Ног аз фарны къах бавæрæд уæ алкæй хæдзармæ дæр! Ног хæрзтæ, ног амæндтæ уын æрбахæссæд. Дуне цы рыны уацары бахауд, уый тагъд рæстæджы куыд фесæфа æмæ адæм фæстæмæ сæ раздæры цардмæ куыд раздæхой.
Зæронд аз йемæ ахæссæд фыдбылызтæ, мæстытæ æмæ низтæ, хорзæй дзы цы уыд, уыдон та 2022 азы афтæ ныппарахат уæнт, алчидæр дзы разыйæ куыд баззайа. Дуне сабыр куыд уа, афтæмæй алкæй дæр рæстæджы хорзæх уæд. Уæ куысты бæркадæй уæ уды бæркад фылдæр куыд кæна. Цæмæй тæрсут, уымæй хызт куыд уат, цæмæ бæллут, уымæй та – хайджын.
Фидæн адджын у, гъемæ дзы цæрынæй бафсæдут. Ног аз æнтыстджын æмæ фæрнæйдзаг уæд!