КУЛЬТУРА

Ирон æвзаджы кадæн

Алы æвзаджы дæр ис, цы адæм ыл фæдзурынц, уыдоны уд. Сæдæгай фæлтæртæ æнусты тарæй цырагъау фæхастой ирон æвзаг, йæ зæлынад ын аивæй  аивдæр кодтой. Аргъ кæмæн нæй, ахæм хæзнайау æй балæвар кодтой махæн. Абон нæ хæс у уыцы хæзна бахъахъхъæнын æмæ йæ дарддæры фæлтæртæм фæхæццæ кæнын.

 

Ацы хъуыддаджы фæдыл арæзт цæуынц бирæ проекттæ, кусынц æмæ йыл куыстой бирæ дзырддзæугæ лæгтæ. Уыцы ахсджиаг хъуыды арф бахызт Дзæуджыхъæуы хицауады минæвæртты зæрдæтæм. Сæ размæ хæс сæвæрдтой, цæмæй ирон æвзаг скъолайы иннæ предметты ’хсæн ноджы бæрзонддæр бынат куыд ахса.

 

Уыцы рæсугъд фæндтæй иу – саразын нæ фæсивæдæн зарæг «Ирон æвзаджы кадæн» æмæ уыцы бæрнон хъуыддаг йæхимæ райста Джиоты Хъазыбег. Зарæджы ныхæстæ фыст æрцыдысты. Тагъд сын фæзындзæн аив музыкæ дæр æмæ йæ æвзонг хъæлæстæ бæрзонд сис­дзысты.

 

Ирон æвзаджы кадæн

 

Сæууон хуры тын дунейæн йæ тавæг,

Ныййарæгау та – мадæлон æвзаг.

Ирон æвзаг, мæ цардыуаг, мæ зарæг,

Хæддзу ныхæстæ йе стырдæр ызнаг.

 

Базард:

Зæланг кæнæд скифты ‘взаг нæ Ирыл,

Æхсидæт дзы нæртон лæджы хъæлæс!

Цæрæд нæ Ир! Уæд амондджын нæ фидæн,

О, Уастырджи, дæ хорз цæстæй нæм кæс!

 

Цы адæмæн йæ æвзаг у йæ хæзна,

Йæ кад æнустæм а зæххыл нæрдзæн.

Кæстæр æгъдауæй хистæры куы фæзма,

Уæд а дунейы кадджынæй цæрдзæн.

 

Базард:

Зæланг кæнæд скифты ’взаг нæ Ирыл,

Æхсидæт дзы нæртон лæджы хъæлæс!

Цæрæд нæ Ир! Уæд амондджын нæ фидæн,

О, Уастырджи, дæ хорз цæстæй нæм кæс!

 

Ирон ныхас мæ а зæххы кæронæй,

Ирыстонмæ фæхæццæ кæны тагъд.

Цыма фæнуазын йе ’хсæрдзæнты донæй,

Кæнæ фæхъусын хъазты фæндырдзагъд.

 

Базард:

Зæланг кæнæд скифты ’взаг нæ Ирыл,

Æхсидæт дзы нæртон лæджы хъæлæс!

Цæрæд нæ Ир! Уæд амондджын нæ фидæн,

О, Уастырджи, дæ хорз цæстæй нæм кæс.

 

ДЖИОТЫ Хъазыбег


Похожие записи:

КУЛЬТУРА 11.02.2022 в 20:28

Возвращение Цола

Северо-Осетинский государственный академический театр им. В.В. Тхапсаева готовит для своего зрителя премьеру. 25 февраля блистательный состав актеров театра выйдет на сцену со спектаклем «Цолайы чындзæхсæв»  («Свадьба Цола»).

КУЛЬТУРА 12.01.2019 в 11:43

«Меня перенесла сюда любовь»

Год театра в Северной Осетии открылся очень интересным событием. Буквально в первый рабочий день после новогодних каникул на сцене концертного зала СОГУ прошла премьера спектакля

КУЛЬТУРА 14.08.2021 в 08:02

Ирон адæмы фыдæлтыккон хæцæнгæрзтæ

Нæ фыдӕлты, скифтæ æмæ сæрмæтты сæйрагдæр хæцæнгæрзтæ уыдысты кард, уарт, цирхъ, арц, фат æмæ æрдын.

КУЛЬТУРА 10.10.2017 в 10:18

V Международный конкурс имени Павла Лисициана

С 3 по 8 октября, в рамках XII Международного фестиваля искусств «В гостях у Ларисы Гергиевой», прошел V Международный конкурс молодых вокалистов им. Павла Лисициана. В этом году конкурс собрал 58 молодых вокалистов из городов России и семи стран мира – Китая, Италии, Болгарии, Украины, Белоруссии, Армении, Узбекистана (для сравнения: на прошлом, четвертом, конкурсе участники были из […]

КУЛЬТУРА 4.02.2022 в 15:05

Выставочный проект «Существование. Со-существование»

С 11 февраля по 31 марта 2022 года Северо-Кавказский филиал Государственного музея изобразительных искусств имени А.С. Пушкина представляет выставочный проект «Существование. Со-существование» художника Зака Кахадо.

КУЛЬТУРА 30.11.2017 в 09:54

Роман с… танцем

Одни считают танец языком тела, другие – возможностью выразить свои эмоции. А вот для руководителя ансамбля современного и эстрадного танца «Беркана» Ольги Безверховой танец – и то, и другое… это жизнь.

Все новости из категории: КУЛЬТУРА