ОБЩЕСТВО

БИРÆ УЫН БАНТЫСÆД!

Царды бирæ хъæугæ дæсныйæдтæ ис. Кæцыфæнды дзы равзар – се ʼппæт дæр æмхуызон тынг хъæуынц адæймаджы. Фæлæ дзы, æвæццæгæн, дохтыры, уæлдайдæр хирурджы куыстæй ахсджиагдæр иу дæр нæй. Адæймаджы цард вæййы хирурджы къухты. Абон ныхас кæуыл цæуы, уыдоны хуызæттæ, æвæццæгæн, адæмы хæрзæбонæн райгуырынц. Цал адæймаджы байстой мæлæты дзæмбытæй, цалæн радтой цард, уыдонæн нымæц дæр нæй.

 

Ирыстойнаг дохтыртæ-бархионтæ Æл­бор­ты Юри æмæ Мзокты Хетæг сæрмагонд æфсæддон операцийы хæстонтæ æмæ сабыр цæрджытæн сарæзтой фондзсæдæ вазыгджын операцийæ фылдæр. Не ʼмзæххонтæ сты зæрдæдадзинты хирургтæ. Юри кусы Мæскуыйы бирæпрофильджын клиникон центр «Коммунарка»-йы, Хетæг та – мæскуыйаг 15-æм клиникон рынчындоны.

 

Сæрмагонд æфсæддон операцийы фыц­цаг бонтæй фæстæмæ уыдон аскъуыддзаг кодтой, зæгъгæ, Райгуы­рæн бæстæйы бахъахъхъæныны сæр куы бахъуыд, уæд нæ бон нæ бауыдзæн иуварс лæууын. Сæ куыстытæй райстой æнæ мыздæй æнцойуагъд æмæ дохтыртæ-бархионты къордимæ ацыдысты Луганскы адæмон республикæмæ, специализацигонд медицинон æххуыс бакæныны тыххæй æнæмæнгхъæуæг хирургион ифтонггæрзтæ æмæ хардзы æрмæджытæ семæ аласгæйæ. Уæдæй фæстæмæ Луганскы республикон клиникон рынчындоны æххуыс кæнынц се ʼмкусджытæн. Иумæ операцитæ кæнынц, карз тохты рæстæджы чи фæцæф вæййы, уæрæсейаг уыцы æфсæддон службæгæнджытæн. Кæй зæгъын æй хъæуы, æнæ хъусдардæй нæ ныууадзынц карз зæрдæдадзинты низтимæ бынæттон цæрджыты дæр.

 

Цæгатирыстойнаг специалистты-зæрдæдадзинты хирургты удуæлдай æмæ ахсджиаг куысты тыххæй РЦИ – Аланийы Сæргълæууæджы электрон постмæ арфæ æрбарвыста Луганскы республикон клиникон рынчындоны сæйраг дохтыр Олег Вольман.

 

Афтæ ма бирæнымæц саразгæ алыхуызон операцитæй дарддæр не ʼмзæххонтæ эксплуатацимæ радтой эндоваскулярон ифтонггарз, сæ фæлтæрддзинадыл сахуыр кодтой дохтырты æмæ медицинон персоналы. Куыстмæ бæрнон ахаст æмæ æххуысмæ фæзынынмæ цæттæдзинады тыххæй Юри æмæ Хетæг Луганскы адæмон республикæйы ахæм хорз фæд кæй ныууагътой, афтæ ма экстремалон уавæрты медицинон æххуыс бакæныны тыххæй арфæйы гæххæттытæй хорзæхджын æрцыдысты Уæрæсейы Федерацийы Президенты барамындæй.

 

«Лæппутæ, стыр бузныг уын! Сымах стут Ирыстоны æцæг фырттæ. Фæнды мæ раарфæ кæнын уæ ныййарджытæн дæр, ахæм хорз хъæбултæ кæй схъомыл кодтой, уый тыххæй. Цардæй хорзæхджын ут уæ удуæлдай куыст æмæ æххуысы тыххæй! Бирæ уын бантысæд!» – йæ телеграм-каналы фыссы РЦИ – Аланийы Сæргълæууæг Сергей Меняйло.

 

Юри æмæ Хетæгæн сæйраг хæрзиуджытæ уыдон не сты, фæлæ адæмы хорзæх. Уымæй та сæ Хуыцау фæхайджын кодта.

 

КЪУДУХТЫ Маринæ


Похожие записи:

ОБЩЕСТВО 16.12.2023 в 09:20

БУТАТЫ-ХЕСТАНТЫ ПОБЕДÆЙЫ НОГ ЧИНЫГ

Алы чиныджы арæзт дæр кæд уынд, хуыз  æмæ мидисæй хицæн кæнынц, уæддæр  чиныгкæсджытæ стыр нысаниуæг дæттынц йæ арæзт, йӕ уынд æмæ йе ‘ддаг бакастæй. Уымæн æмæ куыд бирæ æндæр цыдæртæ, афтæ чиныг дæр йæхимæ фыццаг фæхоны æмæ æркæсын кæны йæ хуызæй.

ОБРАЗОВАНИЕ 10.05.2023 в 19:59

Маленький патриот большой страны

Реалии сегодняшнего дня требуют от воспитателей и педагогов пристального внимания к вопросам нравственно-патриотического воспитания подрастающего поколения.

КУЛЬТУРА 7.05.2024 в 09:16

Проект «ГИТИС – Юг» во Владикавказе

4–5 мая во Владикавказе на базе Северо-Осетинского государственного академического театра им. В. Тхапсаева прошли очные отборочные прослушивания в рамках проекта «ГИТИС – Юг» для поступления в Российский институт театрального искусства – ГИТИС.

ОБЩЕСТВО 29.10.2022 в 07:40

Урок мужества

Совсем немного времени прошло с того дня, когда проходила торжественная церемония открытия улицы имени Героя России Андрея Днепровского, а затем открытие его бюста в школе №29 Владикавказа, в которой он учился.

ОБЩЕСТВО 29.03.2018 в 10:12

Муниципалитет + инвестор = ?

Есть ли в Северной Осетии примеры успешного муниципально-частного партнерства, что мешает его развитию и каковы перспективы?

ОБЩЕСТВО 25.10.2018 в 15:56

Президент РФ поручил ОНФ оценивать выполнение нового «майского указа» с точки зрения изменения качества жизни россиян

24 октября состоялось первое заседание Совета при президенте РФ по стратегическому развитию и национальным проектам.

Все новости из категории: ОБЩЕСТВО