыл зылдысты æмæ мысайнæгтæ æмбырд кодтой. Сæ къухты – чысыл урс тырысатæ, цыдысты бæгьæввадæй, æнæ худтæй.

 

Ивгьуыд рæстæджыты мысайнагæн чи фат æвæрдта, чи æрдын, чи цæппузыр, чи фæрдыг, чи æвзист кæнæ æрхуы æхца.

 

Ахуыргæндтæ куыд нымайынц, афтæмæй Рекомы кувæндон арæзт æрцыд 1382 азы. Сарæзтой йæ, æнусты дæргьы æмбийгæ чи нæ кæны, ахæм æнахуыр хъæдæй.

 

Ис ахæм таурæгь, зæгьгæ, раджы кæддæр Уастырджи сфæнд кодта ирон адæмæн кувæндон саразын, æмбийгæ чи нæ кæны, ахæм хъæдæрмæгæй. Ахæм бæлæстæ та зади æрмæстдæр Рекомы фæсхох хъæды. Уастырджи йæ галтæн ныффæдзæхста цъитиджын хæхты сæрты ахизын, уыцы хъæдмæ фæцæуын æмæ уырдыгæй хъæдтæ æрласын. Бæлæстæ сæхæдæг калдысты, уæрдæттæ сæхæдæг дзаг кодтой, æмæ галтæ уыцы æнахуыр хъæдæрмæг амынд фæндагыл ластой. Кувæндоны бынаты-иу уæрдæттæ сæхæдæг равдæлон сты, галтæ та фæстæмæ Уастырджимæ здæхтысты. Уыйадыл, зæгьы, Рекомы кувæндон сырæзт æнæ адæймаджы æххуысæй…

 

Таурæгъмæ гæсгæ, «Хуыцауы æртæ цæссыджы» кæм æрхаудысты, уым равзæрдысты æртæ кувæндоны – Мыкалгабыртæ, Таранджелос æмæ Реком.

 

Рекомы уыд ахæм миниуæг, æмæ-иу хæстмæ куы цыдысты, уæд-иу æфсымæрдзинад ам фидар кодтой. Ома, уыд æфсæддонтæн ахъазгæнæг дзуар. Фæндараст дзы кодтой æндæр бæлццæтты дæр.


Похожие записи:

ОБЩЕСТВО 27.11.2023 в 19:36

Единственной маме на свете

В Северной Осетии чествовали многодетных матерей

ОБЩЕСТВО 18.03.2018 в 19:30

Вячеслав Битаров проголосовал на выборах Президента РФ

Глава РСО-Алания Вячеслав Битаров вместе со своей супругой проголосовали на выборах Президента РФ в г. Владикавказе.

ОБЩЕСТВО 3.03.2023 в 18:54

Марина Габуева: «Осетинский язык – это душа моя»

На прошлой неделе были подведены итоги республиканского профессионального конкурса «Лучший учитель осетинского языка и литературы». Им стала педагог школы №7 Владикавказа Марина Габуева.

ОБЩЕСТВО 13.10.2022 в 07:03

Ацамаз Дзотов: «Подвиг Лазаря Дзотова – прекрасный пример единства народов в тяжелое для родины время!»

На Чижовском плацдарме прошла торжественная церемония открытия бюста уроженца Северной Осетии Лазаря Дзотова. В августе 1942 года Дзотов совершил выдающийся подвиг на воронежской земле – закрыл собой амбразуру вражеского дота, тем самым спас жизни своих товарищей. Его именем названа улица в Ленинском районе Воронежа, в честь Героя установлена памятная доска.

ОБЩЕСТВО 25.05.2023 в 08:42

Весенний призыв: мифы и реальность

В России продолжается весенняя призывная кампания. Она стартовала 1 апреля и продлится до 15 июля. В этом году призыв в армию как никогда находится под пристальным вниманием общества.

ОБЩЕСТВО 18.11.2023 в 09:44

«Время самбо»

16 ноября в Москве глава муниципального образования г. Владикавказ – председатель Собрания представителей г. Владикавказа Александр Пациорин принял участие в форуме «Время самбо» в рамках реализации федерального партийного проекта «Единой России» «За самбо». Форум прошел в Международном центре самбо олимпийского комплекса «Лужники». Форум посвящен 85-летию самбо.

Все новости из категории: ОБЩЕСТВО