Мах сæрыстыр стæм, не ’хсæн ахæм фæрныг адæймаг кæй кусы, уымæй. Мæдинæ у Уæрæсейы Федерацийы журналистты Цæдисы уæнг, Уæрæсейы кинематографистты уæнг, Уæрæсейы кинорежиссерты Гильдийы уæнг.
Нæ разагъды журналист бирæвæрсыгæй æвдисы Цæгат Ирыстоны культурон цард, йе ’рмæджытæ вæййынц цымыдисаг, ахадгæ, бацагайынц уды рæбинæгтæ.
Хæрзæджы хорзæй, дам – цард. Æмæ нын уый рæсугъдæй æвдисы Тезиаты Мæдинæ. Йæ хæстæ алы хуызы дæр æххæст кæны кад æмæ радæй. Æмæ йын куыннæ хъуамæ кæнæм зæрдиаг арфæ йæ райгуырæн боны фæдыл. Цæрынæй бафсæд, дæ удæн æхцон чи у, уыдонимæ æнæниз, æнæмаст, амондджынæй! Дæ рæсугъд фæндтæ нæртон æфсир рафтауæнт!