ОБЩЕСТВО

Сæ разы цы бæрнон хæс ис, уый у нæ иумæйаг хъуыддаг

Ирыстоны цæрджытæ сбæрæг кодтой иууыл кадджындæр бæрæгбæттæй иу – Хетæджы дзуары бон. Йæ рухс кувæндонмæ нæ республикæйы алы къуымтæй чи æрбацыд, уыцы сæдæгай адæймæгтæ йын æргом кодтой сæ зæрдиагдæр бæллицтæ! 

Ирыстоны хъæбултæй бирæтæ сты хæсты быдыры æмæ, кæй зæгъын æй хъæуы, сæ бинонтæй алкæмæ дæр ис иу бæллиц,  цæмæй сæ Лæгты дзуар йæ рахиз базыры бын бакæна, фыдбылызæй сæ хъахъхъæна!

 

Ацы ахсджиаг бон дæр та нæ хæстон лæппуты иунæгæй нæ ныууагъта нæ республикæйы Сæргълæууæг Сæргей Меняйло. Сæ фарсмæ æрбалæууыд тохы быдыры, цæмæй, Ирыстонæй иппæрд уæвгæйæ, банкъарой бæрæгбоны тавс. 

 

Республикæйы Сæргълæууæг сын раарфæ кодта бæрæгбоны фæдыл, бузныджы ныхæстæ сын загъта сæ ныййарджытæн, кæцытæ схъомыл кодтой ахæм ныфсхаст лæппуты æрмæст нæ Ирыстонæн нæ, фæлæ æппæт Уæрæсейæн дæр. «Абон бирæ ирон хъæбултæ сты æфсады, фæндагыл æмæ Хетæджы Уастырджийы фæдзæхст куыд уой, Хуыцау сын ахæм арфæ ракæнæд! Тагъд рæстæджы уæ бинонтæм,  хиуæттæм, къабæзтæм æнæнизæй, æнæмастæй, зæрдæрухсæй куыд сыздæхат, уыцы амонд нæ уæд! Афтæмæй нæ чысыл Ирыстон Уæрæсеимæ иумæ Хетæджы дзуары фæдзæхст уæд!», – загъта Сергей Меняйло.

 

Æмæ, бæргæ, куынæ уаид афтæ, фæлæ иугæр хъысмæт афтæ æрдомдта, уæд хъуамæ бузныг уæм нæхицæй, махмæ дæр тыхст адæммæ æххуысы къух бадарыны æрхъуыды æмæ ныфс кæй разынд, уый тыххæй. Куыд æфсæддон адæймаг, афтæ нæ республикæйы Сæргълæууæджы, стæй не ‘ппæты дæр  æнæдызæрдыгæй уырны, кæй фæуæлахиз уыдзыстæм, уый. Уымæн æмæ немæ ис рæстдзинад, немæ сты, хъæбатырæй чи фæмард, уыдон.

 

Дызæрдыггаг нæу, Донбассы адæммæ сæ тыхст рæстæджы æххуысы къух фæдаргъ кæныны фæндондзинад чи равдыста, уыдонæй Донбассы зæххыл сабырады охыл чи тох кæнынц, уыцы ирыстойнаг бархионтæ се ‘ппæт дæр кæй сты хъайтартæ. Нæ лæппутæ ныууагътой сæ бинонты, сæ хæдзæртты æмæ ацыдысты сабыр цæрджыты неонацисттæй фервæзын кæнынмæ. Диссаг у сæ уæздандзинад,  уыцы хæсты тæссагдзинæдтæ чи федта, уымæ нæкæсгæйæ,  уæддæр кæй сты хиуылхæцгæ, хъæлдзæг æмæ ныфсхаст. Æниу, хъайтардзинад ирон адæмæн никуы уыдис сæрыстырдзинады нысан. 

 

О, хæст, хæст у, æмæ йæ амæттæгтæ зын æмæ уæззау сты нæ чысыл Ирыстонæн. Фæлæ нацизм куынæ скуынæг кæнæм, уæд цард йæ гаччы не ‘сбаддзæн, куыд æмбæлы, афтæ. Абон мах уынæм Уæрæсейы Федерацийы хæстон операцийы æнтыстытæ Украинæйы. Абон мах уынæм Украинæйы горæтты адæм хъарм зæрдæимæ куыд æмбæлынц Уæрæсейы Федерацийы æфсадыл. Уый æрмæст Уæрæсейы сæрыстырдзинад нæу, уый у мах, Ирыстоны, сæрыстырдзинад дæр.

 

Кæй зæгъын æй хъæуы, хæстон операцийы хайад исынц не ‘мбæстæгтæ дæр, мах сæ Цæгат æмæ Хуссар Ирыстоны æмбæстæгтыл нæ дих кæнæм, уымæн æмæ сæ разы цы бæрнон хæс ис, уый у нæ иумæйаг  хъуыддаг.  Уырыссаг, ирон, цæцæйнаг, дагъыстайнаг тæтæйраг… уыдон иууылдæр стæм Уæрæсе. Мах, куыд иу адæймаг, афтæ не ‘ппæт дæр стæм фашизмы, нацизмы ныхмæ.

 

Хуыцау зæгъæд, цæмæй зæххыл уа кæрæдзиæмбарынад!

 

КЪУДУХТЫ  Маринæ


Похожие записи:

ОБЩЕСТВО 9.09.2022 в 20:25

Райгуырд иры адæмы фарнæн

Дуг ивы дуджы, æмæ алы дугæн дæр ис йæхи кæнонтæ. Абон диссаг никæмæ уал кæсы наукæйы кандидат, доктор, академик суæвын. Ссæдзæм æнусы уавæр æндæр уыд. Кæд ахуыр кæнын бирæты фæндыд, уæддæр сын фадæттæ нæ уыд.

ОБЩЕСТВО 17.03.2023 в 19:21

Праздник для чемпионов

В СОШ №44 состоялось масштабное чествование учеников, отличившихся в спорте.

ОБЩЕСТВО 1.02.2023 в 20:09

Ибрагим Багаев: «Учитель должен вдохновлять»

Каким должен быть педагог будущего? Как поменялась роль учителя с внедрением информационных технологий и в чем сегодня его главная миссия? Как помочь ребенку раскрыть свой потенциал?

ОБЩЕСТВО 17.04.2018 в 15:07

ЖКХ в вопросах и ответах

Пресс-службой столичной администрации создана постоянная рубрика, где ответственные служащие сферы жилищно-коммунального сектора г. Владикавказа

ОБЩЕСТВО 29.11.2022 в 09:26

Именем Бориса Бероева может быть названа вершина

28 ноября жители Реданта-2, Чми и Балты приняли участие в опросе о присвоении имени известного ученого-географа Бориса Бероева безымянной вершине Казбекско-Джимарайского массива, расположенной на территории Владикавказа.

ОБЩЕСТВО 20.02.2018 в 12:11

Долгожданное и важное

Во Владикавказе открыли новый инфекционный корпус Республиканской детской клинической больницы.

Все новости из категории: ОБЩЕСТВО