ОБЩЕСТВО

Зӕрватыччыты зиу

Ӕмбисбон… Цыма ӕрдзон дунейы сӕрты зӕд атахти, уыйау ныссабыр и… Иу къӕрцц, иу сыбыртт никуыцӕй хъуысы… Бӕстӕ ӕнцад-ӕнцойӕ йӕхи тавы сӕрды хуры тынты хъарммӕ.

 

Уалынмӕ дымгӕ фӕдисы тахт ӕрбакодта. Бӕлӕстӕ сӕ фынӕйӕ фехъал сты. Сӕ сыфтӕрджын цъӕх сӕртӕ, тырысатау, ныттынг сты. Скалди фӕндӕгты рыг. Бӕстӕ сарвистон. Мӕргъты фӕрсырдӕм скъӕфы. Сӕхи ма кӕм амбӕхсой, уый налзонынцАдӕттыл нӕ ныллӕууыд дымгӕ, уайтагъд хӕхты ‘рдыгӕй ӕрбатардта сау мигъты ӕнӕнымӕц дзугтӕ. Сардыдта сӕкӕрӕдзиуыл ӕмӕ иу иннӕйы дзӕхст кӕнын райдыдта сырхзынг рӕхыстӕй. Райхъуыстысты сӕ хъустӕ къуырмагӕнӕнцӕлхъытӕ. Арв ӕмӕрттывд кӕны, нӕры ӕнӕрынцойӕ.

 

Ӕваст къӕвда ставд ӕртахӕй лыстӕг ихимӕ уарын райдыдта. Куыд нӕиу уыдысты нырмӕ дӕр тыхджын уарынтӕ, фӕлӕацы хатты хуызӕн никуы баххӕссыдысты, мӕ рудзынджы сӕрмӕ зӕрватыччытӕн цы дыууӕ ахстоны уыдис, уыдонмӕ. Ныр сӕдыууӕ дӕр зӕххыл абадтысты. Къӕвда суанг рудзынджы фӕйнӕджы бынты ӕрбахъардта.

 

Райсомӕй кӕсын, ӕмӕ къӕбицы фӕрссаджы къуымы иу зӕрватыкк йӕ бырынкъӕй балхъивбалхъив кӕны цъыф. Куыддӕруый атахт, афтӕ иннӕ йӕ бынаты абадт ӕмӕ дарддӕр ахӕццӕ кодта уыцы куыст. Цасдӕры фӕстӕ рудзынгӕн йӕ иннӕкъуымы фӕзындысты ӕндӕр дыууӕ зӕрватыччы, ӕвӕццӕгӕн, сӕ раздӕры сыхӕгтӕ. Ӕвӕстиатӕй февнӕлдтой уыдон дӕрног «хӕдзар» аразынмӕ.

 

Цалдӕр минутмӕ сӕ иутӕм дӕр ӕмӕ иннӕтӕм дӕр фӕзындысты бирӕ ӕххуысгӕнджытӕ. Ӕмызмӕлд кӕнынц рудзынджыӕддаг фарс. Банымайӕн сӕ нӕ уыд, фӕлӕ мӕм афтӕ фӕкаст, цыма зиууӕттӕ фӕстагмӕ фынддӕсы бӕрц баисты. Куыддӕрахстӕттӕ ӕрдӕгмӕ ацарӕзтой, афтӕ иууылдӕр уыцыиу афон ӕрбайсӕфтысты.

 

Дыккаг бон та ногӕй бавнӕлдтой сӕ куыстмӕ. Ацы хатт сӕ цалынмӕ кӕронмӕ нӕ фесты арӕзт, уӕдмӕ, кӕрӕдзийыивгӕйӕ, скъӕфтой ӕмӕ скъӕфтой арӕзтадон ӕрмӕг.

 

Цымӕ сӕ знон ӕрдӕгарӕзтӕй цӕмӕн фӕуагътой? Ау, зӕрватыччытӕ дӕр уый ӕмбарынхъом сты, ӕмӕ цалынмӕахстӕттӕ гыццыл фӕхус, фӕфидардӕр уой, уӕдмӕ сын ӕрбырынӕй тӕссаг у.

 

Афтӕ ӕрхъуыдыджын у зӕрватыкк, уый нӕ зонын. Фӕлӕ абон дӕр мӕ зӕрдыл лӕууы, стӕй мӕ дисы ӕфтауызӕрватыччыты зиу. Адӕмӕй та, хъыгагӕн, рох кӕнын райдыдта, кӕнӕ та сӕ бынтондӕр байрох ис уыцы рӕсугъд ӕгъдау.

 

БЫРНАЦТЫ Барон


Похожие записи:

ОБЩЕСТВО 10.03.2023 в 19:39

Знакомство с техникой

Воспитанники центра образования «Интеллект» посетили предприятие «Спецэкосервис».

ОБЩЕСТВО 28.03.2023 в 09:08

Урок клинописи

Урок персидской клинописи дал студентам факультета осетинской филологии Северо-Осетинского государственного университета им. К. Хетагурова доктор древних языков и культуры, ассистент профессора факультета лингвистики Университета им. Алламе Табатабаи (Тегеран) Овранг Изади.

ОБЩЕСТВО 19.02.2018 в 12:28

Из Сочи – с пользой для общего дела

В Сочи завершился Российский инвестиционный форум, в работе которого принял участие Дмитрий Медведев.

ОБЩЕСТВО 18.05.2022 в 21:50

«Рать святая» (ч.1)

Если крикнет рать святая: «Кинь ты Русь, живи в раю!» – Я скажу: «Не надо рая, Дайте родину мою». С. Есенин

ОБЩЕСТВО 14.06.2023 в 20:07

Мосты дружбы и братства

13 июня Владикавказский совет ветеранов войны и труда, вооруженных сил и правоохранительных органов (председатель – Лев Лалиев) принимал коллег из Абхазии.

ОБЩЕСТВО 16.09.2023 в 09:46

Счастливый ли вы человек?

Этот вопрос мы адресовали гостю нашей редакции – общественному деятелю Владимиру Хатагову.

Все новости из категории: ОБЩЕСТВО