ОБЩЕСТВО

Зæрдæйæн — æхсызгон, зондæн — пайда

УФ-йы Профессион литераторты цæдисы цæгатирыстойнаг хайад у нæ республикæйы сфæлдыстадон интеллигенцийы иугæнæг артдзæст. Йæ сæргълæууæг, филологон наукæты кандидат Тменаты Дзерассæйы хъæппæрисæй иудадзыгдæр арæзт æрцæуынц музыкалон изæртæ, цæдисы уæнгты ног поэтикон æмæ прозаикон уацмысты æмбырдгæндты презентацитæ æмæ музыкалон изæртæ.

 

Ирон адæмæй нæ бæстæйы, алы горæтты цæргæйæ, царды алы къабæзты æнтыстдзинæдтæ чи æвдисы, уыцы зындгонд дохтыртимæ, ахуыргæндтимæ фембæлдтытæ

 

Ацы сфæлдыстадон иугонды бирæвæрсыг рухстауæн архайды тыххæй мидисджын æрмæджытæ, цæдисы уæнгты ног уацмыстæ бакæсæн вæййы альманах «Хæххон дымгæ»-йы. Æрæджы рухс федта йæ 35–36 иугонд номыр. Рубрикæ «Поэзи»-йы ирон, уырыссаг æмæ англисаг æвзæгтыл бакæсæн ис Бæдтиаты Юри, Бызыккаты Земфирæ, Уататы Аннæ, Тамарæ Верискунова, Любовь Володенко, Игорь Воложанин, Екатеринæ Дышекова, Альбинæ Зайцева, Галинæ Королева, Наталья Куличенко, Маркус Дарк, Александр Энглези, Туаты Алинæ, Ольгæ Резник, Ларисæ Смагина, Хадыхъаты Фатимæ, Виктория Кирилова, Торчынты Хъазыбег, Цомартаты Дунетхан æмæ РЦИ-Аланийы адæмон артисткæ Персаты Тамарæйы ног æмдзæвгæтæ.

 

Цæгат Ирыстоны Абайты Васойы номыл Гуманитарон æмæ социалон иртæстыты институты ирон æвзагзонынады хайады сæргълæууæг, филологон наукæты доктор Бесолты Еленæ æмæ ацы хайады хистæр зонадон кусæг, филологон наукæты кандидат Моргуаты Ларисæйы уац «Нарты кадджыты культурон нысантæ»-йы дыккаг хай мыхуыргонд цæуы рубрикæ «Зонад»-ы. Ам бакæсдзыстут историон наукæты доктор, профессор Хъаныхъуаты Зæлинæйы уац «Традицион æгъдау нырыккон социалон культурæйы», филологон наукæты кандидаттæ Тменаты Дзерассæ æмæ Тъехты Тамерланы æрмæджытæ.

 

Хетæгкаты Къостайы поэзийы эстетикон идеал цавæр уыд æмæ, нæ адæмы аивадон культурæйы рæзтыл куыд сахадыдта, уый тыххæй сæ уацы фыссынц, филологон наукæты доктор Фидараты Риммæ æмæ Цæгат Ирыстоны Хетæгкаты Къостайы номыл паддзахадон университеты æвзæгтимæ баст чи нæу, уыцы дæсныйæдты специалисттæ цæттæгæнæн фæсарæйнаг æвзаджы кафедрæйы доцент Хъайттаты Иринæ. УФ-йы Профессион литераторты цæдисы регионалон хайады уæнг, зындгонд журналист æмæ фыссæг, альманах «Хæххон дымгæ»-йы иудадзыгон автор Айларты Вероникæйы роман «Зæринæ»-йæ скъуыддзаг кæсут альманахы ацы рауагъды.

 

1960 азы Цæгат Ирыстоны футболон командæ «Спартак-Орджоникидзе» фыццаг хатт архайдта Советон Цæдисы чемпионаты футболæй æмæ фæуæлахиз йæ кæронбæттæн хъæзтыты. Ацы бæрæгбоныл нæ республикæйы футболуарзджытæ цавæр зæрдæйы уагимæ сæмбæлдысты, уый тыххæй йæ уацты «Бузныг, бæрæгбоны тыххæй» æмæ «Ирыстон хъуыды кæны»-йы фыссы газет «Рæстдзинад»-ы хистæр уацхæссæг Баскаты Уырызмæг.

 

Æрæджы йæ цардæй ахицæн зындгонд ахуыргонд æмæ мæйылдзæуæн аппараттæ аразæг, Мæскуыйы, Семен Лавочкины наукон-куыстадон иугонды раздæры разамонæг, Советон Цæдисы паддзахадон премийы лауреат Къомайты Руслан. Цалдæр азы размæ дзы интервью райста альманах «Хæххон дымгæ»-йы иудадзыгон автор Гасанты Валери, кæсут æй ацы рауагъды. Ам ма ис йæ очерк «Ирыстоны аккаг хъæбул». Автор дзы фыссы зындгонд диктор, РЦИ-Аланийы адæмон артист Дудиаты Валодяйы цард æмæ сфæлдыстадон архайды тыххæй.

 

Сывæллæтты сфæлдыстады республикон галуаны адæмон кафты фæзминаг ансамбль «Чысыл джигит»-ы аивадон разамонæг, УФ-йы æмæ РЦИ-Аланийы культурæйы сгуыхт кусæг Кокайты Таймураз æрæджы сбæрæг кодта йе сфæлдыстадон архайды 60 азы юбилей. Кафты аивад æмæ кæстæрты хъомылады тыххæй цы хъуыды кæны, йæ ансамблы алы азты цы фæсивæд архайдта, сæ къухы цавæр æнтыстытæ бафтыд, уый тыххæй йæ интервью «Чысыл джигиты фыд»-ы радзырдта Гуыбыраты Зæлинæ æмæ альманах «Хæххон дымгæ»-йы бæрнон секретарь Гуыриаты Феняйæн.

 

Ам ма бакæсæн ис ацы аивадон коллективы концертмейстер, зындгонд фæндырдзæгъдæг Дзестелты Соняйы фыст æмдзæвгæ «Дæ аивад». Фыдыбæстæйы Стыр хæсты архайджытæ Баситы Убæзы фырт Цæлыккы æмæ йе ’рвад Темболы хæстон фæндæгтыл йæ цау «æрвон тыгъдадæй стъалыйæ кæсы»-йы бæстон афæлгæсыд æрыгон прозаик, публицист, Хъамбердиаты Мысосты номыл паддзахадон премийы лауреат Касаты Аслæнбег.

 

Йæ иннæ очерк «Дæ ингæн — кувæндонау махæн»-ы та фыссы, Баситы Гамбол тохы цæхæры цы лæгдзинад равдыста, уый тыххæй. Æрæджы курдиатджын нывгæнæг Сæбанты Ирбег фембæлд Дзæуджыхъæуы Дзанайты Азанбеджы номыл аивадон училищæйы студенттимæ. Йæ конд нывты равдыст «Магия цвета» фенæн ис ацы чиныгдоны равдыстыты залы. Фæсивæдимæ цæуыл ныхас кодта, йе сфæлдыстадон фæндаг куыд æмæ цæмæй райдыдта, уый тыххæй йæ уацы фыссы Наталья Куличенко. Альманах «Хæххон дымгæ»-йы ацы рауагъды ма бакæсæн ис Ольгæ Резник æмæ Хадыхъаты Фатимæйы уацхъуыдтæ.

 

Профессион литераторты цæдисы Цæгат Ирыстоны хайады уæнгтæй Игорь Воложанин, Наталья Скобенко, Альбинæ Зайцева æмæ Александр Энглезийы ног чингуытыл афæлгæст æмæ æндæр цымыдисаг æрмæджытæ.

 

АНВАРТЫ Валери


Похожие записи:

ОБЩЕСТВО 27.05.2023 в 08:34

Гражданином быть обязан…

В кабинете Тамары Габоевны Кайтуковой, заместителя директора Республиканского дома дружбы народов РСО-А, секретаря-координатора Общественного совета МО г. Владикавказ, стеллажи от пола до потолка забиты стофайловыми папками с информацией о проведенных и планируемых мероприятиях, газетными вырезками, образцами благодарственных писем, анонсов и пригласительных билетов…

ОБЩЕСТВО 23.03.2018 в 14:58

С 28 по 29 марта 2018 года в городе Астрахани пройдет форум «Сообщество»

Форум будет посвящен рассмотрению актуальных проблем и задач развития некоммерческого сектора и межсекторного сотрудничества в Южном федеральном округе,

ОБЩЕСТВО 19.10.2022 в 19:59

Социальный бизнес как признак здоровья общества

С 17 по 19 октября в Северной Осетии проходил региональный этап Всероссийского конкурса «Лучший социальный проект года».

ОБЩЕСТВО 20.07.2023 в 08:45

Валюта R5 сможет обрушить гегемонию США

Разговоры об образе будущего, которые в некоторых политических кругах стали чем-то вроде символа веры, являются отражением новоевропейского учения о бесконечном прогрессе общества и культуры.

ОБЩЕСТВО 10.01.2023 в 10:00

Бынаты хицауы æхсæв

Бынаты хицау, Бындур – бынаты (хæдзары) бардуаг. Ирон адæмы уырнындзинæдтæм гæсгæ цæры къæбицы, æвдисынц æй ссырджын фыдуынд зæронд усы хуызы.  Фæлæ  йæ бон у æндæр хуызы февзæрын дæр, зæгъæм, лæппуйы, урс уæрыччы æмæ æндæр истæй хуызы.

ОБЩЕСТВО 10.07.2022 в 00:04

Вячеслав Мильдзихов поздравил горожан с Днём Хетага

УВАЖАЕМЫЕ ЖИТЕЛИ ГОРОДА ВЛАДИКАВКАЗА!   Примите самые искренние поздравления с одним из самых значимых в Осетии праздников – Днем Хетага!

Все новости из категории: ОБЩЕСТВО