ОБЩЕСТВО

Бынаты хицауы æхсæв

Бынаты хицау, Бындур – бынаты (хæдзары) бардуаг. Ирон адæмы уырнындзинæдтæм гæсгæ цæры къæбицы, æвдисынц æй ссырджын фыдуынд зæронд усы хуызы.  Фæлæ  йæ бон у æндæр хуызы февзæрын дæр, зæгъæм, лæппуйы, урс уæрыччы æмæ æндæр истæй хуызы. 

 

Бынатыхицауы фенын сæ бон у æрмæстдæр сылгоймаг дæснытæн, уый дæр Ногбон æхсæв. Бынаты хицау ауды бинонтыл: уый къухы сты се ‘нæниздзинад æмæ сæ амонд; хæдзарон фос дæр алыхуызон низтæй уый хъахъхъæны. Уыимæ Бынаты хицау, ног чындз йæ фыды  хæдзарæй куы фæцæуы, уæд æй раст фæндагыл саразы, ауды йыл. Кæнæ йын ахъаз кæны, цæмæй сахуыр уа йæ ног хæдзарыл æмæ æрбынæттон уа йæ мойы бинонты ‘хсæн. Бынаты хицау сылгоймæгтæм иннæ зæдтæй хæстæгдæр у. Бар сын уыдис йæ номæй йæ хонын дæр. Афæдзы мидæг-иу бæлвырд бон Бынаты хицауæн æргæвстой нæл фыс, сæгъ, кæнæ хæдзарон мæргътæй исты, зæгъæм, сау уасæг кæнæ карк. Цы-иу аргæвстой, уымæн-иу йæ туг рауагътой иу ранмæ æмæ-иу æй арф баныгæдтой, кæнæ-иу æй цæугæдоны ауагътой, куыдз кæнæ дзы гæды куыд нæ фæхъæстæ уыдаид, афтæ. Сæ дзидза-иу сын Бынаты хицауæн куы скуывтой, уæд-иу æй хъуамæ бахордтаиккой æрмæстдæр бинонтæ сæхæдæг. 

 

Бынаты хицауы бон фæкæнынц дыккаг къуырийы æртыццæг æхсæв. Ирон адæмы уырнындзинадмæ гæсгæ, алы хæдзар, алы бинонтæн дæр ис йæхи бардуаг. æмæ цæмæй дæ бынаты амондджынæй, æнæнизæй, æнæфыдбылызæй цæрай, уый тыххæи йыл дæхи бафæдзæхс, дæ кæстæрты тыххæй йæм батабу кæн. Ирон адæм ын циндзинады алы фынгыл дæр арынц йæ ном, лæгьстæ йын кæнынц, цæмæй сæ йæ хорзæх уа.

 

Бынаты хицауы хорзæх нæ уæд алкæй дæр. Нæ бынæтты цы рæсугьд хъуыддæгтæ цæуы, уыдон амондджын фæуæнт, бинонтæ – цардæй æфсæст, нæ хъуыддæгтæ та рæстмæ уæнт кæддæриддæр!


Похожие записи:

ОБЩЕСТВО 3.08.2019 в 11:40

Вакансии для бывших работников завода «Электроцинк»

Для граждан было предложено более 400 вакансий различных специальностей.

ОБЩЕСТВО 22.07.2022 в 22:25

Ирон аив дзырдӕн табугӕнджыты хӕрзиуӕгӕн

Арӕх вӕййы фӕхъусӕн, ома рӕстӕг донимӕ кӕй абарынц, уымӕн ӕмӕ сӕ дыууӕ дӕр ӕнӕрынцойӕ, фӕллад нӕ зонгӕйӕ, тӕхынц размӕ. О, азтӕ бирӕ цаутӕ, бирӕ хъуыддӕгтӕ бӕттынц адӕймагимӕ.

ОБЩЕСТВО 25.04.2019 в 11:39

Суворовцы-кавказцы, мы дружбою сильны!

20 апреля 2019 года навсегда войдет в историю военных учебных заведений страны как новая страница: в этот день в северо-западной

Новости города 26.08.2021 в 10:49

Вакансии есть!

24 августа в Комитете РСО-А по занятости населения состоялся пресс-подход по теме «Приглашение граждан на временную работу

ОБРАЗОВАНИЕ 26.04.2023 в 20:39

«НЕурок географии»

В Центральном парке культуры и отдыха им. К.Л. Хетагурова по инициативе Русского географического общества прошел «НЕурок географии».     В музыкально-просветительском мероприятии приняли участие глава Администрации местного самоуправления г. Владикавказа Вячеслав Мильдзихов, министр образования и науки РСО-А Элла Алибекова, ректор Северо-Осетинского государственного университета имени К.Л. Хетагурова Алан Огоев, педагоги, общественные деятели, студенты и школьники.   […]

ОБЩЕСТВО 15.03.2018 в 11:24

О послании Главы РСО-А

13 марта Глава Северной Осетии Вячеслав Битаров представил республиканскому парламенту Доклад-послание об основных направлениях социально-экономического

Все новости из категории: ОБЩЕСТВО