ГОРОД

Хæдзар-музей байгом кæндзæн йæ дуæрттæ

Куыд зонæм, афтæмæй зынгæ режиссер Евгений Вахтанговыл ацы аз æххæст кæны 140 азы. Ацы цауы фæдыл нæ республикæйы ацæудзæн алыхуызон аивадон мадзæлттæ. Сæ тæккæ вазыгджындæрыл æнæмæнг нымад у, йæ номыл, егъау рацарæзты фæстæ, йæ дуæрттæ уазджытæн цы хæдзар-музей байгом кæндзæн, уый.

 

Мæскуыйы Евгений Вахтанговы номыл директор Кирилл Крок куыд радзырдта, афтæмæй арæзт æрцыд æнæхъæн экспозици. Бахастой йæм, абарæн кæмæн нæй, ахæм дзаумæттæ Вахтанговы номыл театры музейы фондтæй. Уымæй дарддæр сарæзтой камерон концертон зал. Бæстыхаймæ ласынц Мæскуыйы, Бетъырбухы æмæ Цæгат Ирыстоны арæзт антикварон хъæддзаума. Алцыдæр арæзт цæуы, цæмæй алы æрбацæуæг дæр банкъара 18-æм æнусы кæрон æмæ XIX æнусы райдиан къупецаджы хæдзары тæваг.

 

Уæвгæ, Вахтанговы хæдзар-музейы байгоммæ зæрдиагæй æнхъæлмæ кæсынц канд нæ республикæйы цæрджытæ нæ, фæлæ ма нæ бæстæйы культурон æхсæнад дæр. Зындгонд театралон архайæджы ном æнгом баст у Дзæуджыхъæуимæ. Ам бауарзта театр, æмæ ардыгæй абалц кодта Мæскуыйы сусæгдзинæдтæ базонынмæ.

 

Æнæмæнг ацы культурон объект суыдзæн туристты æмæ бынæттон цæрджыты уарзондæр бынат. Апрелы Цæгат Ирыстонмæ ссæудзысты зындгонд артисттæ, æмæ нæ сæйраг хæс у æппæт мадзæлттæ бæрзонд æмвæзадыл ауадзын. Вахтанговы хæдзар-музей кусдзæн къуыри авд боны. Алкæмæн дæр фадат уыдзæн экскурси скæнынæн. Уыимæ аудиогиды лæггæдтæй спайда кæнын, кæнæ экспозици хибарæй фенынæн. Фæлладуадзæн бонты та нысан кæнынц моноспектакльтæ æвдисын.

 

Нæ республикæйы иннæ театртæн дæр дзы сæ бон уыдзæн се сфæлдыстадон куыстытæ æвдисын. Афæдз цалдæр хатты-иу Мæскуыйы театры хуыздæр артисттæ ссæудзысты Дзæуджыхъæумæ æмæ мемориалон музейы сценæйы залты æвдисдзысты концерттæ æмæ чысыл спектакльтæ. Афтæмæй Дзæуджыхъæу йæхимæ ноджы фылдæр здахдзæн аивадуарзджыты æргом.

 

Театры директор Кирилл Крокы ныхæстæм гæсгæ, Вахтанговы хæдзар уыдзæн Дзæуджыхъæуы цæрджытæ æмæ уазджытæн, аивадуарзджытæн æмæ Ирыстоны номдзыд фырт – Евгений Баграты фырт Вахтанговы курдиатæн кадгæнджытæн сæ уарзон бынат, культурон центр.

 

КЪУДУХТЫ Маринæ


Похожие записи:

ОБЩЕСТВО 30.07.2021 в 21:35

Морская душа

С Зауром Макаевым мы знакомы немало лет. Вместе с другими соратниками – членами Северо-Осетинского республиканского отделения

ОБЩЕСТВО 7.08.2023 в 19:53

Эльдарушев огорчил бывшую команду

«Акрон» – «Алания» – 1:0 (1:0)

ОБЩЕСТВО 12.04.2023 в 19:13

Сергей Меняйло провел прием граждан

По поручению Президента РФ Глава РСО-А Сергей Меняйло провел прием граждан по личным и общественно значимым вопросам.

ОБЩЕСТВО 23.01.2024 в 08:23

Более 30 образовательных учреждений закрыты на карантин

Массового перехода на дистанционное обучение не планируется

ОБЩЕСТВО 11.04.2022 в 18:19

Летчики не умирают, а улетают в небо…

12 апреля родился выдающийся воин – патриот Осетии гвардии генерал майор авиации Руслан Александрович Бедоев, человек, безумно влюбленный в небо, в авиацию, которой посвятил всю свою жизнь…

ОБЩЕСТВО 15.10.2021 в 18:59

«Алы ирон адæймаджы зæрдæйы дæр Къоста цæры»

Кæфты мæйы 15-æм бон уæлдай æхсызгондзинад æрхæссы æппæт ирон адæмæн.

Все новости из категории: ГОРОДОБЩЕСТВО