ОБЩЕСТВО

«ЙÆ РУХС НОМ У ДЗУАРАУ, ÆВÆДЗА, МÆНÆН»

Сæдæ æхсай азæй фылдæр хæххон стъалыйы рухс ном – Хетæгкаты Къоста – ирон номдзыд адæмы номхыгъды у фыццæгты-фыццагдæр. Йæ цард, йæ курдиат йæ адæмæн нывондæн чи æрхаста, йæ адæмы сагъæстæ, йæ адæмы хъуыдытæ бæрзонд аивадон æмвæзадмæ чи систа æмæ сæ дунейы дзыллæтæм чи рахаста, уарзт йæ кувæндон кæмæн уыд, æгас дуне та йæ аргъуан, уыцы нарон лæппу поэзийы бæрзæндтæй æркæсын кодта дунейы дзыллæты йæ адæмы уæззау цардмæ.

 

Ахæм фыссæг зынтæй разындзæн, æмæ Хетæджы-фыртыл йæ зæрдæйы сагъæстæ чи нæ сфæлдыста, уымæн æмæ æввахс лæууыд хуымæтæг адæммæ, цард сæ цæрайæ.

 

Абон  уын, зынаргъ газеткæсджытæ,  радон хæтт уæ размæ хæссæм, Дзæуджыхъæуæн стыр кад чи кæны, чи йæ уарзы, уыдонæй иу – бынæттон администрацийы минæвар Джиоты Хъазыбег Хетæджы-фыртыл цы зæрдæмæхъаргæ рæнхъытæ снывæзта, уыдон.  Куы сæ кæсай, уæд æнæмæнг банкъардзынæ, Джиойы-фыртæн йæ царды Хетæгкаты Къоста цы стыр бынат ахсы, уый.

 

 

МÆ САГЪÆС

 

 (Ныхас Къостайы къамимæ)

 

 

Кæсын тæ ногæй æз Къостамæ,

Мæ разы стъолыл ис йæ къам.

Зæххон уд нæу, – уæларвон стъалы!

Цыма йæхæдæг бады ам.

 

Йæ сагъæс рæстæджы нæ ивы,

Хуыцауы аргъуанау йæ мусонг.

Йæ хъуыды стъалыйау æрттивы,

Йæ зонд, йæ ныхас сты æнусон.

 

Æдзынæг къаммæ йæм кæсын,

Рæдыд мæ зæрдæмæ хæссын.

Бæрæг нæ нал ис, – чи, цы стæм?

Кæд иу туг, иу стæг ыстæм.

 

Уæд нæм куыннæ  хъуысы йæ хъарæг

Нæ фидæн, сомбоны фæдыл.

Цæуыл у ныр нæ хъæлдзæг зарæг?

Къостайы рагон тыхст – мæтыл.

 

Цæлмондаг мулчы фæдыл ныр,

Цæуæм нæ кад, нæ æфсарм ивгæ.

Нæ хох нын раивта быдыр,

Фыдæлты ‘гъдау, бæркад æссивгæ.

 

Фæдис, фæдисы хъæр – фæлæуу!

Лæгдзинад бахъуыди дывазæй.

Мыййаг, кæд лæгты рæстæг нæу…

Ныртæккæ ‘взæртæ ысты разæй.

 

Нæ къух фыдыуæзæгыл систам.

Не ‘взаг  – рох æмæ гуылмыз.

Тæрсын, куы ферох кæнæм – чи стæм?

Куы фесæфа нæ ирон хуыз.

 

 

НАРОН

 

Къоста уыдис нарон,

Йæ ныхас æцæг.

Къостайæ дæсны дæр

Кæм  уыдис фыссæг?

 

Æрцауæг æлдарæй

Нæхиуон тыхджын.

Къостайы ныхасæй

Йæ адæм ныфсджын.

 

Нæу абон йæ ныхас

Нæ фæлтæрæй рох.

Йæ хъуыды, йæ кадæй

Фидауы нæ хох.

 

Куы уын зæгъын – нарон…

Ныр дæр уым йæ цырт.

Йæ рухс цард уын хъарон…

Нæ фæуыдзæн дзырд.

 

Нæ рухс цард мах абон

Нæ барæм уæдыл,

Нæ хъуыды, нæ сагъæс

Къостайы мæтыл.

 

Нæ хъуыды нæ зондыл

Лæудзæнис йæ кад,

Нæ зæгъдзæн зæххон уд:

– Йæ цард уыд æгад.

 

Ыскодта нæ Ирæн

Æнæмæлгæ кад.

Фысджыты къæбицмæ –

Æнусон бæркад.

 

 

Нар радтай Къостайы

Лæггад кæнынæн.

Йæ рухс ном у дзуарау,

Æвæдза, мæнæн.

 

Йæ фыды тызмæгдзаст,

Æнæрæвдыд, гъе…

Дзæнæты фæбада

Ысхæссæг Чендзе.

 

Уæлладжыры комæй

Йæ гени, йæ ном.

Æстъалыйау ратахт,

Ныррухс кодта ком.

 

Уыд дуне йæ хæдзар,

Йæ хъуыды – дзуар.

Ныттыгъта йæ бæстæн

Йæ рухс уды дуар.

 

Уый дзыллæты кадæн

Йæ сæрвæлтау – цард.

Хуымæтæг лæггадæн

Ыстыр кодта кад


Похожие записи:

ОБЩЕСТВО 5.02.2022 в 08:04

Йæ алы нуар дæр кафты æвзагæй кæмæн дзырдта

УФ-йы аивæдты сгуыхт архайæг, Цæгат Ирыстоны адæмон артист. Уарзиаты Хадзысмелы райгуырдыл сæххæст 84 азы

ОБЩЕСТВО 15.07.2021 в 08:07

Ирон адæмы æнгомдзинадыл архайгæйæ

Алчидæр æй зоны, æстдæсæм æнусы Туалгомы минæвæрттæ кæй райдыдтой Ирыстон Уæрæсеимæ баиу кæныны хъуыддаг, сæ баиу кæнынæй æрбангом сты æппæт ирон адæм дæр.

ОБЩЕСТВО 23.08.2018 в 15:27

Работа не волк, в лес не убежит

Правительство республики и администрация г. Владикавказа познакомились с работой заключенных в производственных цехах исправительной колонии №1.

ОБЩЕСТВО 27.08.2021 в 22:48

Вячеслав Мильдзихов встретился с исполнительным директором РФСВ Максимом Лесковым

Глава АМС г. Владикавказа Вячеслав Мильдзихов встретился с исполнительным директором Российского фонда свободных выборов

ОБЩЕСТВО 6.10.2023 в 19:08

ДОБРАЯ ТРАДИЦИЯ

Учителя и ученики средней школы с. Ногкау Алагирского района делают доброе дело: с недавних пор они ходят в гости ко всем ветеранам педагогического труда школы и поздравляют их с праздниками. Отныне все те, кто посвятил свои жизни школе и детям, непременно будут получать частичку добра и заботы от младших поколений.

ОБЩЕСТВО 16.03.2023 в 08:49

Их именами названы улицы

В год знаменательного юбилея Битвы за Кавказ, 80-летие завершения которой будет отмечаться в октябре нынешнего года, мы открываем на страницах газеты рубрику «Их именами названы улицы»: будем рассказывать о наших земляках и других согражданах – Героях Великой Отечественной войны

Все новости из категории: ОБЩЕСТВО