КУЛЬТУРА

Ирон театры равзæрдыл сæххæст 88 азы!

Театр у нæ республикæйы культурæйы, ирон аив дзырды артдзæст! Зæрдæйы баззадысты нæ курдиатджын артисттæ сценæйы цы сурæттæ скодтой, уыдон! Нæ ферох уыдзысты Тæбæхсæуты Бало, Таутиаты Солæман, Уататы Бибо, Саламты Къола, Сланты Къоста, Икъаты Серафин, Брытъиаты Зариффæ, Годжыцаты Исахъ, Хъæрджынты Варя, Туменаты Еленæ, Беккуызарты Орзетæ, Баллаты Валодя, Икъаты Бертæ, Хуырымты Уырызмæг, Тлаттаты Бексолтан, Дзытиаты Лактемыр, Хуыгаты Сурен… Се ʼппæт нæ ранымайдзыстæм абон.

 

Адæмæн цас циндзинад æмæ сæрыстырдзинад хастой, уый сбарæн ницæмæй ис, æмæ сын ирон театрдзау дзуапп лæвæрдта иузæрдион уарзондзинадæй.

 

88 азы размæ фыццаг хатт йæ æмбæрзæн байгом кодта Цæгат Ирыстоны паддзахадон драмон театр. Фæрнæйдзаг бон рох никуы уыдзæн! Уыцы бон сызгъæрин дамгъæтæй фыст у ирон театралон аивады историйы. Уæд бындур æвæрд æрцыд, театр абон сæрыстыр кæмæй у, уыцы хуыздæр традицитæн,æмæ сæ уæдæй нырмæ артистты фæлтæртæ æххæст кæнынц æнувыдæй.

 

Ныр дæр нæ уарзон театр тæмæнтæ калы! Иу æнтыст иннæйы фæдыл, спектакль спектакль ивы, сценæйыл хъомыл кæны хорз кæстæртæ…

 

Зæгъæм, театр 15 ноябры æппæтадæмон кинофорум «Золотой витязь»-ы равдисдзæн Уильям Шекспиры пьесæмæ гæсгæ æвæрд спектакль «Паддзах Лир». Сценæйы йæ сæвæрдта театры сфæлдыстадон разамонæг Уалыты Гиви. Режиссер спектаклы сюжет рахаста 90-æм азтæм – Советон Цæдис куы фехæлд, уыцы рæстæгмæ. Æппæтадæмон кинофорум «Золотой витязь»-ы хæс у уырыссаг классикон æмæ национ драматургимæ адæмы ʼргом раздахын.

 

Абон дæр Ирон театры артистты сфæлдыстад махæн, театрдзаутæн, у зæрдæрухсы хос.

 

Айсут нæ арфæтæ! Цы бирæ адæм уын табу кæнынц уæ аивадæн, уыдоны хорзæх уæ уæд!


Похожие записи:

КУЛЬТУРА 14.08.2021 в 08:02

Ирон адæмы фыдæлтыккон хæцæнгæрзтæ

Нæ фыдӕлты, скифтæ æмæ сæрмæтты сæйрагдæр хæцæнгæрзтæ уыдысты кард, уарт, цирхъ, арц, фат æмæ æрдын.

ОБЩЕСТВО 2.12.2021 в 20:47

На “прямой линии” с гражданами

Глава РСО–А Сергей Меняйло провел прямую линию, в ходе которой ответил на вопросы жителей республики.

ОБЩЕСТВО 24.08.2021 в 10:56

Три леопарда для Осетии

Помимо двух котят (первого потомства пары Шивы и Филоу из шведского зоопарка), в Центре восстановления леопарда на Кавказе

ГОРОД 27.09.2021 в 20:17

«Спасибо, пакет не нужен!»

Во Владикавказе прошел первый экологический фестиваль Simple Fest

ОБЩЕСТВО 13.01.2023 в 21:05

Сотрудники Росгвардии поздравили редакцию газеты «Владикавказ» с профессиональным праздником

В День российской печати наша редакция принимала поздравления от друзей. В числе организаций, которые первыми поздравили коллектив издания, – Росгвардия. Сотрудники ведомства вручили благодарственное письмо главному редактору газеты «Владикавказ» Алле Хинчаговой.

ОБЩЕСТВО 24.01.2018 в 17:27

Причины инвалидности вследствие радиационных воздействий

Одним из условий реализации мер социальной защиты, предусмотренных для такой категории граждан, как инвалиды, является социальная причина инвалидности.

Все новости из категории: КУЛЬТУРАОБЩЕСТВО