Республикæйы дарддæр цæуынц сæрмагонд хæстон операцийæн æххуысы мадзæлттæ. Куы иу ран, куы иннæ ранæй араст вæййы гуманитарон æххуыс нæ лæппутæм.
Ис ахæмтæ æмæ хæсты райдайæнæй нырмæ се ʼххуыс кæнын нæ ныууагътой. Хæстон операцийы архайджытæн æдзух æрвитынц хæлцады продукттæ, квадрокоптертæ, маскæтæ, телескоптæ, хæстон дзаумæттæ, згъæр хæдæттæ æмæ сæ чи фæуыдзæн нымад.
Иу ныхасæй, нæ республикæ æнцад нæ бады, архайы алцæмæй дæр, цæмæй нæ хæстонты фарсмæ уæ æдзух, йе ʼххуысы хай сын цæстуарзонæй æрвиты алы фадыджы дæр.
Ацы хатт дæр та акци «Автопоезд» æххæст кæнгæйæ, æхсæнадон змæлд «Адæмон фронт»-ы проект «Алцыдæр уæлахизæн»-ы фæлгæты, сæрмагонд æфсæддон операцийы зонæмæ нæ республикæйæ арвитдзысты æхсæз машинæйы. Уымæ гæсгæ æфсæддон операцийы зонæмæ Цæгат Ирыстоны Росреестры Управлени æмæ фæллойы паддзахадон инспекцийы сфæнд кодтой се ʼххуысы хай бахæссын – хæсты зонæмæ арвитын сæрмагонд техникæ. Сæ кусæндæтты номæй радих кодтой фæйнæ æртæ машинæйы 2013 азы Niva Chevrolet, стæй æртæ моделы та ВАЗ – 2131. Раздæр уал машинæтæн скæндзысты техникон æркаст. Уый фæстæ сæ арвитдзысты бынатмæ.
Уæрæсейы уавæр чи æмбары, сæрмагонд операцийы фарсмæ чи æрбалæууыд æмæ йын чи æххуыс кæны, уыдон арфæйаг хъуыддаг аразынц. Ахæмты руаджы Уæлахиз уыдзæн мах. Цард ахæм хорз адæймæгтыл лæууы.