ОБЩЕСТВО

Нæ рагфыдæлты цард æмæ æгъдæуттæ – ног чиныджы

Чиныг кæддæриддæр у рухс цардмæ фæндаг­сгарæг æмæ историйы хæрзиуджытæй сæ иу. Ног чиныджы фæзынд куыд авторæн йæхицæн, афтæ æхсæнадæн дæр вæййы стыр цины хъуыддаг. Тагъд та хуссарирыстойнаг чиныгкæсджытæ сæ къухтæм райсдзысты æмæ хуыздæр базонгæ уыдзысты нæ фыдæлты хъæздыг культурæ, истори æмæ традицитæ бæстонæй æмæ цымыдисонæй æвдыст кæм æрцыдысты, ахæм ног чиныджы фæрстыл.

 

Æрæджы Республикæ Хуссар Ирыстоны сгуыхт журналист, историон зонæдты кандидат, Хетæгкаты Къостайы номыл паддзахадон премийы лауреат Хъуылымбегты Робертæн уырыссаг æвзагыл æртæсæдæ экземплярæй Ростовы мыхуыры рацыд йæ радон ног чиныг «Южная Осетия. Хроники культурной жизни», зæгъгæ, ахæм номимæ.

 

Уæлдæрбанысангонд чиныджы мыхуырмæ бацæттæ кодтой рауагъдад «Республикæ»-йы, кæцы рухс федта Республикæ Хуссар Ирыстоны культурæйы министрады финансон æххуысы фæрцы. Ныр авторы нымадмæ гæсгæ йæ æстæм чиныгæй фæхъæздыгдæр кæндзæн Хуссар Ирыстоны чингуыты фонд.

 

Хъуылымбегты Роберт бирæ азты дæргъы мыхуыр кæны нæ истори, культурæ, аивад, æгъдæуттæ æмæ националон традициты темæтыл цымыдисон уацтæ, кæцыты ис бæстон информаци. Газеткæсджытæ æмæ æхсæнады дæр аккаг аргъ кæнынц Роберты æрмæджытæн, уымæн æмæ йæ ныхасы сæр цæуыл у, уыдонæй бирæтæ абон ферох сты, кæнæ та фендæргъуызон сты, афтæмæй аззадысты ивгъуыды. Цæмæй нæ фыдæлты хъæздыг истори ма рох кæнæм æмæ хъахъхъæд цæуой, уый тыххæй стыр ахъаз сты Роберт йæ чиныгмæ цы æнæмæнгхъæуæг зонадон хуынтæ æрбахаста, уыдон.

 

Чиныгмæ цы æрмæг хаст æрцыдис, уыдоныл автор бакуыста дæс азы дæргъы: «Махæн нæ фыдæлтæ ныууагътой хъæздыг истори æмæ культурæ, сæ ферохы бар нын нæй. Чиныджы бакæсæн ис нæ театры историйы тыххæй, «Симд» куыд фæзынд, цавæр националон музыкалон инструменттæ нæм уыд, аивадон фильм «Фатимæ» куыд рацыд, ирон сылгоймаг кæлмæрзæн куыд дардта, чызгыскъæфт, нысан райсын, бинонты цард, зæгъæм, нæлгоймаг йæ худ куыд хъахъхъæдта, ирон къæбицы цы хæринæгтæ æмæ нуазинæгтæ уыдис, цы бæрæгбæттæ нысан кодтам æмæ бирæ æндæр цымыдисаг тексттæ.

 

Хицæнæй дзы ской кодтон историон адæймæгтыл дæр, уыдон æхсæн сты: Ос-Бæгъатыр, Давид-Сослан, Коцты Бега, Айдарты Знауыр æмæ æндæртыл. Рохуаты нæ ныууагътон хъæуты цы цард фыхтис, уыдæттæ дæр. Мæнмæ гæсгæ, цымыдисон уыдзысты куыд хуымæтæг адæмæн, афтæ специалисттæн дæр. Чиныг уæрст æрцæудзæнис нæ республикæйы культурон æмæ ахуырадон уагдæттыл», – зæгъы Хъуылымбегты Роберт.

 

ЦХУЫРБАТЫ Ларисæ


Похожие записи:

ОБЩЕСТВО 22.02.2018 в 10:01

Контракт становится привлекательнее

Военном комиссариате РСО-А подвели итоги осеннего призыва.

ОБЩЕСТВО 25.03.2022 в 18:57

Патриотизм от сердца

…Или как в детском саду №47 воспитывают любовь к Родине. Дошкольный возраст – фундамент общего развития ребенка. Это стартовый период всех высоких человеческих начал. То отношение к жизни, которое закладывается в это время, оставляет след на все дальнейшее поведение и образ мыслей человека. 

ОБЩЕСТВО 23.12.2021 в 10:52

Охраняя природу – охраняем здоровье

Коллектив кафедры общественного здоровья, здравоохранения и социально-экономических наук в полном составе пополнил ряды

ОБЩЕСТВО 31.08.2021 в 10:31

Мады зарæг

Цæгат Ирыстоны адæмон фыссæг, драматург æмæ сценарист, фыдыбæстæйы Стыр хæсты архайæг Цæгæраты Максимы

ОБЩЕСТВО 13.08.2019 в 10:04

WorldSkills-2019 пройдёт в России

Впервые за всю историю движения WorldSkills, насчитывающую более 60 лет, масштабные международные

ОБЩЕСТВО 19.10.2021 в 08:00

За руль – без судимости

Лица с непогашенной или неснятой судимостью за тяжкие и особо тяжкие преступления не должны осуществлять пассажирские перевозки.

Все новости из категории: ОБЩЕСТВО