ОБЩЕСТВО

Уемæ баст у нæ республикæйы фæрныгад

27-æм июны æппæт Уæрæсейы дæр бæрæг кæндзысты Фæсивæды бон.

 

Æвзонджы бонтæ сты царды иууыл диссаджы цымыдисондæр рæстæг, кæцы дзаг у алыхуызон цаутæй. Уæд зондахаст райдайы фидар кæнын, йæ тыхты æмæ курдиаты ныфсдзинад бацæуы, адæймагмæ вæййы дывæр хъару, фæтырны ног зонындзинæдтæ базонынмæ. Зæгъæн ис, фæсивæдæй аразгæ кæй у нæ фидæн.

 

Ирыстоны хорз фæлтæр рæзы, зонд æмæ æгъдауыл хæст, хистæрæн, сылгоймагæн кадгæнæг. Цыфæнды стыр хъуыддаг дæр хорз уа, æвзæр райдайы чысылæй. Адæймагæн цæмæй йæ фидæн хорз уа, уый тыххæй йæ хъæуы йæ кæстæрты раст фæндагыл бафтауын, бауарзын сын кæнын цард æмæ куыст. Фæлæ алы æвзонг адæймагмæ дæр хъуамæ уа тырнын­дзинад, йæхæдæг æмбæра йæ хистæрты аудындзинад æмæ бирæбæрцæй хъуа­мæ хъуыды кæна йæ сомбоныл, йæ Райгуырæн бæстæйыл.

 

Æппæты фыццаг æгъдау цæуы æфсармæй, æгъдауæй та – намыс. Уымæн æмæ æгъдау у царды мидис æмæ йæ куыд арфдæр æнкъарай, куыд рæсугъддæр, мидисджындæрæй йæ æххæст кæной, афтæ дæ намыс кæндзæн тыхджындæр. Адæймаг æнусты нæ цæры, æнусты цæрынц йæ кад кæнæ – йæ худинаг. Æмæ-иу фæрнджын адæймаг худинаджы бæсты кадимæ амæлын хуыздæрæн уымæн равзæрста. Йæ цотæн, йæ фæстагæттæн-иу йæ худинаг нæ ныууагъта, фæлæ йæ кад, йæ намыс.

 

Нырыккон зын, æрвылбон дæр ивддзинæдтæ кæм цæуы, уыцы дунейы æвзонг адæймæгтæн тынг ахсджиаг у сæ тыхтыл æууæндын, сæ хъысмæтыл, сæ бæстæйы сомбоны тыххæй бæрндзинад æвдисынмæ арæхсын.

 

Рох нæ ма уæд, æвзонджы бонтæ алы адæймаджы царды дæр æрмæст рæсугъд рæстæг нæу, фæлæ ма царды хорз фæд уадзыны бындур дæр.

 

Тынг сæрыстыр стæм Ирыстоны фæсивæдæй. Нæ лæппутæ æмæ чызджытæ сæхи фæзминагæй æвдисынц царды алы къабæзты, сæ къухы стыр æнтыстытæ æфты, зонд, æрхъуыды æмæ куыстуарзынад кæм хъæуы, уым – наукæйы, культурæйы, аивады, спорты, экономикæйы, æхсæнадон архайды.

 

Сымахæй аразгæ сты Ирыстоны ног æнтыстытæ æмæ йæ бæркадджын сомбон. Уымæн æмæ нæ республикæйы царды фæсивæдæн ис ахсджиаг бынат. Бирæ паддзахадон уагдæттæн къухдариуæг кæнынц æвзонг специалисттæ, кæцытæ сæхи равдыстой фæлтæрдджын, сæ хъуыддаджы дæсны кæстæртæй. Курдиатджын фæсивæды разæнгард кæнынæн республикæйы нысан æрцыдысты алыхуызон гуманитарон фондты стипендитæ. Уыимæ ма нæ республикæйы бирæ куыст цæуы хорз уавæртæ саразыныл, цæмæй чызджытæ æмæ лæппутæ алыварсонæй рæзой, хорз ахуырад райсой æмæ сæ профессионалон фæндагыл слæууой. Ирыстоны æвзонг фæлтæрæй у аразгæ нæ фидæн цавæр уыдзæн, цы фæндагыл æй акæндзысты. Уый æмбаргæйæ, фæсивæд раст хъомыл кæнын у нæ бæстæйы ахсджиаг æмæ хъæугæ дæр куыст.

 

Абон вазыгджын у, цæмæй æрыгон адæймæгтæ цæттæ уой сæхи æмæ сæ республикæйы хъысмæты тыххæй бæрндзинад райсынмæ, хъæппæрис æвдисой æмæ бæрнджын фарстатæ скъуыддзаг кæной. Раст ахæм ныфсхаст æмæ ахуыр адæймæгтæ сты нæ Ирыстоны дарддæры райрæзты ныфс.

 

Бæрæгбоны къæсæрыл газет «Владикавказ»-ы редакцийы кусджыты цæст Ирыстоны фæсивæдæн уарзы хорз зæрдæйы ахаст. Сымах стут курдиатджын, цырддзаст, сфæлдыстадон нысантæм тырнæг – нæ ныфс. Уемæ баст у нæ республикæйы æмæ æппæт бæстæйы фæрныгад. Ут амондджын, æнæниз, фæрнджын,æнтыстытæ æфтæд уæ къухты! Фæсивæды боны хорзæх уæ уæд!

 

Æрмæг бацæттæ кодта КЪУДУХТЫ Маринæ


Похожие записи:

ОБЩЕСТВО 16.05.2022 в 16:20

А. Бязров: “День Великой Победы – это величайшая дата в истории нашей страны, и чрезвычайно важная часть мировой истории, которую необходимо помнить и чтить”

Артур Бязров, политолог, журналист, доцент кафедры социологии и политологии СОГУ:

ГЛАВНЫЕ НОВОСТИ 1.09.2022 в 10:11

РУХСМÆ ЦÆУГÆЙÆ СЫЛ БАТАЛЫНГ СÆ ХУР…

Æстдæс азы фæстæ та ногæй баиу уыдзысты 1-æм сентябры 1-æм скъолайы дзæнгæрæджы зæрдæуынгæггæнæг зæлтæ, ирон адæмы кæуын æмæ хъарæг. Скъолайы кæрты æнустæм æрбынæттон сты зæрдæйы маст, сагъæс, хъыг, рис æмæ цæссыг.

ОБЩЕСТВО 25.11.2022 в 17:48

Именные карты для семей мобилизованных

Сеть продовольственных магазинов, которая раньше работала и предоставляла свой продукт только по районам республики, около месяца назад открыла филиал и во Владикавказе.

ОБЩЕСТВО 30.12.2021 в 08:00

Мечты должны сбываться

Сергей Меняйло принял участие в акции «Елка желаний»

ОБЩЕСТВО 22.09.2022 в 10:01

Владикавказ: прошлое и настоящее

Михаил Ткаченко – выпускник СК ГМИ (ГТУ), инженер-механик, но широкой публике он известен своим блогом «Старый Владикавказ» в «Живом Журнале», а также публикациями в социальных сетях, посвященными городской жизни. В преддверии празднования Дня города журналист нашего издания побеседовала с известным краеведом.

COVID-19 8.07.2022 в 23:35

Об особых правах детей медицинских работников

7 июля на Совете Парламента РСО-А депутаты поддержали федеральную инициативу о внесении изменений и дополнений в ФЗ «Об образовании в Российской Федерации», касающихся особых прав детей медицинских работников, погибших в результате инфицирования новой коронавирусной инфекцией (CОVID-19) при исполнении ими трудовых обязанностей.

Все новости из категории: ОБЩЕСТВО